Click it and Unblock the Notifications
Just In
-
-
-
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഡെ. സ്പീക്കര്‍ സ്ഥാനാര്‍ത്ഥിയെ പ്രഖ്യാപിച്ച് ആര്‍എസ്പി; തീരുമാനമായില്ലെന്ന് മുഖ്യമന്ത്രി
തിരുവനന്തപുരം: യുഡിഎഫില്‍ പുതിയ കലാപത്തിന് തുടക്കമിട്ട് ആര്‍എസ്പി ഏകപക്ഷീയമായി ഡെപ്യൂട്ടി സ്പീക്കര്‍ സ്ഥാനാര്‍ത്ഥിയെ പ്രഖ്യാപിച്ചു. ആര്‍എസ്പി നേതാവ് കോവൂര്‍ കുഞ്ഞുമോന്‍ സ്ഥാനാര്‍ത്ഥിയാകുമെന്ന് എ.എ. അസീസ് പറഞ്ഞു. ഡെപ്യൂട്ടി സ്പീക്കര്‍ സ്ഥാനം ആര്‍എസ്പിക്ക് നല്‍കാന്‍ യുഡിഎഫ് തത്വത്തില്‍ തീരുമാനിച്ചതാണെന്ന് അസീസ് വ്യക്തമാക്കി.
എന്നാല്‍ ഇതിന് തൊട്ടുപിന്നാലെ ഡെപ്യൂട്ടി സ്പീക്കര്‍ സ്ഥാനത്തേക്ക് ആരെയും നിര്‍ദ്ദേശിച്ചിട്ടില്ലെന്ന് ഉമ്മന്‍ചാണ്ടി പ്രതികരിച്ചു. ആര്‍എസ്പി അവകാശവാദം ഉന്നയിച്ചിരുന്നതായും എന്നാല്‍ ചര്‍ച്ച നടക്കുകയാണെന്നുമാണ് മുഖ്യമന്ത്രിയുടെ പ്രതികരണം. ഡെപ്യൂട്ടി സ്പീക്കര്‍ സ്ഥാനം ഒഴിവു വന്നാല്‍ ആ പാര്‍ട്ടിതന്നെയാണ് അത് ഏറ്റെടുക്കുകയാണ് പതിവെന്നും മുഖ്യമന്ത്രി പറഞ്ഞു.
നിലവിലെ രാഷ്ട്രീയ സ്ഥിതിഗതികളില്‍ യുഡിഎഫിനെ സമ്മര്‍ദ്ദം ചെലുത്തി സ്ഥാനങ്ങള്‍ നേടുയെടുക്കാനാണ് ആര്‍എസ്പിയുടെ ശ്രമം. അരുവിക്കര സീറ്റ് തങ്ങള്‍ക്ക് ലഭിക്കില്ലെന്ന് ഉറപ്പായതോടെ വരുന്ന നിയമസഭാ തെരഞ്ഞെടുപ്പില്‍ തിരുവനന്തപുരത്ത് രണ്ട് സീറ്റുകള്‍ ആര്‍എസ്പിക്ക് നല്‍കണമെന്ന് ആര്‍എസ്പി നേതാവ് ചന്ദ്രചൂഡനും ആവശ്യപ്പെട്ടിട്ടുണ്ട്.
കഴിഞ്ഞ ലോക്‌സഭാ തെരഞ്ഞെടുപ്പില്‍ സീറ്റു നല്‍കാത്തതില്‍ പ്രതിഷേധിച്ചാണ് ആര്‍എസ്പി ഇടതുമുന്നണി വിട്ടത്. എന്നാല്‍ യുഡിഎഫിലും ആര്‍എസ്പിക്ക് അവഗണന ലഭിക്കുകയാണെന്നാണ് സൂചന. അതിനിടെ, നേരത്തെ ഇടതുപക്ഷത്തുനിന്നും അകന്ന കേരള കോണ്‍ഗ്രസ് ജോസഫ് ഗ്രൂപ്പും വീരേന്ദ്ര കുമാറിന്റെ സോഷ്യലിസ്റ്റ് ജനതയും യുഡിഎഫ് വിട്ട് ഇടതുപക്ഷത്തേക്ക് തിരിച്ചുപോകുമെന്ന അഭ്യൂഹവുമുണ്ട്.
