Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പ്രതിഷേധക്കാര്‍ ചീറിയടുത്തു; യുവതികളും പോലീസും പിന്തിരിഞ്ഞോടി!! ശബരിമലയില്‍ നാടകീയ രംഗങ്ങള്‍
Recommended Video
പമ്പ: പ്രതിഷേധക്കാരെ അറസ്റ്റ് ചെയ്തുനീക്കി തമിഴ്‌നാട്ടില്‍ നിന്നുള്ള മനിതി സംഘത്തെ സന്നിധാനത്തെത്തിക്കാനുള്ള പോലീസ് നീക്കം പാളി. അറസ്റ്റിന് പോലീസ് നീക്കം നടത്തിയതോടെ കൂടുതല്‍ പ്രതിഷേധക്കാര്‍ എത്തി. അറസ്റ്റിന് തൊട്ടുപിന്നാലെ യുവതികളുമായി സന്നിധാനത്തേക്ക് പോകാന്‍ പോലീസ് നടപടിയാരംഭിച്ചു. എന്നാല്‍ ഈ സമയം കൂടുതല്‍ പ്രതിഷേധക്കാര്‍ എത്തിയതോടെ പോലീസ് നീക്കം പൊളിയുകയായിരുന്നു.
പോലീസും യുവതികളും പിന്തിരിഞ്ഞു ഓടുന്ന കാഴ്ചയാണ് പിന്നീട് കണ്ടത്. പോലീസും യുവതികളും ഓടി ഗാര്‍ഡ് റൂമില്‍ കയറി. പ്രതിഷേധക്കാര്‍ ഈ സമയം കൂകിവിളിച്ചു. പോലീസും പ്രതിഷേധക്കാരും തമ്മില്‍ ഉന്തും തള്ളുമുണ്ടായി. എണ്ണത്തില്‍ വളരെ കുറവായിരുന്നു പോലീസുകാര്‍. നാടകീയ രംഗങ്ങള്‍ക്കാണ് പമ്പ സാക്ഷിയായത്...
പോലീസിന്റെ വീഴ്ച
പോലീസിന്റെ ഭാഗത്തുനിന്നുണ്ടായ വീഴ്ചയാണ് ഇന്ന് ശബരിമലയില്‍ പ്രകടമായത്. ഇത്രയും വിവാദങ്ങളുണ്ടായിട്ടും കൂടുതല്‍ പോലീസിനെ വിന്യസിച്ചിരുന്നില്ല. സംഘര്‍ഷാവസ്ഥ നേരത്തെ നിലനിന്നിരുന്നു. എന്നാല്‍ പമ്പയില്‍ പ്രതിഷേധക്കാരെ നേരിടാന്‍ ആകെ ഉണ്ടായിരുന്നത് 50ഓളം പോലീസുകാര്‍ മാത്രം.
സംഭവിച്ചത് ഇതാണ്
പുലര്‍ച്ചെയാണ് തമിഴ്‌നാട്ടില്‍ നിന്നുള്ള മനിതി സംഘം എത്തിയത്. 11 യുവതികളാണ് സംഘത്തിലുണ്ടായിരുന്നത്. ഇവരെ പ്രതിഷേധക്കാര്‍ പുലര്‍ച്ചെ തന്നെ തടഞ്ഞു. പകല്‍ പന്ത്രണ്ട് മണിവരെ ഇവരെ തടഞ്ഞുവച്ചു. പ്രതിഷേധക്കാര്‍ എണ്ണം കൂടി വന്നു.
അറസ്റ്റ് ചെയ്യുമെന്ന് മുന്നറിയിപ്പ്
ഈ സമയം പ്രതിഷേധക്കാരോട് പിരിഞ്ഞുപോവാന്‍ പോലീസ് ആവശ്യപ്പെട്ടു. നിരോധനാജ്ഞ നിലനില്‍ക്കുന്ന സ്ഥലമാണിതെന്ന് പോലീസ് ഓര്‍മിപ്പിച്ചു. പിരിഞ്ഞുപോയില്ലെങ്കില്‍ അറസ്റ്റ് ചെയ്തു നീക്കുമെന്നും പോലീസ് അറിയിച്ചു. എന്നാല്‍ പ്രതിഷേധത്തിന് ശക്തി കൂടുകയാണ് ചെയ്തത്.
