ഇടതു മുന്നണി കലഹ മുന്നണിയായെന്ന്!! പരിഹസിച്ച് ചെന്നിത്തല!!
കലഹം സിപിഎമ്മിന്റെ കെട്ടുറപ്പിനെ തന്നെ ബാധിച്ചിരിക്കുന്നതായി ചെന്നിത്തല വ്യക്തമാക്കി. മൂന്നാറില് കൈയ്യേറ്റക്കാരെ സംരക്ഷിക്കുന്നത് സിപിഎം തന്നെയാണെന്നും ചെന്നിത്തല ആവര്ത്തിച്ചു.
ദില്ലി: ഇടതു മുന്നണിയെ പരിഹസിച്ച് പ്രതിപക്ഷ നേതാവ് രമേശ് ചെന്നിത്തല രംഗത്ത്. ഇടതു മുന്നണി കലഹ മുന്നണിയായി മാറിയതായി ചെന്നിത്തല പരിഹസിച്ചു. തെറ്റുകള് ചൂണ്ടിക്കാട്ടുന്നവരെ ഒറ്റപ്പെടുത്തി ആക്രമിക്കുകയാണ് പാര്ട്ടി സക്രെട്ടറി ചെയ്യുന്നതെന്ന് രമേശ് ചെന്നിത്തല പറഞ്ഞു.
തെറ്റുകള് ചൂണ്ടിക്കാട്ടേണ്ട പാര്ട്ടി സെക്രട്ടറി ഭരണത്തിന് ഓശാന പാടുകയാണെന്നും ചെന്നിത്തല പറഞ്ഞു. കണ്ണൂരില് കാനത്തിനും സിപിെഎക്കും മറുപടി നല്കിക്കൊണ്ടുളള കോടിയേരി ബാലകൃഷ്ണന്റെ വാര്ത്താ സമ്മേളനത്തിനു ശേഷം സംസാരിക്കുകയായിരുന്നു ചെന്നിത്തല.
കലഹം സിപിഎമ്മിന്റെ കെട്ടുറപ്പിനെ തന്നെ ബാധിച്ചിരിക്കുന്നതായി ചെന്നിത്തല വ്യക്തമാക്കി. മൂന്നാറില് കൈയ്യേറ്റക്കാരെ സംരക്ഷിക്കുന്നത് സിപിഎം തന്നെയാണെന്നും ചെന്നിത്തല ആവര്ത്തിച്ചു. സമരങ്ങളെ സിപിഎം അസഹിഷ്ണുതയോടെയാണ് കാണുന്നതെന്ന് ചെന്നിത്തല പറഞ്ഞു. ഘടകക്ഷികളെ അനുനയിപ്പിക്കാന് ഒരു ഉപദേഷ്ടാവിനെ കൂടി നിയമിക്കുമോയെന്നും ചെന്നിത്തല പരിഹസിച്ചു.
നിലമ്പൂര് മാവോയിസ്റ്റ് വേട്ട, വിവരാവകാശ നിയമം, നക്സല് വര്?ഗീസ് വധം, യുഎപിഎ നിയമം, മഹിജയുടെ സമരം , മൂന്നാര് കുടിയേറ്റം തുടങ്ങിയ വിഷയങ്ങളില് സിപിെഎ സിപിഎം അഭിപ്രായ ഭിന്നത രൂക്ഷമായിരുന്നു. കഴിഞ്ഞ ദിവസങ്ങളില് സിപിെഎ സംസ്ഥാന സക്രെട്ടറി കാനം രാജേന്ദ്രനും സുധാകര് റെഡ്ഡിയും പരസ്യ വിമര്ശനവുമായി രംഗത്തെത്തിയിരുന്നു. പിണറായിയെയും ആഭ്യന്തര വകുപ്പിനെയും രൂക്ഷഭാഷയിലാണ് ഇരുവരും വിമര്ശിച്ചത്. ഇത് പ്രതിപക്ഷവും ആയുധമാക്കിയിരുന്നു.
ഇതിന് മറുപടി നല്കാനായിരുന്നു കോടിയേരി ഇന്ന് വാര്ത്താ സമ്മേളനം നടത്തിയത്. കാനത്തിന്റെയും സിപിെഎയുടെയും ആരോപണങ്ങള് കോടിയേരി തള്ളി. അതേസമയം രൂക്ഷ ഭാഷയിലായിരുന്നില്ല മറുപടി.