Click it and Unblock the Notifications
Just In
Don't Miss
-
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി -
IPL 2024: ഇവര് തമ്മിലോ പിണക്കം? കെട്ടിപ്പിടിച്ച് വിജയം ആഘോഷിച്ച് രോഹിത്തും പാണ്ഡ്യയും -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
5G ഫോണായിട്ടും 5G കിട്ടുന്നില്ലെന്ന് ഇനി പറയരുത്! സ്പീഡ് വർധിപ്പിക്കാൻ ഈ 5 കാര്യങ്ങൾ ചെയ്യൂ -
നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ആര്‍എസ്പികള്‍ ലയിക്കുന്നു;സര്‍ക്കാര്‍ സുരക്ഷിതം
തിരുവനന്തപുരം: ആര്‍എസ്പി പാര്‍ട്ടികള്‍ തമ്മില്‍ ലയിക്കാന്‍ ധാരണയായി. ഇതോടെ നിയമ സഭയില്‍ സര്‍ക്കാരിന് സുരക്ഷിത ഭൂരിപക്ഷമായി.
മുമ്പ് വിപി രാമകൃഷ്ണ പിള്ളയെ മന്ത്രിയാക്കുന്നതില്‍ പ്രതിഷേധിച്ചാണ് ഷിബു ബേബി ജോണും എവി താരമാക്ഷനും ബാബു ദിവാകരനും ചേര്‍ന്ന് പാര്‍ട്ടി പിളര്‍ത്തി ആര്‍എസ്പി ബി ഉണ്ടാക്കിയത്. അതിന് ശേഷം ആര്‍എസ്പി ബി യുഡിഎഫിനൊപ്പം ആയിരുന്നു. എന്നാല്‍ ഇരുപാര്‍ട്ടികളുടേയും ലയനം എന്നത് ഷിബു ബേബിജോണിന്റെ എക്കാലത്തേയും സ്വപ്നമായിരുന്നു.
നിലവില്‍ ലയനത്തിന്റെ കാര്യത്തില്‍ അന്തിമ തീരുമാനം ആയിട്ടില്ലെങ്കിലും യുഡിഎഫില്‍ ചേക്കേറാന്‍ തന്നെയാണ് ആര്‍എസ്പിയുടെ തീരുമാനം. രണ്ട് എംഎല്‍എമാര്‍ ഉള്ള ആര്‍എസ്പി എത്തുമ്പോള്‍ യുഡിഎഫിന്റെ കക്ഷിനില 75 ആകും. ഇത് സര്‍ക്കാരിന് കൂടുതല്‍ സ്ഥിരത നല്‍കും.
മറ്റ് ചെറുപാര്‍ട്ടികളുടെ സമ്മര്‍ദ്ദത്തെ ചെറുക്കാനും ആര്‍എസ്പിയുടെ വരവ് കോണ്‍ഗ്രസ്സിന് ഉപകാരമാകും. കെബി ഗണേഷ്‌കുമാര്‍, കേരള കോണ്‍ഗ്രസിലെ ജോസഫ് വിഭാഗം എന്നിവരുടെ സമ്മര്‍ദ്ദ തന്ത്രങ്ങള്‍ ഇനി വിലപ്പോവില്ലെന്ന് ചുരുക്കം.
ഷിബു ബേബി ജോണ്‍ സംസ്ഥാന രാഷ്ട്രീയത്തിലും എന്‍കെ പ്രേമചന്ദ്രന്‍ ദേശീയ രാഷ്ട്രീയത്തിലും പ്രവര്‍ത്തിക്കാമെന്നതാണ് ലയനത്തിന് മുമ്പ് രണ്ട് ആര്‍എസ്പികളും തമ്മിലുള്ള ധാരണ. രണ്ട് കൂട്ടരെ സംബന്ധിച്ചും ചവറ നിയോജക മണ്ഡലം നിര്‍ണായകമായതുകൊണ്ടാണ് ഇത്തരമൊരു തീരുമാനം. ആത് പാര്‍ട്ടിയില്‍ ആര് ലയിക്കണം എന്ന കാര്യത്തിലും ഇതുവരെ തീരുമാനം ആയിട്ടില്ല.
പണ്ട് പാര്‍ട്ടി പിളര്‍ത്താന്‍ ഷിബുവിനൊപ്പം ഉണ്ടായിരുന്നു ബാബു ദിവാകരനും എവി താമരാക്ഷനും ഇപ്പോള്‍ ആര്‍എസ്പിയില്‍ ഇല്ല. ഇതില്‍ താമരാക്ഷന്‍ ബിജെപിക്കൊപ്പമാണ് ഇപ്പോള്‍. ബാബു ദിവാകരനെ കൂടി തിരിച്ച് പാര്‍ട്ടിയിലേക്കെത്തിക്കാന്‍ ശ്രമം തുടങ്ങിയിട്ടുണ്ട്.
