Click it and Unblock the Notifications
Just In
Don't Miss
-
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ബിനീഷ് കോടിയേരിയെ ചോദ്യം ചെയ്യല്‍; സിപിഎമ്മിനെതിരെ ആര്‍എസ്പി; രാഷ്ട്രീയ ഉത്തരവാദിത്തമില്ലേ?
കൊച്ചി: സ്വര്‍ണക്കടത്ത് കേസുമായി ബന്ധപ്പെട്ട് സിപിഎം സംസ്ഥാന സെക്രട്ടറി കോടിയേരിയുടെ മകന്‍ ബിനീഷ് കോടിയേരിയെ എന്‍ഫോഴ്‌സ്‌മെന്റ് ഡയറക്ട്രേറ്റ് ചോദ്യം ചെയ്യുന്നതില്‍ പ്രതികരിച്ച് ആര്‍എസ്പി. ബിനീഷ് കോടിയേരിയെ ഇഡി ചോദ്യം ചെയ്യുമ്പോള്‍ അതില്‍ പ്രതികരിക്കാനുള്ള രാഷ്ട്രീയ ഉത്തരവാദിത്തം സിപിഎമ്മിന് ഇല്ലേയെന്നാണ് ആര്‍എസ്പിയുടെ ചോദ്യം.
സംസ്ഥാനത്തെ നിയമവാഴ്ച്ച തകര്‍ന്നിരിക്കുകയാണ്. കേരളത്തിലാകെ അധോലോകം രൂപപ്പെട്ട അവസ്ഥയാണുള്ളത്. തിരുവോണ ദിവസം ക്വട്ടേഷന്‍ സംഘങ്ങള്‍ തെരുവില്‍ അഴിഞ്ഞാടുന്ന സ്ഥിതിയായിരുന്നുവെന്ന് ആര്‍എസ്പി പറഞ്ഞു. വെഞ്ഞാറമൂട് രണ്ട് ഡിവൈഎഫ്‌ഐ പ്രവര്‍ത്തകര്‍ കൊല്ലപ്പെട്ടത് തിരുവോണ ദിവസമായിരുന്നു.
സംസ്ഥാനത്തെ ആരോഗ്യ വകുപ്പിനെതിരേയും എസ്എസ്പി രംഗത്തെത്തി. ആരോഗ്യ വകുപ്പില്‍ നടക്കുന്നത് കേട്ടാല്‍ അറക്കുന്ന കാര്യങ്ങളാണെന്നും നിരീക്ഷണത്തില്‍ കഴിഞ്ഞിരുന്ന യുവതിയെ പീഡിപ്പിച്ച ജൂനിയര്‍ ഹെല്‍ത്ത് ഇന്‍സ്‌പെക്ടര്‍ എന്‍ജിഒ യൂണിയന്റെ ആളാണെന്നും ആര്‍എസ്പി ആരോപിച്ചു. സംഭവം ശ്രദ്ധയില്‍പ്പെട്ടിട്ടും ഹെല്‍ത്ത് ഇന്‍സ്‌പെക്ടര്‍ക്കെതിരെ നടപടിയെടുക്കാത്തത് ആരോഗ്യവകുപ്പില്‍ നിന്നുണ്ടായ ഗുരുതര വീഴ്ച്ചയാണെന്നും ആര്‍എസ്പി കുറ്റപ്പെടുത്തി.
കൊവിഡ് പ്രതിരോധ പ്രവര്‍ത്തനങ്ങള്‍ക്കെതിരെ അംഗീകാരങ്ങളും അവാര്‍ഡുകളും മന്ത്രി സ്വീകരിക്കുന്നുണ്ടെങ്കില്‍ ഇത്തരം സംഭവങ്ങളുടെ ഉത്തരവാദിത്തവും മന്ത്രി ഏറ്റെടുക്കണമെന്ന് എര്‍എസ്പി പറഞ്ഞു.
ഇന്ന് രാവിലെയാണ് ബിനീഷ് കോടിയേരി കൊച്ചി എന്‍ഫോഴ്‌സ്‌മെന്റ് ഡയറക്ടേറ്റ് ഓഫീസില്‍ എത്തിയത്. രാവിലെ 11 ഓടെയായിരുന്നു ബിനീഷിനോട് ഇഡി ഹാജരാവാന്‍ ആവശ്യപ്പെട്ടത്. എന്നാല്‍ ഒമ്പതരയാടെ തന്നെ ബിനീഷ് ഹാജരായിരുന്നു. ചോദ്യം ചെയ്യലിന് ഹാജരാവണമെന്നാവശ്യപ്പെട്ട് കഴിഞ്ഞ ദിവസമായിരുന്നു ഇഡി ബിനീഷ് കോടിയേരിക്ക് നോട്ടീസ് നല്‍കിയത്. ചോദ്യം ചെയ്യലിന് ഹാജരാവാന്‍ ബീനീഷ് സാവകാശം ചോദിച്ചിരുന്നുവെങ്കിലും അത് തള്ളുകയായിരുന്നു. ആറ് ദിവസമാണ് ബിനീഷ് സാവകാശം ചോദിച്ചത്.
Recommended Video
സ്വര്‍ണക്കടത്ത്, ഹവാല, ബിനാമി ഇടപാടുകള്‍, കള്ളപ്പണം വെളുപ്പിക്കല്‍ എന്നിവയാണ് ഇഡി അന്വേഷിക്കുന്നത്. ബിനീഷിന്റെ പേരില്‍ ബെംഗളൂരുവില്‍ രജിസ്റ്റര്‍ ചെയ്ത രണ്ട് കമ്പനികള്‍, യുഎഇ കോണ്‍സുലേറ്റിലെ വിസ സ്റ്റാംപിങ് സേവനങ്ങള്‍ ചെയ്തിരുന്ന കമ്പനി എന്നിവയുടെ സാമ്പത്തിക ഇടപാടുമായി ബന്ധപ്പെട്ടാണ് അന്വേഷണം.
