ഹിന്ദു ക്ഷേത്രങ്ങളില് നിന്ന് പുരാവസ്തുക്കള് മോഷ്ടിക്കുന്ന സംഘം; കത്ത് നല്കി രമേശ് ചെന്നിത്തല
കൊച്ചി: ശബരിമലയില് നടന്നത് വെറും സ്വര്ണ മോഷണം അല്ലെന്നും അന്താരാഷ്ട്ര കള്ളക്കടത്ത് സംഘങ്ങള്ക്ക് ബന്ധമുള്ള ഇടപാടാണ് എന്നും മുന് പ്രതിപക്ഷ നേതാവ് രമേശ് ചെന്നിത്തല. അദ്ദേഹം ഇത് സംബന്ധിച്ച സുപ്രധാന വിവരങ്ങള് അന്വേഷണ സംഘത്തെ അറിയിച്ചു. ഒരു വ്യക്തിയില് നിന്നാണ് വിവരങ്ങള് കിട്ടിയത്. വിശ്വസനീയമായ ചില വിവരങ്ങളാണ് ലഭിച്ചിരിക്കുന്നത് എന്നും ചെന്നിത്തല പറയുന്നു.
ശബരിമല സ്വര്ണക്കൊള്ളിയില് 500 കോടിയുടെ ഇടപാടാണ് നടന്നിരിക്കുന്നത്. തനിക്ക് വിവരം തന്ന വ്യക്തി പൊതുജന മധ്യത്തില് വിവരങ്ങള് വെളിപ്പെടുത്താന് ആഗ്രഹിക്കുന്നില്ല. എന്നാല് അന്വേഷണ സംഘത്തോട് കാര്യങ്ങള് പറയും. അന്വേഷണവുമായി സഹകരിക്കും. കോടതിയില് മൊഴി കൊടുക്കാനും തയ്യാറാണ് എന്നും രമേശ് ചെന്നിത്തല അറിയിച്ചു.
രമേശ് ചെന്നിത്തലയുടെ വാക്കുകള് ഇങ്ങനെ: ''ശബരിമലയില് നടന്നത് വെറുമൊരു സ്വര്ണമോഷണമല്ല. പുരാവസ്തുക്കള് കടത്തി അന്താരാഷ്ട്ര കരിഞ്ചന്തയില് ശതകോടികള്ക്കു വിറ്റഴിക്കുന്ന കള്ളക്കടത്ത് സംഘങ്ങള്ക്ക് ശബരിമല സ്വര്ണമോഷണക്കേസുമായി ബന്ധമുണ്ട്. ഇത് അന്വേഷിക്കണമെന്നാവശ്യപ്പെട്ട് പ്രത്യേകാന്വേഷണ സംഘത്തെ നയിക്കുന്ന എഡിജിപി വെങ്കടേഷിന് കത്തു നല്കി.
ഹിന്ദു ക്ഷേത്രങ്ങളില് നിന്ന് പുരാവസ്തുക്കള് മോഷ്ടിച്ചു കടത്തി രാജ്യാന്തര കരിഞ്ചന്തയില് കോടിക്കണക്കിന് രൂപയ്ക്കു വില്ക്കുന്ന ഒരു സംഘവുമായി ദേവസ്വം ബോര്ഡിലെ ചില ഉന്നതര്ക്ക് അടുത്ത ബന്ധമുണ്ടായിരുന്നതായി അറിവ് ലഭിച്ചിട്ടുള്ളതിന്റെ പശ്ചാത്തലത്തിലാണ് അന്വേഷണം ഈ വഴിക്കു കൂടി മുന്നോട്ടു കൊണ്ടുപോകണം എന്നാവശ്യപ്പെട്ടിരിക്കുന്നത്.
ഇത്തരം പൗരാണിക സാധനങ്ങള്, ദിവ്യവസ്തുക്കള് ഒക്കെ മോഷ്ടിച്ചു കടത്തി അന്താരാഷ്ട്ര കരിഞ്ചന്തയില് എത്തിക്കുന്നവരെക്കുറിച്ചു നേരിട്ടുള്ള അറിവുള്ള ഒരാളില് നിന്നു വിശ്വസനീയമായ ചില വിവരങ്ങളാണ് ലഭിച്ചിരിക്കുന്നത്. അദ്ദേഹത്തില് നിന്നു കിട്ടിയ വിവരങ്ങളുടെ അടിസ്ഥാനത്തില് ഏതാണ്ട് 500 കോടിക്കടുത്തുള്ള ഒരു ഇടപാടാണ് സ്വര്ണപ്പാളിയുടെ കാര്യത്തില് നടന്നിരിക്കുന്നത്. ഈ വിവരങ്ങളുടെ വിശ്വാസ്യത സ്വതന്ത്രമായി ഞാന് പരിശോധിക്കുകയും അതില് ചില യാഥാര്ഥ്യങ്ങളുണ്ടെന്നു മനസിലാക്കുകയും ചെയ്തതിന്റെ അടിസ്ഥാനത്തിലാണ് ഇപ്പോള് വിവരം പ്രത്യേകാന്വേഷണ സംഘത്തിന് കൈമാറുന്നത്.
