സംസ്ഥാനത്ത് പോലീസ് തലപ്പത്ത് മാറ്റം; നാല് ഡിഐജിമാർക്ക് ഐ ജി റാങ്കിലേക്ക് സ്ഥാനക്കയറ്റം
തിരുവനന്തപുരം: സംസ്ഥാനത്ത് പോലീസ് തലപ്പത്ത് മാറ്റം. നാല് ഡി ഐ ജിമാർക്ക് ഐ ജി റാങ്കിലേക്ക് സ്ഥാനക്കയറ്റം ലഭിച്ചു. ജെ ജയനാഥ്, ദേബേഷ് കുമാർ ബെഹ്റ, ഉമ ബെഹ്റ, രാജ്പാൽ മീണി എന്നിവർക്കാണ് സ്ഥാനക്കയറ്റം. നേരത്തെ സ്ഥാനക്കയറ്റത്തിന് മന്ത്രിസഭാ അംഗീകാരം നൽകിയിരുന്നു.
തിരുവനന്തപുരം കമ്മീഷണർ ജി സ്പർജൻ കുമാർ ഇന്റലിജൻസ് ഐ ജി. ജെ ജയനാഥിനെ മനുഷ്യാവകാശ കമ്മീഷൻ ഐ ജിയാക്കി. രാജ്പാൽ മീണ ഉത്തര മേഖല ഐജിയ കാളിരാജ് മഹേശ്വര ട്രാഫിക് ഐ ജി. ഉത്തര മേഖല ഐ ജി സേതുരാമനെ കേരള പോലീസ് അക്കാദമി ഡയറക്ടറാക്കി.
സതീഷ് ബിനോ എറണാകുളം റേഞ്ച് ഡി ഐ ജിയാകും. തോംസൺ ജോസ് തിരുവനന്തപുരം സിറ്റി പോലീസ് കമ്മീഷണർ. യതീഷ് ചന്ദ്ര കണ്ണൂർ റേഞ്ച് ഐ ജിയാകും. ഹരിശങ്കർ തൃശൂർ റേഞ്ച് ഐ ജി. കെ കാർത്തിക് ഐ പി എസിന് വിജിലൻസ് ഡി ഐ ജിയായി സ്ഥാനക്കയറ്റം. ടി നാരായണൻ കോഴിക്കോട് കമ്മീഷണറായി തുടരും. കൊല്ലം കമ്മീഷണർ ചൈത്ര തെരേസ ജോൺ കോസ്റ്റൽ പോലീസ് എ ഐ ജി.
തിരുവനന്തപുരം റൂറൽ എസ് പി കിരൺ നാരായണൻ കൊല്ലം കമ്മീഷണറാകും. സുദർശനൻ കെ എസ് തിരുവനന്തപുരം റൂറൽ പോലീസ് മേധാവിയാകും. പാലക്കാട് ജില്ലാ പോലീസ് മേധാവി ആനന്ദ് ആർ വി ഐ പി സെക്യൂരിറ്റി, ആംഡ് പോലീസ് ബാറ്റിലിയനിലേക്ക് ആണ് മാറ്റം. കണ്ണൂർ കമ്മീഷണർ ആയിരുന്ന അജിത് കുമാർ പാലക്കാട് ജില്ലാ പോലീസ് മേധാവിയാകും. കെ ഇ ബൈജു കോഴിക്കോട് റൂറൽ എസ് പി.
അങ്കിത് അശോകൻ സൈബർ ഓപ്പറേഷൻ എസ് പി. തൃശൂർ പൂരം വിവാദത്തിന് പിന്നാലെ അങ്കിതിനെ ടെക്നിക്കൽ ഇന്റലിജൻസ് വിഭാഗത്തിലേക്ക് മാറ്റിയിരുന്നു. കിരൺ രാജ് പി കണ്ണൂർ കമ്മീഷണറാകും. എസ് ആർ ജ്യോതിഷ് കുമാറിനെ വിജിലൻസ് എസ് പി ആയി നിയമിച്ചു.
അരുൾ ബി കൃഷ്ണ റെയിൽ വേ എസ് പിയാകും അജിത് കുമാർ പാലക്കാട് എസ് പിയാകും.
Click it and Unblock the Notifications
Sign in with Google