2 ദിവസത്തിനിടെ പ്രായപൂര്ത്തിയാക്കാത്ത 5 പെണ്കുട്ടികള് ലൈംഗിക പീഡനത്തിനിരയായി
ലക്നൗ: ഉത്തര്പ്രദേശിലെ നാല് ജില്ലകളില് നടന്ന വിവിധ സംഭവങ്ങളില് പ്രായപൂര്ത്തിയാകാത്ത അഞ്ച് പെണ്കുട്ടികള് ലൈംഗിക പീഡനത്തിന് ഇരയായതായി പോലീസ്. 2 ദിവസത്തിനിടെയാണ് ഇത്രയധികം കേസുകള് റിപ്പോര്ട്ട് ചെയ്യപ്പെട്ടത്. അഞ്ച് വയസ്സുള്ള പെണ്കുട്ടിയെ പീഡിപ്പിച്ച കേസില് 14 വയസ്സുള്ള ആണ്കുട്ടിയാണ് പ്രതി.
സിക്കന്തര്പൂര് പോലീസ് സ്റ്റേഷന് പരിധിയില് വരുന്ന ബാലിയ ഗ്രാമത്തിലാണ് അഞ്ച് വയസ്സുള്ള ദളിത് പെണ്കുട്ടിയെ 14-കാരന് ലൈംഗിക പീഡനത്തിന് ഇരയാക്കിയത്. ഈ കേസില് പ്രതിയെ പിടികൂടിയതായി എസ്പി അനില് കുമാര് വ്യക്തമാക്കി. പ്രതാപ്ഗാര്ഹില് ലൈംഗിക പീഡനത്തിന് ഇരയായത് ആറ് വയസ്സുള്ള പെണ്കുട്ടിയാണ്. മാതാപിതാക്കള് ജോലിക്കായി കൃഷിയിടത്തിലേക്ക് പോയപ്പോഴാണ് സൈക്കിള് ചവിട്ടാന് കൗമാരക്കാരന് പെണ്കുട്ടിയെ ക്ഷണിച്ചത്. ഇതിന് ശേഷം ആളൊഴിഞ്ഞ സ്ഥലത്ത് എത്തിച്ച് പീഡനത്തിന് ഇരയാക്കി. ഈ പ്രതിയെയും പിടികൂടിയിട്ടുണ്ട്.
അട്ടാര പ്രദേശത്ത് ബാന്തയില് 15-കാരിയെ തട്ടിക്കൊണ്ടുപോയി തുടര്ച്ചയായി പീഡിപ്പിക്കുകയായിരുന്നു. അനിരുദ്ധ് എന്നയാണ് പ്രതി. ഇയാള് ഇപ്പോഴും ഒളിവിലാണ്. സമാനമായ സംഭവത്തില് ഓംപ്രകാശ് എന്നയാള് അഞ്ച് വയസുകാരിയായ അനന്തിരവളെയാണ് പീഡിപ്പിച്ചത്. ഇയാളെയും പിടികൂടാന് കഴിഞ്ഞിട്ടില്ല. മുസഫര്നഗറില് നാഗ്ല ബാജുര്ഗില് രണ്ട് യുവാക്കള് വീട്ടില് അതിക്രമിച്ച്കടന്ന് 15-കാരിയെ തോക്കുചൂണ്ടി പീഡനത്തിന് ഇരയാക്കിയെന്നാണ് മറ്റൊരു കേസ്.
കുടുംബാംഗങ്ങള് മറ്റൊരു മുറിയില് കിടന്ന് ഉറങ്ങവെയാണ് പെണ്കുട്ടിയെ ടെറസില് എത്തിച്ച് തോക്കുചൂണ്ടി പീഡനം അരങ്ങേറിയത്. ഈ കേസിലും പ്രതികളെ പിടികൂടാനുള്ള ശ്രമത്തിലാണ് പോലീസ്.
Click it and Unblock the Notifications
Sign in with Google