റംസാന്, വിഷു-ഈസ്റ്റര്; 40 ലധികം സാധനങ്ങള്ക്ക് വിലക്കുറവും ഓഫറുകളുമായി സപ്ലൈകോ ഫെയറുകള്
തിരുവനന്തപുരം: റംസാന്, വിഷു, ഈസ്റ്റര് ഉത്സവകാലത്തോടനുബന്ധിച്ച് വിലക്കുറവും പ്രത്യേക ഓഫറുകളുമായി സപ്ലൈകോ ഫെയറുകള് സംഘടിപ്പിക്കുന്നു. 13 ഇന സബ്സിഡി സാധനങ്ങള്ക്ക് പുറമെ നാല്പതിലധികം സാധനങ്ങള്ക്ക് വിലക്കുറവും പ്രത്യേകം ഓഫറുകളുമാണ് നല്കുന്നത്.
സംസ്ഥാനത്തെ എല്ലാ ജില്ലകളിലും സപ്ലൈകോ റംസാന് ഫെയറുകള് നടക്കും. തിരുവനന്തപുരത്ത് 25 നും മറ്റു ജില്ലകളില് 26 നുമാണ് റംസാന് ഫെയറിന് തുടക്കമാവുക. മാര്ച്ച് 30 ന് സമാപിക്കും. വിഷു-ഈസ്റ്റര് ഫെയര് ഏപ്രില് 10 മുതല് 19 വരെയാണ് സംഘടിപ്പിക്കുക.
പതിമൂന്നിന സബ്സിഡി സാധനങ്ങള് ലഭ്യമാക്കുന്നതിനു പുറമേ, 40 ലധികം ബ്രാന്ഡഡ് നിത്യോപയോഗ സാധനങ്ങള്ക്ക് വിലക്കുറവും പ്രത്യേകം ഓഫറുകളും റംസാന് ഫെയറില് ലഭ്യമായിരിക്കും. സപ്ലൈകോയുടെ സ്വന്തം ബ്രാന്ഡായ ശബരി ഉത്പന്നങ്ങള്ക്കും മാര്ച്ച് 30 വരെ വിലക്കുറവുണ്ടാകും.
എല്ലാ ജില്ലകളിലെയും ഒരു പ്രധാന സപ്ലൈകോ വില്പനശാലയാണ് റംസാന് ഫെയറാക്കി മാറ്റുന്നത്. മലപ്പുറം, കോഴിക്കോട് എന്നീ ജില്ലകളില് പ്രത്യേക റംസാന് ഫെയറുകള് സംഘടിപ്പിക്കും.
കൊല്ലം ചിന്നക്കട സപ്ലൈകോ സൂപ്പര്മാര്ക്കറ്റിലും കോട്ടയം ഹൈപ്പര് മാര്ക്കറ്റിലും ഇടുക്കി നെടുങ്കണ്ടം സൂപ്പര്മാര്ക്കറ്റിലും പത്തനംതിട്ട പീപ്പിള്സ് ബസാറിലും, എറണാകുളത്ത് തൃപ്പൂണിത്തുറ ലാഭം സൂപ്പര്മാര്ക്കറ്റിലും ആലപ്പുഴ പീപ്പിള്സ് ബസാറിലും പാലക്കാട് പീപ്പിള്സ് ബസാറിലും തൃശൂര് പീപ്പിള്സ് ബസാറിലും റംസാന് ഫെയറുകള് സംഘടിപ്പിക്കും. കാസര്കോട് പഴയ ബസ് സ്റ്റാന്ഡിന് സമീപമുള്ള പീപ്പിള്സ് ബസാര്, കണ്ണൂര് പീപ്പിള്സ് ബസാര്, വയനാട് കല്പ്പറ്റ സൂപ്പര് മാര്ക്കറ്റ് എന്നിവയും റംസാന് ഫെയറുകളായി മാറും.
റംസാന്- വിഷു- ഈസ്റ്റര് ഫെയറുകളുടെ സംസ്ഥാനതല ഉദ്ഘാടനം മന്ത്രി ജിആര് അനില് തിരുവനന്തപുരം ഫോര്ട്ട് പീപ്പിള്സ് ബസാറില് മാര്ച്ച് 25-ന് രാവിലെ പത്തരയ്ക്ക് നിര്വഹിക്കും. ആന്റണി രാജു എംഎല്എ അധ്യക്ഷനായിരിക്കും.
Click it and Unblock the Notifications
Sign in with Google