ശബരിമല വിമാനത്താവളം: ഇത്ര ഭൂമി ഏറ്റെടുക്കുന്നതെന്തിന്? വിജ്ഞാപനം റദ്ദാക്കി ഹൈക്കോടതി
കൊച്ചി: ശബരിമല ഗ്രീന്ഫീല്ഡ് വിമാനത്താവളത്തിനായുള്ള ഭൂമി ഏറ്റെടുക്കല് വിജ്ഞാപനം റദ്ദാക്കി ഹൈക്കോടതി. പദ്ധതിക്ക് ആവശ്യമായ ഏറ്റവും കുറഞ്ഞ ഭൂമി നിശ്ചയിക്കുന്നതില് സര്ക്കാര് പരാജയപ്പെട്ടെന്ന് ചൂണ്ടിക്കാട്ടിയാണ് ഹൈക്കോടതി നടപടി. സംസ്ഥാന സര്ക്കാരിനെ സംബന്ധിച്ചിടത്തോളം വലിയ തിരിച്ചടിയാണ് ഹൈക്കോടതി നടപടി. ജസ്റ്റിസ് സി. ജയചന്ദ്രന് അധ്യക്ഷനായ സിംഗിള് ബെഞ്ചാണ് വിജ്ഞാപനം റദ്ദാക്കിയത്.
ഗോസ്പല് ഏഷ്യ എന്ന സംഘടനയാണ് ഭൂമി ഏറ്റെടുക്കല് വിജ്ഞാപനത്തിനെതിരെ ഹൈക്കോടതിയെ സമീപിച്ചത്. ശബരിമല തീര്ഥാടകര്ക്ക് വേണ്ടി ഒരു പുതിയ വിമാനത്താവളം നിര്മിക്കുന്നതിനായി പത്തനംതിട്ട ജില്ലയിലെ ചെറുവള്ളി എസ്റ്റേറ്റ് ഏറ്റെടുക്കാനാണ് സര്ക്കാരിന്റെ പദ്ധതി. 2013 ലെ ഭൂമി ഏറ്റെടുക്കല് നിയമത്തിന്റെ കീഴിലാണ് ഭൂമി ഏറ്റെടുക്കുക. ശബരിമല ഗ്രീന്ഫീല്ഡ് വിമാനത്താവളത്തിനായി ആകെ 2570 ഏക്കര് ഭൂമി ഏറ്റെടുക്കാനായിരുന്നു തീരുമാനം.
ഇതിന് വേണ്ട വിജ്ഞാപനമായിരുന്നു ഇറക്കിയത്. എന്നാല് എയര്പോര്ട്ട് അതോറിറ്റി ഓഫ് ഇന്ത്യയുടെ കണക്ക് അനുസരിച്ച് വലിയ വിമാനങ്ങള് ഇറങ്ങുന്ന വിമാനത്താവളങ്ങള്ക്ക് പോലും 1200 ഏക്കര് മതിയാകും എന്ന് ചൂണ്ടിക്കാട്ടിയാണ് ഹൈക്കോടതി വിജ്ഞാപനം റദ്ദാക്കിയത്. എന്തിനാണ് ഇത്രയധികം ഭൂമി ഏറ്റെടുക്കുന്നതെന്ന് വ്യക്തമാക്കുന്നതില് സോഷ്യല് ഇംപാക്ട് അസസ്മെന്റ് യൂണിറ്റും എക്സ്പേര്ട്ട് കമ്മിറ്റിയും സര്ക്കാരും പരാജയപ്പെട്ടെന്ന് കോടതി പറഞ്ഞു.
എന്നാല് ഭാവിയിലെ വികസനം മുന്നില്ക്കണ്ടാണ് ഇത്രയും ഭൂമി ഏറ്റെടുക്കുന്നത് എന്ന് സര്ക്കാര് വാദിച്ചു. എന്നാല് കോടതി ഈ വാദം അംഗീകരിച്ചില്ല. 2570 ഏക്കര് ഭൂമി ഏറ്റെടുക്കുന്നത് അത്യാവശ്യമാണോ എന്ന് ശാസ്ത്രീയമായി തെളിയിക്കാന് സര്ക്കാരിന് സാധിച്ചില്ല എന്ന് കോടതി പറഞ്ഞു. എന്തൊക്കെ വികസനമാണ് ഉദ്ദേശിക്കുന്നതെന്നോ അതിനു എത്ര ഭൂമി വേണമെന്നോ റിപ്പോര്ട്ടുകളില് കൃത്യമായി പറഞ്ഞിട്ടില്ല.
