ശബരിമലയില് പോകേണ്ടെന്ന് കെ സുരേന്ദ്രനോട് റാന്നി കോടതിയും! ഹരജി തള്ളി
ശബരിമലയില് പോകാന് അനുവദിക്കണമെന്നാവശ്യപ്പെട്ട് ബിജെപി ജനറല് സെക്രട്ടറി കെ സുരേന്ദ്രന് സമര്പ്പിച്ച ഹരജി റാന്നി കോടതി തള്ളി. ജാമ്യ വ്യവസ്ഥയില് ഇളവ് അനുവദിക്കണമെന്ന് ആവശ്യപ്പെട്ട് നല്കിയ ഹര്ജിയാണ് കോടതി തള്ളിയത്.
നേരത്തേ മകരവിളക്കിന് ശബരിമലയില് പോകാന് അനുവദിക്കണമെന്ന് ആവശ്യപ്പെട്ട് സുരേന്ദ്രന് ഹൈക്കോടതിയെ സമീപിച്ചിരുന്നു. എന്നാല് സംസ്ഥാന സര്ക്കാര് അഭിഭാഷകന് സുരേന്ദ്രനെ പ്രവേശിപ്പിക്കരുതെന്ന് കോടതിയെ അറിയിച്ചു. സുരേന്ദ്രനെ ശബരിമലയില് പ്രവേശിപ്പിക്കുന്നത് വീണ്ടും ക്രമസമാധാന പ്രശ്നങ്ങള്ക്ക് കാരണമാകുമെന്നും അഭിഭാഷകന് കോടതിയില് പറഞ്ഞു.
ഇതോടെ ഹൈക്കോടതി ഹരജി തള്ളി. എന്നാല് സുരേന്ദ്രന് റാന്നി കോടതിയെ സമീപിക്കാമെന്ന് കോടതി നിര്ദ്ദേശിച്ചു. എന്നാല് റാന്നി കോടതിയില് നിന്നും സുരേന്ദ്രന് അനുകൂല വിധി ഉണ്ടായില്ല. ബരിമല സന്നിധാനത്ത് പേരക്കുട്ടിയുടെ ചോറൂണിനായി എത്തിയ തൃശൂർ സ്വദേളിനിയായ ലളിതയെ വധിക്കുവാൻ ഗൂഡാലോചന നടത്തിയ കേസിലായിരുന്നു സുരേന്ദ്രനെ അറസ്റ്റ് ചെയ്തത്.കേസില് കര്ശന ഉപാധികളോടെയാണ് കോടതി സുരേന്ദ്രന് ജാമ്യം അനുവദിച്ചിരുന്നത്.