സിപിഎം സ്വയം തരംതാഴുന്നു: തെളിവുകള് നിരത്തി രമേശ് ചെന്നിത്തല രംഗത്ത്
തിരുവനന്തപുരം: പുറ്റിംഗൽ ദുരന്തം രാഷ്ട്രീയ നേട്ടമുണ്ടാക്കാനുള്ള ശ്രമം സിപിഎം ഉപേക്ഷിക്കണമെന്ന് ആഭ്യന്തര മന്ത്രി രമേശ് ചെന്നിത്തല. ദുരന്തങ്ങളെപ്പോലും രാഷ്ട്രീയ വത്കരിച്ച് സിപിഎം സ്വയം അധപ്പതിക്കുന്നതില് ദു:ഖമുണ്ടെന്നും രമേശ് ചെന്നിത്തല പറഞ്ഞു.
ഒരു രാഷ്ട്രീയ പാര്ട്ടിക്ക് എത്രത്തോളം തരം താഴാന് പറ്റുമെന്ന തിന്റെ ഉദാഹരണമാണ് പുറ്റിങ്ങല് ദുരന്തവുമായി ബന്ധപ്പെട്ട് സിപിഎം ഉയര്ത്തുന്ന ആരോപണം.
വെടിക്കെട്ട് ദുരന്തത്തിന് കാരണം യുഡിഎഫ് സര്ക്കാരാണെന്ന സിപിഎമ്മിന്റെ പ്രസ്താവന കേരളത്തിലെ ജനങ്ങളെ ഒന്നാകെ അത്ഭുതപ്പെടുത്തുന്നതാണ് വെടിക്കെട്ട് ദുരന്തവുമായി ബന്ധപ്പെട്ടിട്ടുള്ള അന്വേഷണം പുരോഗമിക്കുകയാണ്.
അന്വേഷണത്തില് ഏതെങ്കിലും പോലീസ് ഉദ്യോഗസ്ഥര്ക്ക് വീഴ്ചയുണ്ടായിട്ടുണ്ടെങ്കില് അവര്ക്കെതിരെ ശക്തമായ നടപടി സ്വീകരിക്കുമെന്നും ആഭ്യന്തര മന്ത്രി അറിയിച്ചു. ഈയിടെയാണ് പുറ്റിങ്ങല് വെടിക്കെട്ട് ദുരന്തത്തില് 109 ആളുകള് മരിച്ചത്. നിരവധിപേര്ക്ക് പരിക്കേറ്റിരുന്നു.