'നട്ടെല്ല് വളച്ച് മിണ്ടാതിരിക്കാനില്ല'; ഗവര്ണറുടെ പത്രസമ്മേളനം ബഹിഷ്കരിച്ച് റിപ്പോര്ട്ടര് ടിവി
കൊച്ചി: ഗവര്ണര് ആരിഫ് മുഹമ്മദ് ഖാന് തന്റെ വാര്ത്താസമ്മേളനത്തില് നിന്ന് കൈരളി, മീഡിയ വണ് ചാനലുകളെ പുറത്താക്കിയ നടപടിക്ക് എതിരെ പ്രതിഷേധവുമായി മാധ്യമപ്രവര്ത്തകര്. നടപടിയില് പ്രതിഷേധിച്ച് റിപ്പോര്ട്ടര് ടി വി ഗവര്ണറുടെ വാര്ത്താസമ്മേളനം ബഹിഷ്കരിച്ചു. നടപടിയെ വിമര്ശിച്ച് മാധ്യമപ്രവര്ത്തകനും 24 ന്യൂസ് മാനേജിങ് ഡയറക്ടറുമായ ആര് ശ്രീകണ്ഠന് നായരും രംഗത്തെത്തി.
ഗവര്ണര് വിലക്കേര്പ്പെടുത്തിയ മാധ്യമങ്ങള്ക്ക് ഐക്യദാര്ഢ്യം പ്രഖ്യാപിച്ചാണ് ആരിഫ് മുഹമ്മദ് ഖാന്റെ വാര്ത്താസമ്മേളനം ബഹിഷ്കരിച്ചത് എന്ന് റിപ്പോര്ട്ടര് ടി വി വ്യക്തമാക്കി. വാര്ത്താസമ്മേളനം മറ്റ് ചാനലുകള് സംപ്രേഷണം ചെയ്തപ്പോള് മാധ്യമങ്ങളെ വിലക്കിയ ശേഷം റിപ്പോര്ട്ടര് ടി വി വാര്ത്താസമ്മേളനം ബഹിഷ്കരിക്കുകയായിരുന്നു.
സഹപ്രവര്ത്തകരെ ഇറക്കിവിട്ടുള്ള ഒരു പത്രസമ്മേളനത്തില് നട്ടെല്ല് വളച്ച് മൗനമായി കൈയും കെട്ടി നോക്കി നില്ക്കാന് റിപ്പോര്ട്ടര് ടി വിക്ക് സാധിക്കില്ല എന്നുള്ള നിലപാട് ഉറക്കെ വിളിച്ച് പറഞ്ഞ് കൊണ്ട് തന്നെ നമ്മള് അവിടെ നിന്ന് ഇറങ്ങി എന്നാണ് റിപ്പോര്ട്ടര് ടി വിയിലെ മാധ്യമപ്രവര്ത്തകന് പറഞ്ഞത്. ക്ഷണിച്ച മാധ്യമപ്രവര്ത്തകരോട് ഇറങ്ങിപ്പോകാന് പറയുന്നത് ശരിയല്ലെന്ന് മറ്റ് ചാനലുകളിലുള്ളവര് പറഞ്ഞെങ്കിലും ഗവര്ണര് കൂട്ടാക്കിയില്ല.
അതേസമയം ഗവര്ണറുടെ നടപടി ശരിയായില്ലെന്നും വാര്ത്താസമ്മേളനങ്ങള് കവര് ചെയ്യാനുള്ള സ്വാതന്ത്ര്യം മാധ്യമപ്രവര്ത്തകര്ക്ക് ഭരണഘടന ഉറപ്പുവരുത്തുന്നുണ്ടെന്നും ആയിരുന്നു ശ്രീകണ്ഠന് നായരുടെ പ്രതികരണം. ഗവര്ണറുടെ സ്ഥാനത്തിരിക്കുന്ന ഒരാള് ഒരിക്കലും ചെയ്യാന് പാടില്ലാത്ത കാര്യത്തിലേക്കാണ് ഗവര്ണര് കടന്നതെന്നും വിഷയത്തില് മാധ്യമപ്രവര്ത്തകരുടെ സംഘടന ചര്ച്ച ചെയ്ത് ഉചിതമായ തീരുമാനമെടുക്കണം എന്നും അദ്ദേഹം ആവശ്യപ്പെട്ടു.
മാധ്യമപ്രവര്ത്തകര്ക്ക് സംസാരിക്കുവാനും വാര്ത്താസമ്മേളനങ്ങള് കവര് ചെയ്യുവാനുമുള്ള സ്വാതന്ത്ര്യം ആര്ട്ടിക്കിള് 14 അനുസരിച്ച് ഭരണഘടന നല്കുന്നുണ്ട്. തുല്യതക്കും അഭിപ്രായ സ്വാതന്ത്ര്യത്തിനുമുള്ള അവകാശം മാധ്യമപ്രവര്ത്തകര്ക്കും ഉണ്ട്. ഈ രണ്ട് ചാനലുകളോടുള്ള, മാധ്യമപ്രവര്ത്തകരോടുള്ള ഗവര്ണറുടെ നടപടി ശരിയായില്ല, എന്ന് തന്നെയാണ് ഞങ്ങളുടെ നിലപാട് എന്നും അദ്ദേഹം പറഞ്ഞു.
സ്വകാര്യമായി നടത്തുന്ന വാര്ത്താ സമ്മേളനത്തിന് ഗവര്ണര്ക്ക് ഇഷ്ടമുള്ളവരെ വിളിക്കാം എന്നും എന്നാല് പബ്ലിക്കായി ഒരു പത്രസമ്മേളനം വിളിക്കുമ്പോള് അതില് ഏതെങ്കിലും ചാനലുകളെ ഒഴിവാക്കുന്നത് വിവേചനമാണ് എന്നും അദ്ദേഹം ചൂണ്ടിക്കാട്ടി. ഇന്ന് രാവിലെ രാജ്ഭവന് സ്വീകരിച്ച അപേക്ഷകള് പ്രകാരമായിരുന്നു മാധ്യമങ്ങള് ഗവര്ണറുടെ വാര്ത്താസമ്മേളനത്തിന് എത്തിയത്.
എന്നാല് പിന്നീട് കൈരളി, മീഡിയ വണ് പ്രതിനിധികള് പുറത്ത് പോകണം എന്നും അവരോട് സംസാരിക്കില്ല എന്നുമായിരുന്നു ഗവര്ണര് പറഞ്ഞത്. തനിക്കെതിരെ ക്യാമ്പയിന് നടത്തുന്ന കേഡര് മാധ്യമങ്ങളാണ് ഇവ എന്നായിരുന്നു ഗവര്ണറുടെ ആരോപണം. ആഴ്ചകള്ക്ക് മുന്പ് രാജ്ഭവനില് ഗവര്ണര് നടത്തിയ വാര്ത്താസമ്മേളനത്തില് നിന്ന് റിപ്പോര്ട്ടര് ടി.വി, കൈരളി ന്യൂസ്, മീഡിയവണ്, ജയ്ഹിന്ദ് എന്നീ മാധ്യമങ്ങള്ക്ക് പ്രവേശനം നിഷേധിച്ചിരുന്നു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google