Click it and Unblock the Notifications
Just In
Don't Miss
-
മലയാളത്തിലെ പ്രമുഖ നടനുമായുള്ള വിവാഹ വാര്ത്ത; എന്റെ വീട്ടുകാരേക്കാള് ഉത്കണ്ഠ വേറെ ചിലര്ക്ക്! -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
IPL 2024: 24 ബോളില് 49! അശ്വിന് എന്തിന് ടീമില്? യൂട്യൂബ് ചാനലില് ശ്രദ്ധിക്കൂ, രൂക്ഷവിമര്ശനം -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
ലോക്ക്ഡൗണിൽ കോടിയേരിയുടെ വീട്ടിൽ ശത്രുസംഹാരപൂജ, നടത്തിയത് ശബരിമല മുൻ മേൽശാന്തിയെന്ന് ചെന്നിത്തല
തിരുവനന്തപുരം: സിപിഎമ്മിനെതിരെയും സംസ്ഥാന സര്‍ക്കാരിനെതിരെയും രൂക്ഷവിമര്‍ശനവുമായി പ്രതിപക്ഷ നേതാവ് രമേശ് ചെന്നിത്തല രംഗത്ത്. മാധ്യമങ്ങളെ കാണുന്നത് മുഖ്യമന്ത്രിക്ക് ചതുര്‍ത്ഥിയാണെന്നും കേരള ഭരണം അഴിമതിയില്‍ മുങ്ങിത്താഴുകയാണെന്നും ചെന്നിത്തല ആരോപിച്ചു. സര്‍ക്കാരിനെതിരെ പ്രതിഷേധം ശക്തമാക്കുമെന്നും പ്രതിപക്ഷനേതാവ് അറിയിച്ചു.
സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനെയും രമേശ് ചെന്നിത്തല രൂക്ഷമായി വിമര്‍ശിച്ചു. കൊവിഡ് കാലത്ത് ലോക്ക് ഡൗണ്‍ നിയന്ത്രണങ്ങള്‍ ലംഘിച്ച് ശത്രുസംഹാര പൂജ നടത്തിയ ആളാണ് തനിക്കെതിരെ ഇതൊക്കെ പറഞ്ഞ് നടക്കുന്നതെന്ന് ചെന്നിത്തല ആരോപിച്ചു. വിശദാംശങ്ങളിലേക്ക്...
ശത്രുസംഹാര പൂജ
ലോക്ക് ഡൗണ്‍ നിയന്ത്രണങ്ങള്‍ ലംഘിച്ച് കോടിയേരി ബാലകൃഷ്ണന് ശത്രുസംഹാര പൂജനടത്തിയെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. ആ ആളാണ് തനിക്കെതിരെ ഇതൊക്കെ പറഞ്ഞുകൊണ്ടിരിക്കുന്നത്. എല്ലാ കൊവിഡ് മാനദണ്ഡങ്ങളും ലംഘിച്ചാണ് കോടിയേരിയുടെ വീട്ടില്‍ ചടങ്ങ് നടന്നതെന്നും ചെന്നിത്തല ആരോപിച്ചു.
ശബരിമല മേല്‍ശാന്തി
ശത്രുസംഹാര പൂജ നടത്തിയത് ശബരിമല മുന്‍ മേല്‍ശാന്തിയായിരുന്നെന്നും ചെന്നിത്തല ആരോപിച്ചു. ഒരു ശബരിമല മേല്‍ശാന്തിയെകൊണ്ട് പൂജ നടത്തിയെന്നാണ് സോഷ്യല്‍ മീഡിയയിലൊക്കെ വന്ന് കൊണ്ടിരിക്കുന്നത്. ഞാനും അത് വായിച്ചു. തിരക്കിയപ്പോള്‍ അത് ശരിയാണെന്ന് മനസിലായെന്നും ചെന്നിത്തല വ്യക്തമാക്കി.
Recommended Video
പിണറായി വിജയന്‍ പേടിച്ചാല്‍ മതി
പണ്ട് പൂ മൂടല്‍ പൂജ നടത്തിയതിന്റെ ഭാഗമായാണിത് നടന്നത്. ഏതായാലും പിണറായി വിജയന്‍ പേടിച്ചാല്‍ മതി. ഞാന്‍ പേടിക്കേണ്ട കാര്യമില്ല. ഞാന്‍ നല്ല വിശ്വാസിയാണെന്നും ചെന്നിത്തല കൂട്ടിച്ചേര്‍ത്തു.
എസ്ആര്‍പിയുടെ ശിക്ഷണം
ആര്‍എസ്എസിന്റെ ശാഖയില്‍ പോയിട്ടുള്ള എസ് രാമചന്ദ്രന്‍ പിള്ളയുടെ ശിഷ്യനാണ് കോടിയേരി ബാലകൃഷ്ണന്. എസ്ആര്‍പിയുടെ ശിക്ഷണം കൊണ്ടാണ് ക്ഷേത്രങ്ങളില്‍ പോകുന്നവരും കുറി തൊടുന്നവരൊക്കെ ആര്‍എസ്എസാണെന്ന് കോടിയേരിക്ക് തോന്നുന്നത്. ഇത്ര വര്‍ഗീയവാദിയായി ഒരു പാര്‍ട്ടി സെക്രട്ടറി മാറുന്നത് ഇതാദ്യമായാണ്.
റിക്രൂട്ട് ചെയ്യുന്ന ആളെ പോലെ
ആര്‍എസ്എസ് സംഘടനയിലേക്ക് ആളുകളെ റിക്രൂട്ട് ചെയ്യുന്ന ആളെ പോലെയാണ് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പെരുമാറുന്നതെന്ന് രമേശ് ചെന്നിത്തല ആരോപിച്ചു. ആദ്യം തന്റെ അച്ഛനെ ആര്‍എസ്എസുകാരനാക്കി. പിന്നീട് തന്നെ സര്‍സംഘചചലക് ആക്കി. ഇപ്പോള്‍ തന്റെ ഗണ്‍മാനും ആര്‍എസ്എസ് എന്നാണ് അദ്ദേഹം പറയുന്നത്.
തന്റെ കുക്കിനെയും
ഇനി തന്റെ കുക്കിനെയും നാളെ ആര്‍എസ്എസുകാരനാക്കി മാറ്റുമോ എന്നും രമേശ് ചെന്നിത്തല പരിഹസിച്ചു. രമേശ് ചെന്നിത്തലയ്‌ക്കെതിരെ നേരത്തെ രൂക്ഷവിമര്‍ശനവുമായി കോടിയേരി ബാലകൃഷ്ണന് രംഗത്തത്തിയിരുന്നു. പ്രതിപക്ഷ നേതാവ് ആര്‍എസ്എസിന്റെ സര്‍സംഘ്ചാലക് എന്നായിരുന്നു കോടിയേരിയുടെ ആദ്യത്തെ വിമര്‍ശനം. ചെന്നിത്തലയുടെ ഗണ്‍മാനും ആര്‍എസ്എസുകാരനാണെന്ന് കോടിയേരി കഴിഞ്ഞ ദിവസം ആരോപിച്ചിരുന്നു.