നടപടി തുടങ്ങി
പ്രതിഷേധക്കാരെ അറസ്റ്റ് ചെയ്യാന്‍ പോലീസ് ആരംഭിച്ചത് 11.30ഓടെയാണ്. ഇതോടെയാണ് സാഹചര്യം കൂടുതല്‍ വഷളായത്. പോലീസുകാര്‍ എണ്ണത്തില്‍ കുറവായിരുന്നു. അറസ്റ്റ് തുടങ്ങിയതോടെ ബഹളമായി. രണ്ട് ജീപ്പുകളില്‍ പ്രതിഷേധക്കാരെ അറസ്റ്റ് ചെയ്തു കൊണ്ടുപോയി.
പോലീസും യുവതികളും ഓടി
ഈ വേളയില്‍ തന്നെ മനിതി സംഘവുമായി സന്നിധാനത്തേക്ക് തിരിക്കാന്‍ പോലീസ് ശ്രമം തുടങ്ങി. എന്നാല്‍ കൂടുതല്‍ പ്രതിഷേധക്കാര്‍ ചീറി അടുക്കുകയായിരുന്നു. ബഹളമുണ്ടാക്കി ഇവര്‍ എത്തിയതോടെ പോലീസും മനിതി സംഘത്തിലെ യുവതികളും പിന്തിരിഞ്ഞ് ഓടി.
മനിതി സംഘം പറയുന്നത്
പോലീസും യുവതികളും ഓടി പമ്പയിലെ ഗാര്‍ഡ് റൂമില്‍ കയറുകയായിരുന്നു. മനിതി സംഘവുമായി പോലീസ് ചര്‍ച്ച നടത്തി. സുരക്ഷ നല്‍കാന്‍ സാധിക്കില്ലെന്ന് പോലീസ് ഔദ്യോഗികമായി അറിയിച്ചാല്‍ തങ്ങള്‍ തിരിഞ്ഞുപോകാമെന്ന് മനിതി അറിയിച്ചു.
ഇതുവരെ ഉണ്ടായിട്ടില്ല
ശബരിമല വിഷയത്തില്‍ ഇതുവരെ ഉണ്ടായിട്ടില്ലാത്ത സംഭവങ്ങള്‍ക്കാണ് ഇന്ന് പ്രദേശം സാക്ഷ്യം വഹിച്ചത്. പോലീസും പ്രതിഷേധക്കാരും തമ്മില്‍ ഉന്തും തള്ളുമുണ്ടായി. ഇത്രയൊക്കെ ആയിട്ടും ഉന്നത പോലീസ് ഉദ്യോഗസ്ഥര്‍ സംഭവസ്ഥലത്തെത്താതിരുന്നത് വിവാദമായിട്ടുണ്ട്.
കൂടുതല്‍ സ്ത്രീകള്‍ വരുന്നു
അതേസമയം, ദളിത് ആക്ടിവിസ്റ്റ് അമ്മിണി ശബരിമലയിലേക്ക് പുറപ്പെട്ടിട്ടുണ്ട്. അവര്‍ എരുമേലി പിന്നിട്ടു. ദര്‍ശനം നടത്തുമെന്നാണ് അവര്‍ പറയുന്നത്. മനിതി സംഘത്തിന് ഒപ്പം ചേരുമെന്ന് നേരത്തെ അമ്മിണി പറഞ്ഞിരുന്നു. കൂടുതല്‍ വനിതകള്‍ സംഘത്തില്‍ ചേരുമെന്നാണ് വിവരം.
