പകൽ സമയത്തെ വൈദ്യുതി നിരക്ക് കുറക്കുന്നത് പരിഗണിക്കും; മന്ത്രി കൃഷ്ണൻകുട്ടി
സംസ്ഥാനത്ത് സൗരോര്ജ്ജവും ജലവൈദ്യുതിയും ആവശ്യാനുസരണം ലഭ്യമാകുന്ന സാഹചര്യത്തിൽ പകൽ സമയത്തെ വൈദ്യുതി നിരക്ക് കുറക്കുന്നത് പരിഗണിക്കുമെന്ന് വൈദ്യുതി മന്ത്രി കെ കൃഷ്ണൻകുട്ടി. കഞ്ചിക്കോട് മൂന്ന് മെഗാവാട്ട് സൗരോര്ജ്ജ പദ്ധതി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം .
സെപ്റ്റംബറോടെ ഇടുക്കി ജലവൈദ്യുത പദ്ധതി രണ്ടാം ഘട്ടത്തിനുള്ള അനുമതി ലഭിക്കുമെന്നാണ് പ്രതീക്ഷ. ഇത് നടപ്പിലായാല് വൈദ്യുത ചാര്ജ്ജ് കുറയുമെന്ന് മന്ത്രി പറഞ്ഞു. സംസ്ഥാനത്തെ ഘട്ടം ഘട്ടമായി ഊര്ജ്ജ ഉത്പാദനത്തില് സ്വയം പര്യാപ്തമാക്കാന് ശ്രമിക്കും. ഊര്ജ്ജ ഉത്പാദനം വര്ധിപ്പിക്കുന്നതിലൂടെ പുറത്തു നിന്ന് വാങ്ങുന്ന വൈദുതിയുടെ അളവ് കുറച്ചു കൊണ്ട് വരാന് സാധിക്കുമെന്നും ഇതിലൂടെ ഗാര്ഹിക ഇലക്ടിസിറ്റിയുടെ വിലയില് കുറവ് വരുത്താനാവും.
ഇത്തരത്തില് വ്യവസായങ്ങള്ക്കുള്പ്പെടെ ചുരുങ്ങിയ ചിലവില് വൈദ്യുതി ലഭ്യമാക്കാന് കഴിയുമെന്നും മന്ത്രി കൂട്ടിച്ചേര്ത്തു. ചെറിയ വൈദ്യുത പദ്ധതികള് സമയബന്ധിതമായി പൂര്ത്തിയാക്കും. പുരപ്പുറ സോളാര് പദ്ധതി കൂടുതല് വ്യാപിപ്പിക്കുമെന്നും ഓരോ വീടും വൈദ്യുതി ഉത്പാദന കേന്ദ്രമാക്കി മാറ്റാന് പൊതുജനങ്ങളുടെ പങ്കാളിത്തം അനിവാര്യമാണെന്നും മന്ത്രി പറഞ്ഞു.
കെ എസ് ഇ ബിയില് വര്ഷങ്ങളായി പ്രൊമോഷന് മുടങ്ങിയിരുന്ന 4230 തൊഴിലാളികള്ക്ക് രണ്ടാഴ്ചയ്ക്കകം പ്രമോഷന് നല്കാന് നിര്ദ്ദേശം നൽകിയതായും മന്ത്കി അറിയിച്ചു. സിഇഎ റെഗുലേഷന് സംബന്ധിച്ച് സുപ്രീം കോടതി പുറപ്പെടുവിച്ച സുപ്രധാന വിധിയുടെ പശ്ചാത്തലത്തിലാണ് നടപടി. 2013 ന് മുൻപ് സർവ്വീസിൽ പ്രവേശിച്ചവർക്കായിരിക്കും ഈ ആനുകൂല്യം ലഭിക്കുക. ലൈൻമാൻ ഗ്രേഡ് ഒന്ന്, ലൈൻമാൻ ഗ്രേഡ് രണ്ട്, ഓവർസീയർ, സബ് എൻജിനീയർ വരെയുളളവർ പ്രമോഷൻ ലഭിക്കുന്നവരിൽ ഉൾപ്പെടും.
'ചൂമ്മാ തീ...' മീരാ നന്ദന്റെ ഹോട്ട് ലുക്ക്..വൈറലായി പുതിയ ഫോട്ടോസ്
അതേസമയം കഞ്ചിക്കോട് 220 കെ.വി സബ്സ്റ്റേഷന് കോംബൗണ്ടില് നടന്ന ചടങ്ങില് കെ പ്രഭാകരന് എം .എല് .എ അധ്യക്ഷനായി. വി കെ ശ്രീകണ്ഠന് എം പി മുഖ്യാതിഥി ആയി . പരിപാടിയില് ജില്ലാ പഞ്ചായത്ത് പ്രസിഡന്റ് കെ ബിനുമോള്, കെ എസ് ഇ ബി ലിമിറ്റഡ് സ്വതന്ത്ര ഡയറക്ടര് വി മുരുകദാസ്, മലമ്പുഴ ബ്ലോക്ക് പഞ്ചായത്ത് പ്രസിഡന്റ് വി. ബിജോയ്, പുതുശ്ശേരി ഗ്രാമപഞ്ചായത്ത് പ്രസിഡന്റ് എന്. പ്രസീദ, പാലക്കാട് ജില്ലാ പഞ്ചായത്ത് മെമ്പര് എം പത്മിനി, മലമ്പുഴ ബ്ലോക്ക് പഞ്ചായത്ത് മെമ്പര് കെ സുന്ദരി, പുതുശ്ശേരി ഗ്രാമപഞ്ചായത്ത് മെമ്പര് ആര് മിന്മിനി, രാഷ്ട്രീയ പാര്ട്ടി പ്രതിനിധികള്, കെഎസ്ഇബി ലിമിറ്റഡ് റീസ്, സൗര, സ്പോര്ട്സ്, വെല്ഫെയര് ഡയറക്ടര് ആര്.സുകു, കെ.എസ്. ഇ.ബി ചെയര്മാന്& മാനേജിങ് ഡയറക്ടര് ബി. അശോക്, ഉദ്യോഗസ്ഥര് തുടങിയവര് പങ്കെടുത്തു.
Click it and Unblock the Notifications
Sign in with Google