14 സെക്കന്റ് നോക്കിയാല് മാത്രമല്ല, സ്ത്രീകള്ക്ക് 'ഹലോ' മെസേജ് അയച്ചാലും കേസെടുക്കാം: ഋഷിരാജ് സിംഗ്
സ്ത്രീകള്ക്ക് ഹലോ എന്ന് തുടര്ച്ചയായി മെസേജ് അയച്ചാലും പരാതിപ്പെടാമെന്ന് ഋഷിരാജ് സിംഗ്.
ആലപ്പുഴ: 14 സെക്കന്റ് സ്ത്രീകളെ നോക്കുന്നവര്ക്കെതിരെ മാത്രമല്ല, അവര്ക്ക് ഹലോ എന്ന് ആവര്ത്തിച്ച് മെസേജ് അയച്ചാലും കേസെടുക്കാന് വകുപ്പുണ്ടെന്ന് എക്സൈസ് കമ്മീഷണര് ഋഷിരാജ് സിംഗ്.
സ്ത്രീകളെ വാക്കു കൊണ്ടോ നോട്ടം കൊണ്ടോ അപമാനിക്കാന് ശ്രമിച്ചാലും പരാതി നല്കാമെന്നും അദ്ദേഹം പറഞ്ഞു.ആലപ്പുഴയില് സ്കൂള് വിദ്യാര്ത്ഥികളുമായുള്ള മുഖാമുഖത്തില് സംസാരിക്കുന്നതിനിടെയാണ് ഋഷിരാജ് സിംഗ് ഇതെല്ലാം വ്യക്തമാക്കിയത്.
14 സെക്കന്റ് തുടര്ച്ചയായി ഒരാള് സ്ത്രീയെ നോക്കിയാല് പരാതിപ്പെടാമെന്ന് താന് പറഞ്ഞപ്പോള് എന്തൊക്കെ ബഹളമായിരുന്നെന്നും, സ്ത്രീകള് അവര്ക്കെതിരെയുള്ള അതിക്രമങ്ങള് തടയുന്ന നിയമങ്ങളെ പ്രയോജനപ്പെടുത്തുന്നില്ലെന്നും ഋഷിരാജ് സിംഗ് പറഞ്ഞു
സ്ത്രീകള്ക്ക് തുടര്ച്ചയായി ഹലോ എന്ന് മെസേജ് അയക്കുന്നവര്ക്കെതിരെയും കേസെടുക്കാം. സ്ത്രീകളെ തുടര്ച്ചയായി നോക്കിയതിന് പരാതിപ്പെടാമെന്ന് താന് പറഞ്ഞിട്ടും വെറും എട്ടു പേര് മാത്രമാണ് ഈ വകുപ്പ് പ്രകാരം പരാതി നല്കിയത്.
നിങ്ങള് ആദ്യം നിങ്ങളെ സംരക്ഷിക്കണമെന്നും കരാട്ടെ പോലുള്ള കായികമുറകള് പരിശീലിക്കാനും അദ്ദേഹം പ്രസംഗത്തില് ആവശ്യപ്പെട്ടു.14 സെക്കന്റ് സ്ത്രീകളെ തുടര്ച്ചയായി നോക്കിയാല് കേസെടുക്കാമെന്ന് ഋഷിരാജ് സിംഗ് പറഞ്ഞിരുന്നു. ഋഷിരാജ് സിംഗിന്റെ ഈ പ്രസ്താവനയുടെ പേരില് വിവാദങ്ങളുമുണ്ടായിരുന്നു.
Click it and Unblock the Notifications
Sign in with Google