• search

മലപ്പുറം ഫുട്ബാളിന്റെ ചരിത്രവും വര്‍ത്തമാനവും പ്രതിപാദിക്കുന്ന പുസ്തകം 'മലപ്പുറം കിസ്സ' പുറത്തിറങ്ങി

  • Posted By: നാസർ
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    മലപ്പുറം: മലപ്പുറത്തെ ഫുട്ബാളിന്റെ ചരിത്രവും വര്‍ത്തമാനവും പ്രതിപാദിച്ച് മാധ്യമപ്രവര്‍ത്തകന്‍ എം.എം ജാഫര്‍ഖാന്‍ എഴുതിയ 'പന്ത് പറഞ്ഞ മലപ്പുറം കിസ്സ' പുറത്തിറങ്ങി. ഇന്ത്യന്‍ താരം അനസ് എടത്തൊടിക മുന്‍ ക്യാപ്റ്റന്‍ യു. ഷറഫലിക്ക് നല്‍കിയാണ് പ്രകാശനം ചെയ്തത്. അരീക്കോട് തെരട്ടമ്മല്‍ മൈതാനത്ത് നടന്ന അനസ് ഇലവന്‍-മെഹബൂബ് ഇലവന്‍ സൗഹൃദ ഫുട്ബാള്‍ മത്സരത്തിന്റെ ഇടവേളയിലായിരുന്നു പ്രകാശനം. സന്തോഷ് ട്രോഫി താരങ്ങളായ വി.കെ അഫ്ദല്‍, വൈ.പി മുഹമ്മദ് ശരീഫ്, 'മാധ്യമം' എക്‌സിക്യൂട്ടീവ് എഡിറ്റര്‍ വി.എം ഇബ്രാഹിം, ഊര്‍ങ്ങാട്ടിരി ഗ്രാമപ്പഞ്ചായത്ത് പ്രസിഡന്റ് എന്‍.കെ ഷൗക്കത്തലി, സൂപ്പര്‍ അഷ്‌റഫ്, സുല്‍ഫീക്കര്‍ അലി തുടങ്ങിയവര്‍ സംബന്ധിച്ചു.

    മലപ്പുറത്തെ മൂന്‍ഫുട്‌ബോള്‍ താരങ്ങളും കായികപ്രേമികളും ആവേശത്തോടെയാണു ഈ പുസ്തകത്തെ കാണുന്നത്. പുസ്തകം പുറത്തിറങ്ങിയ സമയത്തുതന്നെ മുന്‍ഫുട്‌ബോള്‍ താരവും ഗായകനും മലപ്പുറത്തുകാരനുമായ ഷഹബാസ് അമനും ഇതുസംബന്ധിച്ചു തന്റെ ഫേസ്ബുക്കില്‍ പോസ്റ്റിട്ടുകഴിഞ്ഞു.

    booik

    പോ്സ്റ്റിന്റെ പൂര്‍ണ രൂപം താഴെ:

    പന്ത്കളി മലപ്പുറത്തെ സംബന്ധിച്ച് എല്ലാ അര്‍ത്ഥത്തിലും ഒരു ആണ്‍കളിയാണെങ്കിലും മക്കളെ പോറ്റി വളര്‍ത്തി ,അവര്‍ക്ക് അന്നവും ധൈര്യവും നല്‍കി ,''ജയിച്ചു വാ '' എന്ന് കളിക്കളത്തിലേക്ക് പറഞ്ഞയക്കുന്ന ഒരു പേടിയുമില്ലാത്ത പെണ്ണുങ്ങളുണ്ടിവിടെ ! തോറ്റ് വന്നാലും ''സാരല്ല്യ ,അടുത്തതില്‍ നോക്കാം '' എന്ന് നനഞ്ഞ ജഴ്‌സി തോരയിടുന്ന ഉമ്മക്കോന്തലകള്‍ !

