കേരളത്തില് വാക്സിന് ക്ഷാമം രൂക്ഷം; സര്ക്കാര് അടയന്തിര നടപടി എടുക്കണമെന്ന് രമേശ് ചെന്നിത്തല
തിരുവനന്തപുരം: കോവിഡ് വാക്സിന് ക്ഷാമം പരിഹരിക്കാന് സര്ക്കാര് അടിയന്തിരമായി ഇടപെടണമെന്നു കോണ്ഗ്രസ് നേതാവ് രമേശ് ചെന്നിത്തല സര്ക്കാരിനോട് ആവശ്യപ്പെട്ടു. കേരളത്തില് കോവിഡിന്റെ മുന്നാം തരംഗമുണ്ടാകുമെന്ന ആരോഗ്യ വിദഗ്്ധരുടെ മുന്നറിയിപ്പ് കണക്കിലെടുത്ത് പരമാവധി പേര്ക്ക് വാക്സില് ലഭ്യമാക്കാന് സര്ക്കാര് യുദ്ധകാലടിസ്ഥാനത്തില് നടപടി എടുക്കണം.
18 വയസ് കഴിഞ്ഞവര്ക്കും കേന്ദ്രം സൗജന്യ വാക്സിന് നല്കുന്നുണ്ടെന്നു പറയുന്നുണ്ടെങ്കിലും കേരളത്തില് പല ജില്ലകളിലും വാക്സിന് കിട്ടാനില്ലാത്ത സ്ഥിതിയാണ്. 45 വയസിനു മുകളില് ആദ്യ വാക്സിന് എടുത്തവര്ക്ക് രണ്ടാം വാക്സിന് 80 ഉം 90 ദിവസം കഴിഞ്ഞിട്ടും ലഭ്യമല്ലാത്ത അവസ്ഥ പല സ്ഥലത്തും ഉണ്ട്. ജനങ്ങള് പരിഭ്രാന്തരായി വാക്സീനായി പരക്കം പായുന്ന കാഴ്ച മിക്കിടത്തും കാണാം.
കോവാക്സിന് ആദ്യ ഡോസ് എടുത്തവര്ക്ക് രണ്ടാം ഡോസ് കോവാക്സിന് ലഭ്യമല്ല. മുഖ്യമന്ത്രിയും ആരോഗ്യ മന്ത്രിയും എല്ലാം കാര്യക്ഷമമായി നടക്കുന്നു എന്നാണു വാര്ത്താ സമ്മേളനത്തില് പറയുന്നത്. എന്നാല് താഴെ തട്ടില് വാക്സിന് ക്ഷാമം രൂക്ഷമാണ് എന്നത് യാഥാര്ത്ഥ്യമാണ്. .ഇക്കാര്യങ്ങള് പരിശോധിച്ചു അടിയന്തിര നടപടി സ്വികരിക്കണമെന്നു രമേശ് ചെന്നിത്തല സര്ക്കാരിനോട് ആവശ്യപ്പെട്ടു.
അതേസമയം, സംസ്ഥാനത്ത് 18 വയസിന് മുകളില് പ്രായമുള്ള എല്ലാവരേയും കോവിഡ് വാക്സിന് ലഭിക്കുന്ന വിഭാഗത്തില് ഉള്പ്പെടുത്തി ഉത്തരവ് പുറപ്പെടുവിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചിരുന്നു. എന്നാല് വിവിധ സര്ക്കാര് ഉത്തരവ് പ്രകാരം മുന്ഗണനാ പട്ടികയില് ഉള്പ്പെടുത്തിയ വിഭാഗങ്ങളുടെ മുന്ഗണന തുടരുന്നതാണെന്നും മന്ത്രി വ്യക്തമാക്കിയിട്ടുണ്ട്.
നമ്മള് കൊയ്യും വയലെല്ലാം... കണ്ണൂർ പട്ടുവത്തെ വയലുകളിലെ ചില ഞാറു നടൽ കാഴ്ചകൾ
സംസ്ഥാനത്ത് ഇതുവരെയുള്ള കണക്ക് പ്രകാരം ജനസംഖ്യാടിസ്ഥാനത്തില് 31.54 ശതമാനം പേര്ക്കാണ് (1,05,37,705) ആദ്യഡോസ് വാക്സിന് നല്കിയത്. 8.96 ശതമാനം പേര്ക്ക് (29,93,856) രണ്ടാം ഡോസ് വാക്സിന് നല്കിയിട്ടുണ്ട്. ഒന്നും രണ്ടും ഡോസ് ചേര്ത്ത് ആകെ 1,35,31,561 പേര്ക്കാണ് വാക്സിന് നല്കിയത്. 13,31,791 പേര്ക്ക് ഒന്നാം ഡോസും 3,13,781 പേര്ക്ക് രണ്ടാം ഡോസും ഉള്പ്പെടെ ആകെ 16,45,572 പേര്ക്ക് വാക്സിന് നല്കിയ എറണാകുളം ജില്ല ഒന്നാമതാണ്. 12,42,855 പേര്ക്ക് ഒന്നാം ഡോസും 3,72,132 പേര്ക്ക് രണ്ടാം ഡോസും ഉള്പ്പെടെ ആകെ 16,14,987 പേര്ക്ക് വാക്സിന് നല്കിയ തിരുവനന്തപുരം ജില്ലയാണ് രണ്ടാമത്.
ഹോട്ട് ലുക്കില് തിളങ്ങി അതിഥി റാവു; ട്രെന്ഡിംഗായി പുതിയ ഫോട്ടോഷൂട്ട്
Click it and Unblock the Notifications
Sign in with Google