ആര്എസ്പിക്കും ജെഡിയുവിനും ഉപാധികളില്ലാതെ തിരിച്ചുവരാം: പിണറായി വിജയന്
തിരുവനന്തപുരം: ആര്എസ്പിക്കും ജെഡിയുവിനും ഉപാധികളില്ലാതെ ഇടതുമുന്നണിയിലേക്ക് തിരിച്ചുവരാമെന്ന് പിണറായി വിജയന് പറഞ്ഞു. ഇരുപാര്ട്ടികള്ക്കും യുഡിഎഫില് നില്ക്കാന് സാധിക്കില്ല. അതുകൊണ്ട് എത്രയും വേഗം പുറത്ത് കടക്കുകയാണ് ചെയ്യേണ്ടത് അദ്ദേഹം പറഞ്ഞു.
ജെഡിയുവും അര്എസ്പിയും തെറ്റ് ഏറ്റ് പറഞ്ഞ് യുഡിഎഫ് വിട്ടാല് തിരികെ എല്ഡിഎഫില് എടുക്കാമെന്നാണ് നേരത്തെ പിണറായി പറഞ്ഞിരുന്നത്. എന്നാല് സംസ്ഥാനം നിയമസഭാ തിരഞ്ഞെടുപ്പിനെ അഭിമുഖീകരിക്കാനിരിക്കുന്ന സാഹചര്യത്തിലാണ് ഉപാധികളൊന്നും ഇല്ലാതെ ഇരു പാര്ട്ടികള്ക്കും തിരികെ ഇടതു മുന്നണിയിലേക്ക് വരാമെന്ന് പിണറായി വിജയന് വ്യക്തമാക്കിയിരിക്കുന്നത്.
വിഎസിനും തനിക്കുമിടയില് ഒരുകാലത്തും വ്യക്തിപരമായി പ്രശ്നങ്ങള് ഉണ്ടായിട്ടില്ല. എന്നാല് പാര്ട്ടി നിലപാട് കാത്ത് സൂക്ഷിക്കാന് താന് എല്ലാ കാലത്തും ശ്രമിച്ചിട്ടുണ്ടെന്നും പിണറായി പറഞ്ഞു.
താനോ വിഎസ്സോ തിരഞ്ഞെടുപ്പില് മത്സരിക്കുന്നതിനെക്കുറിച്ച് പാര്ട്ടി തീരുമാനിച്ചിട്ടില്ല. തിരഞ്ഞെടുപ്പ് ആകുമ്പോള് പാര്ട്ടി ഇതിനെപ്പറ്റി തീരുമാനിക്കും. തീരുമാനം അനുസരിച്ചാണ് എല്ലാവരും പ്രവര്ത്തിക്കുന്നതെന്നും പിണറായി പറഞ്ഞു.
വിഴിഞ്ഞം പദ്ധതിയെ അല്ല അത് നടപ്പാക്കിയ രീതിയെ ആണ് എതിര്ത്തത്. സര്ക്കാര് മാറിയാലും വിഴിഞ്ഞം കരാര് റദ്ദാക്കില്ല. പദ്ധതി അദാനി തന്നെ നടപ്പാക്കുമെന്നും പിണറായി വിജയന് പറഞ്ഞു.