കൊവിഡ് മുക്തി നേടിയവരിൽ ക്ഷയ രോഗ സാധ്യത; ചികിത്സ ഉറപ്പാക്കാൻ മാർഗനിർദ്ദേശം പുറപ്പെടുവിച്ചു
തിരുവനന്തപുരം; സംസ്ഥാനത്തെ പോസ്റ്റ് കോവിഡ് രോഗികളിലെ ക്ഷയരോഗബാധ കണ്ടെത്തി ചികിത്സ ഉറപ്പാക്കാന് ആരോഗ്യ വകുപ്പ് മാര്ഗനിര്ദേശം പുറപ്പെടുവിച്ചതായി ആരോഗ്യ മന്ത്രി വീണാ ജോർജ്. ലോകമെമ്പാടുമുള്ള പല പഠനങ്ങളിലും കോവിഡ് മുക്തരായ രോഗികളുടെ ശരീരത്തില് സജീവമാകാതെ കിടക്കുന്ന ക്ഷയ രോഗാണുക്കള് സജീവമാകാനുള്ള സാധ്യത റിപ്പോര്ട്ട് ചെയ്തിട്ടുണ്ട്. സംസ്ഥാനത്ത് കോവിഡ് മുക്തരായ പത്തോളം പേര്ക്ക് ക്ഷയരോഗം റിപ്പോര്ട്ട് ചെയ്തിട്ട് ചെയ്തിട്ടുണ്ടെന്നും മന്ത്രി അറിയിച്ചു.
കോവിഡ് മൂലമുണ്ടാകുന്ന താല്ക്കാലിക രോഗപ്രതിരോധ ശേഷിക്കുറവും ശ്വാസകോശത്തിലെ വീക്കവും ക്ഷയരോഗത്തിലേക്ക് നയിച്ചേക്കാം. പോസ്റ്റ് കോവിഡ് ശ്വസന രോഗങ്ങളുടെ ലക്ഷണങ്ങള് ക്ഷയരോഗത്തിന്റെ ലക്ഷണങ്ങളുമായി സാമ്യമുള്ളതിനാല് ക്ഷയരോഗ നിര്ണയത്തിലെ കാലതാമസം വരാന് സാധ്യതയുണ്ട്. ഈ സാഹചര്യത്തില് കോവിഡ് മുക്തരായ രോഗികളില് ക്ഷയരോഗമുള്ളവരെ കണ്ടെത്താനാണ് മര്ഗനിര്ദേശങ്ങള് പുറപ്പെടുവിച്ചത്.
കോവിഡ് മുക്തരായവരില് ശ്വാസകോശ സംബന്ധമായ ലക്ഷണങ്ങള് ഉണ്ടെന്നുകണ്ടാല് ക്ഷയരോഗമില്ലെന്ന് ഉറപ്പുവരുത്തേണ്ടതാണ്. എല്ലാ പോസ്റ്റ് കോവിഡ് ക്ലിനിക്കുകളിലും ടിബി സ്ക്രീനിംഗ് നടപ്പിലാക്കും. പോസ്റ്റ് കോവിഡ് ക്ലിനിക്കുകളില് വരുന്ന എല്ലാ രോഗികള്ക്കും അവബോധം നല്കുന്നതാണ്. 2 ആഴ്ചയില് കൂടുതലുള്ള ചുമ, രണ്ടാഴ്ചയിലധികം നീണ്ടുനില്ക്കുന്ന പനി, രാത്രികാലങ്ങളിലെ വിയര്പ്പ്, ഭാരം കുറയല്, നെഞ്ചുവേദന, ശ്വാസകോശ സംബന്ധമായ പ്രശ്നങ്ങള് തുടങ്ങി ഏതെങ്കിലും ലക്ഷണങ്ങള് ഉണ്ടെങ്കില് ആ വ്യക്തികളെ ക്ഷയരോഗ പരിശോധനയ്ക്ക് വിധേയരാക്കുകയും നാറ്റ് പരിശോധകള് നടത്തുകയും ചെയ്യും.
ചെറീസ് പാക്ക് ചെയ്യുന്ന കശ്മീരി കര്ഷകര്; കണ്ണിന് കുളിര്മ നല്കുന്ന ചിത്രങ്ങള് കാണാം
ശ്വാസകോശ ലക്ഷണങ്ങളുള്ള കോവിഡ് മുക്തരായ രോഗികളെ ടെലി കണ്സള്ട്ടേഷനിലൂടെ കണ്ടെത്തുകയാണെങ്കില് അവരെയും ക്ഷയ രോഗപരിശോധനക്ക് വിധേയരാക്കും. കിടത്തിചികിത്സ ആവശ്യമായിവരുന്ന കോവിഡ് രോഗികളെ എന്ടിഇപി അംഗങ്ങള് ടെലഫോണില് ബന്ധപ്പെടുകയും ആവശ്യമെങ്കില് അവരെ ക്ഷയരോഗ പരിശോധനയ്ക്ക് വിധേയമാക്കുകയും ചെയ്യുന്നതാണെന്നും മന്ത്രി പറഞ്ഞു.
സാരിയില് തിളങ്ങി തപ്സീ പന്നു-പുതിയ ചിത്രങ്ങള് കാണാം
Click it and Unblock the Notifications
Sign in with Google