ശബരിമല വിമാനത്താവളം ചെറുവള്ളി എസ്റ്റേറ്റിൽ!! പദ്ധതി ബിലീവേഴ്സ് ചർച്ചിനെ സഹായിക്കാൻ?
ഹാരിസൺ മലയാളം ലിമിറ്റഡ് ബിലീവേഴ്സ് ചർച്ചിന് അനധികൃതമായി വിറ്റ ചെറുവള്ളി എസ്റ്റേറ്റിലാണ് വിമാനത്താവളം നിർമ്മിക്കുന്നത്.
തിരുവനന്തപുരം: ശബരിമല തീർഥാടകർക്കായുള്ള വിമാനത്താവളം യാഥാർഥ്യമാകുന്നു. ഹാരിസൺ മലയാളം ലിമിറ്റഡ് ബിലീവേഴ്സ് ചർച്ചിന് അനധികൃതമായി വിറ്റ ചെറുവള്ളി എസ്റ്റേറ്റിലാണ് വിമാനത്താവളം നിർമ്മിക്കുന്നത്. മന്ത്രിസഭ യോഗത്തിലാണ് ഇതു സംബന്ധിച്ച തീരുമാനം ഉണ്ടായത്. വിമാനത്താവളം നിർമ്മിക്കുന്നതിന് സ്ഥലം കണ്ടെത്താൻ അഡീഷണൽ ചീഫ് സെക്രട്ടറി പിഎച്ച് കുര്യൻ അധ്യക്ഷനായ സമിതിയെ സർക്കാർ നിയോഗിച്ചിരുന്നു. ഈ തീരുമാനം സർക്കാർ അംഗീകരിക്കുകയായിരുന്നു.
പമ്പയിൽ നിന്ന് വെറും 40 കിമീ അകലെയാണ് ഈ സ്ഥലം. കൂടാതെ രണ്ട് ദേശീയ പാതകളുടെയും അഞ്ച് പൊതുമരാമത്ത് റോഡുകളുടെയും സമീപത്താണ് സ്ഥലം. ഗതാഗത സാധ്യതയാണ് ഈ സ്ഥലം വിമാനത്താവളത്തിന് തിരഞ്ഞെടുക്കാൻ പ്രധാന കാരണം.
കാഞ്ഞിരപ്പള്ളി താലൂക്കിൽ 2263 ഏക്കർ ആയി പരന്നു കിടക്കുന്നതാണ് ചെറുവള്ളി എസ്റ്റേറ്റ്. ഹാരിസണ് മലയാളം പ്ലാന്റേഷന് സർക്കാർ പാട്ടത്തിന് നൽകിയ ഭൂമി പിന്നീട് ബിലീവേഴ്സ് ചർച്ചിന് അനധികൃതമായി വിൽക്കുകയായിരുന്നു. ഇതിന്റെ പോക്കുവരവ് സർക്കാർ നേരത്തെ റദ്ദാക്കിയിരുന്നു. അതേസമയം ഈ ഭൂമി സർക്കാർ എങ്ങനെ ഏറ്റെടുക്കുമെന്നാണ് എല്ലാവരും ഉറ്റുനോക്കുന്നത്.
2010ൽ ചെറുവള്ളി എസ്റ്റേറ്റ് എടുക്കാനുള്ള നടപടി ക്രമങ്ങൾ സർക്കാർ തുടങ്ങിയിരുന്നു. സര്ക്കാര് ഭൂമിയാണ് ഇതെന്നും തിരിച്ച് പിടിക്കേണ്ടതാണെന്നും വ്യക്തമാക്കി സ്പെഷ്യല് ഓഫിസര് എ.ജി രാജമാണിക്യം പഠനം നടത്തി റിപ്പോര്ട്ട് സമര്പ്പിച്ചതിന്റെ അടിസ്ഥാനത്തിലായിരുന്നു ഇത്. എന്നാൽ ബിഷപ്പ് കെപി യോഹന്നാൻ നൽകിയ ഹർജിയിൽ ഹൈക്കോടതി നടപടി സ്റ്റേ ചെയ്യുകയായിരുന്നു.
അതേസമയം ശബരിമല തീർഥാടകർക്കായി വിമാനത്താവളം നിർമ്മിക്കുന്നതിന്റെ മറവിൽ അനധികൃത തോട്ടഭൂമി കൈയ്യേറ്റങ്ങൾ സാധൂകരിക്കാനുള്ള ശ്രമങ്ങളാണ് നടക്കുന്നതെന്നാണ് ഒരു വിഭാഗം പറയുന്നത്. ഈ സ്ഥലം ബിലീവേഴ്സ് ചർച്ചിന്റേതാണെന്ന് വ്യക്തമാക്കുന്ന മൂന്ന് ഹൈക്കോടതിവിധിയും ഉണ്ട്.
ശബരിമല വിമാനത്താവളത്തിനായി കണ്ടെത്തിയിരിക്കുന്ന ചെറുവള്ളി എസ്റ്റേറ്റ് വ്യാജപട്ടയങ്ങള് ചമച്ച് കൈവശം വച്ചിരിക്കുന്ന ഭൂമിയാണ്. ഈ ഭൂമി ഏറ്റെടുത്ത് ബിഷപ്പ് യോഹന്നാന് ഓഹരി അവകാശം നല്കാനാണ് സർക്കാർ ശ്രമമെന്നും എന്നും ആരോപിക്കുന്നു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google