    (ഇന്നലെ പുറത്തിറങ്ങിയ ജാഫര്‍ ഖാന്റെ പുസ്തകാമുഖത്തില്‍ പറയാന്‍ ശ്രമിച്ചിട്ടുള്ള കുറച്ച് കാര്യങ്ങളില്‍ നിന്നുള്ള ഒരു കഷ്ണം മാത്രമാണു മുകളില്‍ കൊടുത്തത്. മുഴുവനായി പിന്നാലെ ഒരൂ ദിവസം ഇവിടെ വെക്കാം.പുസ്തകത്തില്‍ നിന്ന് വായിക്കുകയാണെങ്കില്‍ കൂടുതല്‍ സന്തോഷം)

    കാല്‍പ്പന്തുകളിയുടെ സ്വന്തം നാട്ടില്‍ ജനിച്ച്,അയ്‌ന്റെ മര്‍മ്മം അറിഞ്ഞ് വളര്‍ന്ന് വന്ന കുട്ടിയാണു ജാഫര്‍! പന്ത് കളി കാണാനും ജീവിതങ്ങള്‍ കാണാനും ഇന്‍ഡ്യ മുഴുവന്‍ സ്വന്തം നിലക്കും അവനാഞ്ചെലവിലും കറങ്ങുന്ന ഒരാളാണു!.അത് കൊണ്ട് തന്നെ കേവലം ഒരു സ്‌പോര്‍ട്ട്‌സ് ലേഖകനേയല്ല! പ്രത്യേകിച്ചും മലപ്പുറത്തെക്കുറിച്ചുള്ള അന്വേഷണ നിരീക്ഷണങ്ങളും ഫുട്‌ബോള്‍ ഡോക്യുകളുമൊക്കെ ധാരാളമായി വന്നുകൊണ്ടിക്കുന്ന, ഇനിയും വരാനിരിക്കുന്ന ഒരു സാഹചര്യത്തില്‍ സത്യസന്ധരായ പഠിതാക്കള്‍ക്ക് അത്യാവശ്യം ഉപകരിക്കുന്ന ഒരു റഫറന്‍സ് കൂടിയാണു ഈ പുസ്തകം! എല്ലാ തരം അണൊഫീഷ്യല്‍ രേഖകളുടേയും പ്രധാനപ്പെട്ട ഒരു ഗുണം അതിനു ആത്മാര്‍ഥത കുറച്ച് കൂടുതലുണ്ടായിരിക്കും എന്നതാണു.സുരേഷ് ചെയ്ത കവര്‍ ചിത്രം തന്നെ നോക്കൂ!ഉള്ളടക്കത്തെക്കുറിച്ച് അത് വ്യക്ത്മായ സൂചന തരുന്നു. മലപ്പുറം ഫുട്‌ബോള്‍ ജീവിതങ്ങളെക്കുറിച്ചുള്ള ജാഫറിന്റെ എഫ് ബി പോസ്റ്റുകളും വ്യക്തിപരമായി വളരെ ഇഷ്ടമാണു! ഈ പുസ്തകം റിവ്യൂവിനേക്കാള്‍ നേരിട്ടുള്ള മറിച്ചുനോക്കല്‍ ആണു അര്‍ഹിക്കുന്നത്. ആകെ പത്തെമ്പത്താറു പേജേയുള്ളു! ഇനിയും പണിയെടുത്താല്‍ ഇനിയും മുത്താകുന്ന പുസ്തകം! ഇതില്‍ മുഴുവനും ചിത്രങ്ങളോടു കൂടിയ ഇന്‍ഫര്‍മ്മേഷന്‍സാണു.

    ഇങ്ങനെയൊക്കെ എഴുതി എന്നെക്കൊണ്ട് പുസ്തകക്കച്ചവടം നടത്തിക്കാനുള്ള ഒരു അടവല്ല ട്ടോ ഒരു കൂട്ടുകാരന്റെ ആമുഖരചനക്കുള്ള ക്ഷണം! മറിച്ച് ,സ്വന്തം നാട്ടിലെ ഇതുവരെ അറിയാതിരുന്ന പഴയ ചില പന്തൗലിയാക്കളുടെ ജീവിതത്തിലേക്ക് വെളിച്ചം കാട്ടിത്തരികയാണു സത്യത്തില്‍ ജാഫര്‍ ചെയ്തത്! നന്ദി പ്രിയ സ്‌നേഹിതാ.


    English summary
    Released 'Malappuram Kissa' about malappuram football's history

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more