പുതിയ സാമൂഹിക ആഘാത പഠനം നടത്തണം എന്നും വിമാനത്താവളത്തിന് ആവശ്യമായ ഏറ്റവും കുറഞ്ഞ ഭൂമി കണ്ടെത്താനും കോടതി സര്ക്കാരിനെ നിര്ദേശിച്ചു. പഠനസംഘത്തില് വിമാനത്താവളം, ഡാം തുടങ്ങിയ സാങ്കേതിക പദ്ധതികളെക്കുറിച്ച് അറിവുള്ള വിദഗ്ധരെ ഉള്പ്പെടുത്തണമെന്നും കോടതി ഉത്തരവില് പറയുന്നു.
വിപുലീകരണത്തിന് അനന്തമായ സാധ്യതകളുള്ള ഒരു ടേബിള് ടോപ്പ് പീഠഭൂമി വിമാനത്താവളമാണ് വിഭാവനം ചെയ്യുന്നത്. ഈ പ്രദേശത്തെ ഉറച്ച മണ്ണും ഭൂപ്രകൃതിപരമായ അനുകൂല ഘടകങ്ങളും വിമാനത്താവളത്തിന് കുറഞ്ഞ മൂലധനവും പരിപാലനച്ചെലവും മതിയാകുമെന്ന വിലയിരുത്തലിലാണ് സര്ക്കാര്. ശബരിമലക്ഷേത്രത്തിലേക്ക് നിര്ദ്ദിഷ്ട വിമാനത്താവള പരിസരത്ത് നിന്ന് ഏകദേശം 48 കിമീ ആണ് ദൂരം.
കമ്മീഷന് ചെയ്തു കഴിഞ്ഞാല് തിരുവനന്തപുരം അന്താരാഷ്ട്ര വിമാനത്താവളം, കോഴിക്കോട് അന്താരാഷ്ട്ര വിമാനത്താവളം, കൊച്ചി അന്താരാഷ്ട്ര വിമാനത്താവളം, കണ്ണൂര് അന്താരാഷ്ട്ര വിമാനത്താവളം എന്നിവയ്ക്കു ശേഷം കേരളത്തിലെ അഞ്ചാമത്തെ അന്താരാഷ്ട്ര വിമാനത്താവളമായി മാറും. 2017 ജൂണ് 19 നാണ് സര്ക്കാര് പദ്ധതിക്ക് അംഗീകാരം നല്കിയത്. വിമാനത്താവളത്തിന്റെ വിശദപദ്ധതിരേഖ 2025 ജൂലൈയില് കേന്ദ്രസര്ക്കാരിന് സമര്പ്പിച്ചു.
-
ബെംഗളൂരു യാത്രക്കാരുടെ ശ്രദ്ധയ്ക്ക്;പീനിയ ഫ്ലൈ ഓവർ 4 ദിവസത്തേക്ക് അടച്ചിടും..ഏത് വഴി പോകണം? അറിയാം -
'അതൊരു തീക്കളിയാണ്, അങ്ങനെയായിരുന്നെങ്കിൽ ഞാൻ കാവ്യയെ വിവാഹം കഴിക്കില്ലാർന്നു';ദിലീപ് -
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
യുഡിഎഫിന് 102 സീറ്റ് വരെ പ്രവചനം; പിന്നാലെ തെറിവിളി..ആ പറയുന്നത് പച്ചക്കള്ളമെന്ന് സിപി റാഷിദ്,വിശദീകരണം -
മഞ്ജുവിനും എനിക്കും ഇടയിൽ സംഭവിച്ചത്..അതിന് സാക്ഷികളും തെളിവുകളും ഉണ്ട്..'; ദിലീപ് പറഞ്ഞത് -
എല്ലാ മലയാള നടന്മാരും 100 കോടി അടിച്ചു, മമ്മൂട്ടി ഒഴികെ... മമ്മൂട്ടിക്ക് ബോക്സ് ഓഫീസ് പവർ ഇല്ലേ? കുറിപ്പ് വൈറൽ -
ഗള്ഫില് ട്വിസ്റ്റ്? ചര്ച്ചകള്ക്കിടെ പാകിസ്താന് പട്ടാളം സൗദി അറേബ്യയില്, യുദ്ധ വിമാനങ്ങളും -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
മമ്മൂട്ടിയുടെ ഡ്രസിന് വില കൂടുതലെന്ന്, ഇതോടെ മമ്മൂട്ടി അയാളെ ഇനി സെറ്റിൽ കാണരുതെന്ന് ഓഡറിട്ടു';ശാന്തിവിള -
രേണു സുധിക്ക് ഇന്സ്റ്റഗ്രാം സബ്സ്ക്രിപ്ഷന് വഴി ഒരു മാസം ലഭിക്കുന്നത് ലക്ഷങ്ങൾ! അന്ന രാജനും അലനും അതേ വഴിയേ -
'ലിപ് ലോക്ക് ചെയ്യണം.. ഇന്റിമേറ്റ് സീനെടുത്ത് അശ്ലീലസൈറ്റിലിടാനായിരുന്നു ഉദ്ദേശ്യം'; വിപിനെതിരെ രേണു
Click it and Unblock the Notifications
Sign in with Google