• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

നാഥുറാം ഗോഡ്സെ ചെയ്തത് മഹദ് കൃത്യം.. അല്‍പം നേരത്തേ ആകാമായിരുന്നെന്ന് സംഘപരിവാര്‍ നേതാവ്

  • By Desk

ഗാന്ധിയുടെ കൊലപാതകത്തെ ന്യായീകരിച്ച് സംഘപരിവാര്‍ നേതാവിന്‍റെ ഫേസ്ബുക്ക് പോസ്റ്റ്. നാഥുറാം വിനായക് ഗോഡ്സെ ചെയ്തത് മഹദ് കൃത്യമാണെന്നാണ് സംഘപരിവാര്‍ നേതാവായ നിവേദ്യം രാമചന്ദ്രന്‍ തന്‍റെ ഫേസ്ബുക്കില്‍ കുറിച്ചത്. ആ കൊല കുറച്ച് നേരത്തേ ആയിരുന്നെങ്കില്‍ ഭാരതം ഹിന്ദുരാഷ്ട്രമായിരുന്നേനെയെന്ന് പോസ്റ്റില്‍ രാമചന്ദ്രന്‍ പറയുന്നു.

ഗോഡ്സേയുടെ ജന്‍മദിനമായ മെയ് 19 നാണ് ഗാന്ധി വധത്തെ ന്യായീകരിച്ചും ഗോഡ്സെയെ മഹത്വവത്കരിച്ചും പാലക്കാട്ടുകാരനായ രാമചന്ദ്രന്‍ തന്‍റെ ഫേസ്ബുക്കില്‍ കുറിച്ചത്.

ഗാന്ധി 'കൊല', പാതകം അല്ല

ഗാന്ധി 'കൊല', പാതകം അല്ല

സ്വദേശി ജാഗരണ്‍ മഞ്ചിന്‍റെ സംസ്ഥാന കമ്മിറ്റി അംഗമായിരുന്ന രാമചന്ദ്രന്‍ സംഘപരവാറിന്‍റെ നിരവധി സംഘങ്ങളില്‍ അംഗമായിരുന്നെന്നും പ്രൊഫൈലില്‍ കുറിച്ചിട്ടുണ്ട്. ഗാന്ധി വധത്തെ 'കൊല' എന്ന് വിളിക്കാന്‍ മാത്രമാണ് താന്‍ ആഗ്രഹിക്കുന്നതെന്നും അതൊരിക്കലും പാതകമാകില്ലെന്നും രാമചന്ദ്രന്‍ പറയുന്നു. ഗാന്ധി വധം കുറച്ചു വര്‍ഷങ്ങള്‍ നേരത്തേ നടന്നിരുന്നതെങ്കില്‍ നേതാജി നമ്മോടൊപ്പം ഉണ്ടാകുമായിരുന്നു. നെഹ്റു കുടുംബം അപ്രസക്തമായേനെ എന്നും രാമചന്ദ്രന്‍ കുറിച്ചു.

ഹിന്ദുരാഷ്ട്രം

ഹിന്ദുരാഷ്ട്രം

ഗാന്ധിയെ മുന്‍പേ കൊലപ്പെടുത്തിയിരുന്നെങ്കില്‍ ഇന്ത്യ വിഭജിക്കപ്പെടില്ലായിരുന്നു ഇന്ത്യ ഹിന്ദു രാഷ്ട്രം ആകുമായിരുന്നു ഗോമാതാവ് ദേശീയ മൃഗമാകുമായിരുന്നു, ഗോവധ നിരോധനം നടപ്പായേനെയെന്നും ഗോഡ്സെയെ ആവോളം പുകഴ്ത്തി രാമചന്ദ്രന്‍ ഇട്ട പോസ്റ്റില്‍ പറയുന്നു.

ബലിദാനി

ബലിദാനി

ഭാരതത്തിന്‍റെ വീരപുത്രന്‍ വീര ബലിദാനി എന്നിങ്ങനെയെല്ലാം രാമചന്ദ്രന്‍ വിനായക് ഗോഡ്സെയെ തന്‍റെ പോസ്റ്റിലൂടെ വിശേഷപ്പിക്കുന്നുണ്ട്. ഗാന്ധിവധം വൈകിയതില്‍ മാത്രമേ തനിക്ക് പരിഭവം ഉള്ലൂവെന്നും ആ മഹദ് കൃത്യം ചെയ്ത ഗോഡ്സേയോട് ഭാരതം കടപ്പെട്ടിരിക്കുന്നുവെന്നും ഭാരതം നിലനില്‍ക്കുന്നത് തന്നെ ഗോഡ്സെയുടെ ത്യാഗത്തിലാണെന്നും രാമചന്ദ്രന്‍ തന്‍റെ പോസ്റ്റില്‍ പറയുന്നു. ഇതിന് മുന്‍പും സംഘപരിവാര്‍ നേതാക്കള്‍ ഗോഡ്സെ വധത്തെ പുകഴ്ത്തി രംഗത്തെത്തിയിട്ടുണ്ട്. ഗോഡ്സേയ്ക്കായി അമ്പലം പണിയണമെന്ന് നേരത്തേ സംഘപരിവാര്‍ നേതാക്കള്‍ ആവശ്യപ്പെട്ടത് വിവാദമായിരുന്നു.

ഫേസ്ബുക്ക് പോസ്റ്റ്

ഫേസ്ബുക്ക് പോസ്റ്റ്

എനിക്ക് ''നാഥുറാം...

വിനായക് ഗോഡ്സേ'' യോട് ആരാധനയാണുള്ളത്..

തികഞ്ഞ ആരാധന.. ഒപ്പം ഒരു ചെറിയ പരിഭവവും..

ആ കൊല...(കൊലയെന്നേ വിളിക്കൂ..അതൊരിക്കലും പാതകമല്ല..)

കുറച്ചു വര്‍ഷങ്ങള്‍ നേരത്തേ ചെയ്തിരുന്നെങ്കില്‍...

നേതാജി...നമ്മോടൊപ്പം ഉണ്ടായിരുന്നേനെ...

നെഹ്റു ..കുടുംബം അപ്രസക്തമായേനെ..

ഭാരതം വിഭജിക്കപ്പെടില്ലായിരുന്നു...

ഭാരതം..ഹിന്ദു രാഷ്ട്രമായിരുന്നേനെ...

ഗോമാതാവ്...ദേശീയ മൃഗമായേനെ..ഗോവധ നിരോധനം നടപ്പായേനെ..

വൈകിയാണെങ്കിലും ആ മഹദ് കൃത്യം ചെയ്ത അങ്ങയോട് കടപ്പെട്ടിരിക്കുന്നു ഭാരതം..

ഭാരതം ഇങ്ങനെയെങ്കിലും നിലനില്ക്കുന്നത് താങ്കളുടെ ആ ത്യാഗത്താലാണ്...

ഭാരതത്തിന്റെ വീരപുത്രന്‍ വീര ബലിദാനി നാഥുറാം വിനായക് ഗോഡ്സേയുടെ ജന്മദിനമാണിന്ന്...

പോസ്റ്റിന്‍റെ പൂര്‍ണരൂപം

ഫേസ്ബുക്ക് പോസ്റ്റിന്‍റെ പൂര്‍ണരൂപം

English summary
rss leaders facebook post supporting nadhuram godse
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more