കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആര്‍എസ്പി ആണാണോ പെണ്ണാണോ... പന്ന്യന്‍ ചോദിക്കുന്നു

  • By Soorya Chandran
Google Oneindia Malayalam News

തിരുവനന്തപുരം: ആര്‍എസ്പി ആണാണോ പെണ്ണാണോ... ചോദ്യം സിപിഐയുടെ ഭാഗത്ത് നിന്നാണ്. ഇന്ത്യന്‍ രാഷ്ട്രീയത്തില്‍ ആര്‍എസ്പി ആണാണോ പെണ്ണാണോ എന്നാണ് സിപിഐ സംസ്ഥാന സെക്രട്ടറി പന്ന്യന്‍ രവീന്ദ്രന്‍ ചോദിക്കുന്നത്.

ആര്‍എസ്പി പാര്‍ട്ടികളുടെ ലയന സമ്മേളനത്തില്‍ ദേശീയ സെക്രട്ടറി ടിജെ ചന്ദ്ര ചൂഡന്‍ നടത്തിയ ചില പരാമര്‍ശങ്ങള്‍ക്ക് മറുപടി നല്‍കുകയായിരുന്നു പന്ന്യന്‍ രവീന്ദ്രന്‍. ആണും പെണ്ണും കെട്ട പാര്‍ട്ടിയാണ് സിപിഐ എന്നായിരുന്നു ചന്ദ്രചൂഡന്റെ വിമര്‍ശനം.

Pannyan Raveendran

ആര്‍എസ്പി എന്തായാലും സിപിഐയെ രാഷ്ട്രീയം പഠിപ്പിക്കാന്‍ വരേണ്ടെന്നാണ് പന്ന്യന്‍ രവീന്ദ്രന്‍ ചന്ദ്രചീഡനോട് പറയുന്നത്. ഇന്ത്യന്‍ രാഷ്ട്രീയത്തില്‍ ആര്‍എസ്പിയുടെ സ്ഥാനം എന്തെന്ന് ചിന്തിക്കണം എന്നും പന്ന്യന്‍ ആവശ്യപ്പെട്ടിട്ടുണ്ട്.

സിപിഎമ്മിനും സിപിഐക്കും എതിരെ രൂക്ഷമായ വിമര്‍ശനമായിരുന്നു ചന്ദ്രചൂഡന്‍ സമ്മേളനത്തില്‍ ഉന്നയിച്ചത്. ഇതിനെതിരെ സിപിഎമ്മിന്റെ ഭാഗത്ത് നിന്ന് പ്രതികരണമൊന്നു വന്നിട്ടില്ല.

സിപിഐയേയും പന്ന്യനേയും വിമര്‍ശിക്കാന്‍ ചന്ദ്രചൂഡന്‍ ഉയോഗിച്ച ഭാഷ മോശമായിപ്പോയെന്ന് പരക്കെ ആക്ഷേപമുണ്ട്. സിപിഐയെപ്പോലെ മഹത്തായ പാര്‍ട്ടി ഇപ്പോള്‍ ആണും പെണ്ണും കെട്ടവന്റെ കയ്യിലാണെന്നാണ് അദ്ദേഹം പറഞ്ഞത്. പിറകില്‍ നിന്ന് നോക്കിയാല്‍ ആണാണോ പെണ്ണാണോ എന്ന് തിരിച്ചറിയാന്‍ പറ്റില്ലെന്നും ചന്ദ്രചൂഡന്‍ പറഞ്ഞിരുന്നു.

എല്‍ഡിഎഫിലുള്ള സമയത്ത് സിപിഐക്ക് ഒപ്പം ചേര്‍ന്നായിരുന്നു ചന്ദ്രചൂഡന്‍ അടമുള്ള ആര്‍എസ്പി നേതാക്കള്‍ സിപിഎമ്മിനെ വിമര്‍ശിച്ചിരുന്നത്.

English summary
RSP CPI Conflict continues.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X