കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

'കാരായി രാജന്‍ സുഹൃത്തും സഖാവും', വോട്ട് അഭ്യര്‍ത്ഥിച്ച് രഞ്ജി പണിക്കര്‍

Google Oneindia Malayalam News

കൊച്ചി: ഫസല്‍ വധക്കേസിലെ പ്രതിയും കണ്ണൂര്‍ ജില്ലാ പഞ്ചായത്തിലേയ്ക്ക് ജനവിധി തേടുകയും ചെയ്യുന്ന സിപിഎം നേതാവ് കാരായി രാജന് വേണ്ടി വോട്ട് അഭ്യര്‍ത്ഥിച്ച് തിരക്കഥാകൃത്തും സംവിധായകനുമായ രഞ്ജി പണിക്കര്‍. വാട്ട്‌സ് ആപ്പിലൂടെയാണ് രഞ്ജി പണിക്കര്‍ കാരായി രാജന് വേണ്ടി വോട്ട് അഭ്യര്‍ത്ഥിച്ചത്.

ഫസല്‍ വധക്കേസിലെ പ്രതിയായ കാരായി രാജന് കണ്ണൂര്‍ ജില്ലയില്‍ പ്രവേശിയ്ക്കാന്‍ വിലക്കുള്ള സാഹചര്യത്തിലാണ് രഞ്ജി പണിയ്ക്കരും വാട്ട്‌സ് ആപ്പിലൂടെ കാരായിയ്ക്ക് വേണ്ടി വോട്ട് തേടുന്നത്. പാട്യം ഡിവിഷനില്‍ നിന്നാണ് കാരായി രാജന്‍ ജില്ലാ പഞ്ചായത്തിലേയ്ക്ക് ജനവിധി തേടുന്നത്.

Ranji Panicker

ഫസല്‍ വധക്കേസില്‍ ജാമ്യം ലഭിച്ചെങ്കിലും ജില്ല വിട്ടുപോകാന്‍ രാജന് അനുമതിയില്ല. കൊച്ചിയിലാണ് അദ്ദേഹം താമസിയ്ക്കുന്നത്. കാരായി രാജന്‍ തന്റെ സുഹൃത്തും സഖാവുമാണെന്ന് പരിചയപ്പെടുത്തിയാണ് രഞ്ജി പണിക്കര്‍ വോട്ട് അഭ്യര്‍ത്ഥിച്ചത്.

സ്വന്തം സമ്മതിദായകരെ നേരില്‍കണ്ട് വോട്ട് അഭ്യര്‍ത്ഥിയ്ക്കാന്‍ സാധിയ്ക്കാതെ പോയ സ്ഥാനാര്‍ത്ഥി എന്ന കാര്യം മനസിലാക്കി കാരായിയെ വിജയിപ്പിയ്ക്കണമെന്നും രഞ്ജി പണിക്കര്‍ അഭ്യര്‍ത്ഥിച്ചു. നിലവിലുള്ള നിയമപ്രകാരം മത്സരിയ്ക്കാനുള്ള അര്‍ഹതയും യോഗ്യതയ്ക്കും കാരായി രാജനുണ്ടെന്നും നിയമത്തിന് മുന്നില്‍ അദ്ദേഹം കുറ്റവാളിയാണെന്ന് ഇതുവരെ തെളിയ്ക്കപ്പെട്ടിട്ടില്ലെന്നും രഞ്ജി പണിക്കര്‍ പറയുന്നു.

English summary
Renji Panicker seeks support for CPM candidate Karayi Rajan
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X