ഈ വ്യക്തി വിവരങ്ങള് പൊതുജനമധ്യത്തില് വെളിപ്പെടുത്താന് തയ്യാറല്ല. എന്നാല് പ്രത്യേകാന്വേഷണ സംഘവുമായി സഹകരിക്കാന് തയ്യാറാണ് എന്ന് അറിയിച്ചിട്ടുണ്ട്. കോടതിയില് മൊഴി നല്കാനും തയ്യാറാണ്. ശബരിമല സ്വര്ണമോഷണം ഒരു സാധാരണ മോഷണമല്ല, മറിച്ച് അന്താരാഷ്ട്ര മാനങ്ങളുള്ള ഒന്നാണ്. ഇപ്പോള് അറസ്റ്റിലായിരിക്കുന്നവര് ഈ കേസിലെ സഹപ്രതികള് മാത്രമാണ്. ഇതിന്റെ മുഖ്യസംഘാടകര് ഇപ്പോഴും അന്വേഷണത്തിന്റെ പരിധിയില് ആയിട്ടില്ല.
ഈ കേസില് പ്രത്യേകാന്വേഷണ സംഘം ചോദ്യം ചെയ്ത ആഭരണവ്യാപാരി ഗോവര്ധന് വെറും ഇടനിലക്കാരന് മാത്രമാണ്. ശക്തമായ രാജ്യാന്തര ബന്ധങ്ങളും സാമ്പത്തിക സ്രോതസുമുള്ളവര് ഇതിനു പിന്നില് പ്രവര്ത്തിച്ചിട്ടുണ്ട്. അമേരിക്കയില് നിന്നുകൊണ്ട് പൗരാണിക വസ്തുക്കളുടെ രാജ്യാന്തര കരിഞ്ചന്തയ്ക്കു നേതൃത്വം നല്കിയിരുന്ന സുഭാഷ് കപൂര് സംഘത്തിന്റെ രീതികളുമായി ശബരിമല സ്വര്ണമോഷണ സംഘത്തിന്റെ രീതികള്ക്കു സാമ്യമുണ്ട് എന്ന ഹൈക്കോടതിയുടെ നിരീക്ഷണം അതീവ ഗൗരവത്തോടെ കാണണ്ട ഒന്നാണ്.
സംസ്ഥാനത്തിനകത്തു തന്നെ ചില വ്യവസായികളും ചില സംഘടിത റാക്കറ്റുകളും ഇതിന്റെ ഭാഗമാണ് എന്ന ഞെട്ടിക്കുന്ന വിവരവുമുണ്ട്. പ്രത്യേകാന്വേഷണ സംഘം വ്യാപകമായ അന്വേഷണം നടത്തിയിട്ടും ശബരിമലയില് നിന്നു നഷ്ടപ്പെട്ട സാധനസാമഗ്രികള് ഇതുവരെ കണ്ടെത്താനായില്ല എന്നത് ഈ വിഷയത്തിലെ രാജ്യാന്തര ബന്ധങ്ങളെ സൂചിപ്പിക്കുന്നു. ഈ സ്വര്ണമോഷണവുമായി ബന്ധപ്പെട്ട വിശാലമായ ഗൂഢാലോചനയും അന്താരാഷ്ട്ര മാഫിയാ ബന്ധങ്ങളും അന്വേഷിക്കാന് പ്രത്യേകാന്വേഷണ സംഘം തയ്യാറാണെങ്കില് കൂടുതല് വിവരങ്ങള് നല്കാന് എനിക്കു സാധിക്കും.''
-
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
സ്വർണം കളി തുടങ്ങിയിട്ടേ ഉള്ളൂ: ഇതുവരെ കൂടിയതൊന്നുമല്ല...പണി തരുന്നത് കേന്ദ്രബാങ്കുകൾ -
സ്വർണം പവന് 2 ലക്ഷത്തിന് മുകളിലേക്ക്; 2026ൽ എങ്ങനെ നിക്ഷേപിക്കണം? മികച്ച മാർഗങ്ങൾ ഇതാ -
സ്വർണം ഇപ്പോൾ വാങ്ങണോ അതോ വിഷക്കണോ; സ്ത്രീകൾ എങ്ങനെ നിക്ഷേപിക്കണം? വിദഗ്ധ ഉപദേശം ഇങ്ങനെ -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
വെള്ളിയുടെ കഥകഴിഞ്ഞോ? യുദ്ധത്തിലും താഴേക്ക് വീണ് വെള്ളി വില, ഒരാഴ്ച കൊണ്ട് ഇടിഞ്ഞത് 5000 രൂപ! -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ചൈന പിന്നോട്ടില്ല... അതേ തന്ത്രം! തുടര്ച്ചയായ 16-ാം മാസവും സ്വര്ണം വാങ്ങിക്കൂട്ടി -
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു?
Click it and Unblock the Notifications
Sign in with Google