• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സിപിഎം വനിതാ എംഎല്‍എയുടെ രാമായണ പാരായണം.. ഏറ്റെടുത്ത് സോഷ്യല്‍ മീഡിയ ! വീഡിയോ വൈറല്‍

  • By Desk

രാമയണമാസം ആചരിക്കാനുള്ള സിപിഎം തിരുമാനം വന്‍ വാദപ്രതിവാദങ്ങള്‍ക്കായിരുന്നു തുടക്കമിട്ടത്. പിന്നാലെ കോണ്‍ഗ്രസും രാമായണ മാസാചരണവുമായി രംഗത്തെത്തി. എന്നാല്‍ പാര്‍ട്ടിയിലെ മുതിര്‍ന്ന നേതാക്കളുടെ എതിര്‍പ്പ് ഉയര്‍ന്നതോടെ കോണ്‍ഗ്രസും ആ നീക്കം ഉപേക്ഷിച്ചു.

എന്നാല്‍ രാമായണം ആരുടേയും കുത്തകയല്ലെന്ന നിലപാട് ഇരു പാര്‍ട്ടികളും ആവര്‍ത്തിച്ചു. വിവാദങ്ങള്‍ കെട്ടടങ്ങിയ പിന്നാലെ സിപിഎം നേതാവും കായംകുളം എംഎല്‍എയുമായ പ്രതിഭ രാമായണ പാരായണം നടത്തുന്നതിന്‍റെ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്.

രാമായണ മാസാചരണം

രാമായണ മാസാചരണം

സിപിഎമ്മിന്‍റെ സംസ്കൃത സംഘം കൂട്ടായ്മയുടെ നേതൃത്വത്തില്‍ രാമായണ മാസാചരണം നടത്താനായിരുന്നു സിപിഎമ്മിന്‍റെ തിരുമാനം. സിപിഎമ്മിലേക്ക് എത്തിയ മുന്‍ ആര്‍എസ്എസ് -ബിജെപി പ്രവര്‍ത്തകരുടെ കൂട്ടായ്മയാണ് സിപിഎമ്മിന്‍റെ സംസ്കൃത സംഘം.

പ്രസംഗങ്ങള്‍

പ്രസംഗങ്ങള്‍

രാമായണ മാസാചരണത്തിന്‍റെ ഭാഗമായി രാമായണത്തിന്‍റെ സാമൂഹിക പശ്ചാത്തലം വിശദമാക്കുന്ന സെമിനാറുകളും പ്രഭാഷണങ്ങളും നടത്താനായിരുന്നു പാര്‍ട്ടിയുടെ തിരുമാനം. എന്നാല്‍ വിവിധ തലങ്ങളില്‍ നിന്ന് എതിര്‍പ്പുകള്‍ ഉയര്‍ന്നതോടെ പാര്‍ട്ടി ഈ നീക്കം ഉപേക്ഷിച്ചു.

കോണ്‍ഗ്രസ്

കോണ്‍ഗ്രസ്

സിപിഎമ്മിന് പിന്നാലെ രാമായണം ഹിന്ദുത്വവാദികളുടെ കുത്തകയല്ലെന്ന് വ്യക്തമാക്കി കോണ്‍ഗ്രസും രാമായണ മാസം ആചരിക്കാനുള്ള തിരുമാനവുമായി രംഗത്തെത്തി. എന്നാല്‍ ബിജെപിയുടെ നേരിടാനുള്ള തന്ത്രം രാമായണ മാസം ആചരിക്കലല്ല എന്ന കോണ്‍ഗ്രസിലെ മുതിര്‍ന്ന നേതാക്കളുടെ വിമര്‍ശനങ്ങള്‍ക്ക് പിന്നാലെ കോണ്‍ഗ്രസും ആ നീക്കം ഉപേക്ഷിച്ചു.

പ്രതിഭാ ഹരി

പ്രതിഭാ ഹരി

വിമര്‍ശനങ്ങളും വിവാദങ്ങളും കൊഴുക്കുന്നതിനിടെ തന്‍റെ വീട്ടിലിരുന്ന് രാമായണം വായിച്ച് ഹിന്ദുത്വവാദികളുടെ വായടപ്പിച്ചിരിക്കുകയാണ് സിപിഎം കായംകുളം എംഎല്‍എ പ്രതിഭാ ഹരി. കസവു മുണ്ടുടുത്ത് ഈറന്‍ മുടിയുമായി പ്രതിഭ നിലത്തിരുന്നു രാമായണം വായിക്കുന്ന വീഡിയോ ആണ് ഇപ്പോള്‍ വൈറലാകുന്നത്.

ഫേസ്ബുക്ക്

ഫേസ്ബുക്ക്

രാമായണമാസാചരണത്തിനു് തുടക്കമായി. നന്മകൾ പ്രചരിപ്പിക്കുന്നതിന് ആകട്ടെ ഓരോ വിശ്വാസവും .... വായനയും എന്ന കുറിപ്പോടെ തന്‍റെ ഫേസ്ബുക്ക് വാളിലാണ് അവര്‍ വീഡിയോ പോസ്റ്റ് ചെയ്തിരിക്കുന്നത്. നിരവധി പേരാണ് വീഡിയോ കണ്ടത്. സഖാക്കള്‍ എല്ലാവരും പ്രതിഭയുടെ നടപടിയെ പുകഴ്ത്തുന്നുണ്ട്.

നേതാവ്

നേതാവ്

എസ്എഫ്ഐയിലൂടെ രാഷ്ട്രീയത്തിലേക്ക് രംഗപ്രവേശം ചെയ്ത പ്രതിഭാ ഹരി ഡിവൈഎഫ്ഐയിലും, സിപിഐഎമ്മിലും സജീവ സാന്നിദ്ധ്യമാണ്. ആലപ്പുഴ ജില്ലാ പഞ്ചായത്ത് പ്രസിഡന്റായിരിക്കെ നടത്തിയ മികച്ച പ്രവർത്തനങ്ങളാണ് കഴിഞ്ഞ നിയമസഭ തിരഞ്ഞെടുപ്പിൽ പ്രതിഭാ ഹരിക്ക് സീറ്റ് നേടിക്കൊടുത്തത്. കായംകുളത്ത് യൂത്ത് കോണ്‍ഗ്രസ് നേതാവ് എം ലിജുവിനെതിരെയായിരുന്നു പ്രതിഭാ ഹരി മത്സരത്തിനിറങ്ങിയത്.

ഫേസ്ബുക്ക് പോസ്റ്റ്

ഫേസ്ബുക്ക് വീഡിയോ

English summary
ramayana parayanam prathiba haris facebook post viral
Get Instant News Updates
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more