കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ശബരിമലയില്‍ തന്ത്രി നട അടച്ചിട്ടില്ല, ചാരിയതേ ഉള്ളൂ!!! എല്ലാം ദേവസ്വം ബോര്‍ഡ് അറിഞ്ഞിരുന്നു

Google Oneindia Malayalam News

സന്നിധാനം: ശബരിമലയില്‍ യുവതി പ്രവേശനത്തെ തുടര്‍ന്ന് തന്ത്രി നട അടച്ചിട്ടില്ലെന്ന് റിപ്പോര്‍ട്ട്. വാതില്‍ ചാരിയിട്ട് ബിംബ ശുദ്ധി വരുത്തുകയും പുണ്യാഹം തെളിയ്ക്കുകയും ആണ് ചെയ്തത് എന്നാണ് പുറത്ത് വരുന്ന വാര്‍ത്ത. ഇക്കാര്യങ്ങള്‍ തന്ത്രി ദേവസ്വം ബോര്‍ഡിനെ അറിയിച്ചിരുന്നു എന്നും ആണ് റിപ്പോര്‍ട്ടുകള്‍.

യുവതി പ്രവേശനത്തെ തുടര്‍ന്ന് തന്ത്രി നട അടച്ച് ശുദ്ധിക്രിയ നടത്തി എന്ന വാര്‍ത്ത വലിയ വിവാദങ്ങള്‍ക്കായിരുന്നു വഴിവച്ചത്. തന്ത്രിയ്‌ക്കെതിരെ ഇക്കാര്യത്തില്‍ കോടതിയലക്ഷ്യ നടപടിയുമായും ഒരു വിഭാഗം രംഗത്തെത്തിയിരുന്നു. തന്ത്രിയുടെ നടപടിയ്‌ക്കെതിരെ ദേവസ്വം മന്ത്രിയും സര്‍ക്കാരും രംഗത്തെത്തുകയും ചെയ്തിരുന്നു.

എന്നാല്‍ ദേവസ്വം ബോര്‍ഡിനെ അറിയിച്ചിട്ടാണ് തന്ത്രി ശുദ്ധിക്രിയകള്‍ നടത്തിയത് എന്നത് സര്‍ക്കാരിനെ പ്രതിസന്ധിയിലാക്കും എന്ന് ഉറപ്പാണ്. ദേവസ്വം ബോര്‍ഡ് പ്രസിഡന്റും വിവരം അറിഞ്ഞിരുന്നു എന്നാണ് പുറത്ത് വരുന്ന റിപ്പോര്‍ട്ടുകള്‍.

എല്ലാം അറിയിച്ചു

എല്ലാം അറിയിച്ചു

യുവതി പ്രവേശനത്തെ തുടര്‍ന്ന് തന്ത്രി കണ്ഠരര് രാജീവര് ശുദ്ധിക്രിയ നടത്തിയത് ദേവസ്വം ബോര്‍ഡിനെ അറിയിച്ചതിന് ശേഷം. ദേവസ്വം പ്രസിഡന്റ് പത്മകുമാര്‍, ദേവസ്വം അംഗമായ കെപി ശങ്കര്‍ ദാസ്, സോപാനം സ്‌പെഷ്യല്‍ ഓഫീസര്‍, അഡ്മിനിസ്‌ട്രേറ്റീവ് ഓഫീസര്‍, എക്‌സിക്യൂട്ടീവ് ഓഫീസര്‍ എന്നിവെ ഇക്കാര്യം അറിയിച്ചിരുന്നു എന്നാണ് റിപ്പോര്‍ട്ടുകള്‍.

ആരും എതിര്‍ത്തില്ല

ആരും എതിര്‍ത്തില്ല

ശുദ്ധിക്രിയ സംബന്ധിച്ച കാര്യം അറിയിച്ചപ്പോഴും ആരും എതിര്‍പ്പ് പ്രകടിപ്പിച്ചില്ല എന്നാണ് റിപ്പോര്‍ട്ടുകള്‍. ശുദ്ധിക്രിയ ചെയ്യരുത് എന്ന നിര്‍ദ്ദേശവും ആരും നല്‍കിയിരുന്നില്ല.

യുവതി പ്രവേശനത്തിന് മാത്രമല്ല

യുവതി പ്രവേശനത്തിന് മാത്രമല്ല

യുവതി പ്രവേശനത്തിന് ശേഷം മാത്രമല്ല ശുദ്ധിക്രിയ നടത്തിയത് എന്നും വാര്‍ത്തകള്‍ പുറത്ത് വരുന്നുണ്ട്. ആര്‍എസ്എസ് നേതാവ് പതിനെട്ടാം പടി കയറിയതിന് ശേഷവും ശുദ്ധിക്രിയ നടത്തിയിട്ടുണ്ട് എന്നാണ് റിപ്പോര്‍ട്ട്.

നട അടച്ചില്ല

നട അടച്ചില്ല

തന്ത്രി നട അടച്ചിട്ട് ശുദ്ധിക്രിയ നടത്തി എന്ന വാര്‍ത്തിയും നിഷേധിക്കുന്ന റിപ്പോര്‍ട്ടുകളാണ് പുറത്ത് വരുന്നത്. നട അടയ്ക്കുകയല്ല ചെയ്തത്, വാതില്‍ പാതി ചാരി ബിംബശുദ്ധിയും പുണ്യാഹവും നടത്തുകയായിരുന്നു എന്നാണ് റിപ്പോര്‍ട്ട്. ഇക്കാര്യം തന്ത്രി ദേവസ്വം ബോര്‍ഡ് പ്രസിഡന്റിനെ അറിയിച്ചിരുന്നു എന്നും പറയുന്നുണ്ട്.

എന്തുകൊണ്ട് എതിര്‍ത്തില്ല

എന്തുകൊണ്ട് എതിര്‍ത്തില്ല

യുവതി പ്രവേശനത്തെ തുടര്‍ന്ന് ഭക്തര്‍ കടുത്ത പ്രതിഷേധത്തിലായിരുന്നു. സ്ഥിതിഗതികള്‍ കൂടുതല്‍ വഷളാകാതിരിക്കാന്‍ വേണ്ടിയാണ് ശുദ്ധിക്രിയയെ എതിര്‍ക്കാതിരുന്നത് എന്നാണ് എക്‌സിക്യൂട്ടീവ് ഓഫീസറും അഡ്മിനിസ്‌ട്രേറ്റീവ് ഓഫീസറും ദേവസ്വം ബോര്‍ഡിനെ അറിയിച്ചിട്ടുള്ളത്. ദേവസ്വം കമ്മീഷണര്‍ക്ക് നല്‍കിയ കത്തിലാണ് ഇക്കാര്യങ്ങള്‍ വ്യക്തമാക്കിയിരിക്കുന്നത്.

ദളിത് പ്രശ്‌നം

ദളിത് പ്രശ്‌നം

തന്ത്രി നട അടച്ച് ശുദ്ധിക്രിയ നടത്തിയത് ദളിത് സ്ത്രീ കയറിയതുകൊണ്ടാണെന്ന രീതിയിലും പ്രചാരണങ്ങള്‍ നടക്കുന്നുണ്ട്. സര്‍ക്കാരിന്റെ ഭാഗത്ത് നിന്ന് പോലും അത്തരം പ്രചാരണങ്ങളാണ് നടക്കുന്നത്. ഇതിനെ ചെറുക്കുന്നതാണ് ഇപ്പോള്‍ പുറത്ത് വന്ന വാര്‍ത്തകള്‍.

English summary
Sabarimala Controversy: More details abour Suddhikriya revealed
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X