ജ്വല്ലറി ഉടമയില് നിന്ന് 100 പവനും 7 ലക്ഷവും കവര്ന്നു: ആറ് പേര് പിടിയിലായി, എല്ലാവരും ചങ്ങാതിമാര്
കിളിമാനൂര് ടൗണില് പൂങ്കാവനം ജ്വല്ലറി ഉടമ സൈനുലാബ്ദീന്റെ സ്വര്ണാഭരണങ്ങളും പണവും ഒക്ടോബര് ഒന്നിന് രാത്രിയിലാണു കൊള്ളയടിച്ചത്.
തിരുവനന്തപുരം: കിളിമാനൂരില് ജ്വവല്ലറി ഉടമയില് നിന്ന് സ്വര്ണവും പണവും കവര്ന്ന കേസിലെ പ്രതികളില് ആറ് പേര് പിടിയിലായി. പിടിയിലായ എല്ലാവരും ചങ്ങാതിമാരാണ്. മോഷണത്തിന് ചുക്കാന്പിടിച്ച മൂന്ന് പേരെ കൂടി ഇനി പിടികൂടാനുണ്ട്. കിളിമാനൂര് ടൗണില് പൂങ്കാവനം ജ്വല്ലറി ഉടമ സൈനുലാബ്ദീന്റെ സ്വര്ണാഭരണങ്ങളും പണവും ഒക്ടോബര് ഒന്നിന് രാത്രിയിലാണു കൊള്ളയടിച്ചത്.
100 പവന്റെ സ്വര്ണാഭരണങ്ങളും 6.90 ലക്ഷം രൂപയുമാണ് പ്രതികള് കൊള്ളയടിച്ചത്. സുഹൃത്തുക്കളെല്ലാവരും ഒരുമിച്ചിരിക്കുമ്പോള് തോന്നിയ ഐഡിയയാണത്രേ മോഷണം. മോഷണ ശ്രമം വിജയിച്ചെങ്കിലും നിര്ഭാഗ്യവശാല് എല്ലാവരും പിടിയിലായി. കേസിലെ മുഖ്യപ്രതിയടക്കം മൂന്ന് പേരെയാണ് ഇനി പിടികൂടാനുള്ളത്. ഇവരിലൊരാള് സൗദിയിലേക്ക് കടന്നെന്നാണ് പോലീസ് പറയുന്നത്.
സ്വര്ണവും പണവും
സൈനുലാബ്ദീന് കടയടച്ചു വലിയ പാലത്തിനു സമീപം പാര്ക്ക് ചെയ്തിരുന്ന കാറില് കയറാനായി നടന്നുപോകവെ രാത്രി 8.20നു കാറിന് സമീപം ബൈക്കില് കാത്തുനിന്നിരുന്ന രണ്ടംഗ സംഘം സ്വര്ണവും പണവും അടങ്ങിയ ബാഗ് തട്ടിയെടുത്തു കടക്കുകയായിരുന്നു.
പ്രതികളെ പിടികൂടി
ആഭരണങ്ങളും പണവും തട്ടിയെടുത്ത എം ഫൈസല്(22), സഞ്ജിത്ത് സോമന്(22), എച്ച് ആഷിഖ്(21), കിളിമാനൂര് ചൂട്ടയില് കോളനി ജി വിനോദ്(42), ഹരികൃഷ്ണ സാഗര്(23), എസ് സുജിത്(23) എന്നിവരാണ് അറസ്റ്റിലായത്.
പ്രതികള് ഒളില്
കേസില് കിളിമാനൂര് സ്വദേശിയായ പ്രമോദ് പ്രസന്നന്, മാന്നാര് സ്വദേശി ഷംസുദ്ദീന്, തിരുവല്ല സ്വദേശി ജോബി മാത്യു എന്നിവരെ പിടികിട്ടാനുണ്ടെന്നു പൊലീസ് പറഞ്ഞു. കേസിലെ മുഖ്യ ആസൂത്രകനായ പ്രമോദ് പ്രസന്നന് കവര്ച്ചയ്ക്കു ശേഷം സൗദിയിലേക്കു രക്ഷപ്പെട്ടു.
ലുക്ക് ഔട്ട് നോട്ടീസ്
ഗള്ഫിലേക്ക് കടന്ന പ്രമോദ് പ്രസന്നന് വേണ്ടി ലൂക്ക് ഔട്ട് നോട്ടിസ് പുറപ്പെടുവിക്കുമെന്ന് പോലീസ് അറിയിച്ചു. മറ്റൊരു ഷംസുദ്ദീന് തിരുവല്ലയിലെ ഒരു ആശുപത്രിയില് ചികിത്സയിലാണെന്ന് കണ്ടെത്തി. മൂന്നാമനായ ജോബി ഒളിവിലാണ്.
തൊണ്ടിമുതല്
പ്രതികളില് നിന്നും വില്പന നടത്തിയ ശേഷം ബാക്കിവന്ന 19 പവനും, 7.60 ലക്ഷം രൂപയും കണ്ടെടുത്തു. കായംകുളം സ്വദേശികളായ പ്രതികള്ക്കു കിളിമാനൂര് സ്വദേശികളായ പ്രമോദ് പ്രസന്നനും വിനോദുമായിട്ടുള്ള സൗഹൃദത്തിലൂടെയാണു ജ്വല്ലറി കവര്ച്ചയ്ക്കുള്ള ഗൂഢാലോചന ഉണ്ടായതെന്നാണ് പോലീസ് പറയുന്നത്.
പിടിയിലായത് തിരുവല്ലയില്
സ്വര്ണം വിറ്റുകിട്ടിയ പണം വാങ്ങുന്നതിനായി തിരുവല്ലയില് എത്തിയപ്പോഴാണു പ്രതികളില് ആറ് പേര് പൊലീസ് വലയിലായത്. ഷംസുദ്ദീനും ജോബിയും കൂടി കോയമ്പത്തൂരിലെ ഒരു ജ്വല്ലറിയില് 13 ലക്ഷത്തിനു സ്വര്ണം വിറ്റെന്ന് കണ്ടെത്തിയിട്ടുണ്ട്.
വണ്ഇന്ത്യയിലേക്ക് നിങ്ങള്ക്കും വാര്ത്തകളും ഫോട്ടോകളും അയയ്ക്കാം. ഉചിതമായവ പ്രസിദ്ധീകരിക്കും. അയയ്ക്കേണ്ട വിലാസം [email protected]
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google