ശബരിമല തന്ത്രി കണ്ഠരര് മഹേശ്വരര്‍ക്ക് മര്‍ദ്ദനമേറ്റു?

ചെങ്ങന്നൂര്‍: ശബരിമല മേല്‍ശാന്തി കണ്ഠരര് മഹേശ്വരര്‍ക്ക് കൊച്ചു മകന്റെ മര്‍ദ്ദനമേറ്റതായി റിപ്പോര്‍ട്ട്. മര്‍ദ്ദനത്തില്‍ പരിക്കേറ്റ തന്ത്രിയെ ചെങ്ങന്നൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.ചെറുമകനായ മഹേഷ് മോഹന്‍ ആണ് മര്‍ദ്ദിച്ചതെന്ന് തന്ത്രി പൊലീസിനോട് പറഞ്ഞു. ജനം ടിവിയാണ് ഇക്കാര്യം റിപ്പോര്‍ട്ട് ചെയ്യുന്നത്.

മര്‍ദ്ദനമേറ്റ വിവരം തന്ത്രിയും കുടുംബവും രഹസ്യമാക്കി വയ്ക്കുകയായിരുന്നു. നവംബര്‍ 17 ന് ഉച്ചയോടെയാണ് മഹേശ്വരര്‍ക്കും ഭാര്യയ്ക്കും മഹേഷിന്‍റെ മര്‍ദ്ദനമേറ്റത്. മണ്ഡലകാലത്തിനായി ശബരിമല നട തുറന്ന ദിവസമായിരുന്നു സംഭവം. ഉച്ചയോടെയാണ് ഇരുവരെയും വീട്ടില്‍ വച്ച് മര്‍ദ്ദിച്ചത്.

സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും മര്‍ദ്ദനമേറ്റ വിവരം പുറത്തു പറയാന്‍ ആദ്യം ഇവര്‍ തയ്യാറായിരുന്നില്ല. മര്‍ദ്ദിയ്ക്കുന്നത് ചിലര്‍ കൂടി കണ്ടതിനെത്തുടര്‍ന്നാണ് സംഭവം പുറത്തറിയുന്നത്. മര്‍ദ്ദന കാരണം വ്യക്തമല്ല. ഊഴമനുസരിച്ച് ഇപ്പോള്‍ തന്ത്രി കണ്ഠരര് രാജീവരാണ് ശബരിമലതന്ത്രിയുടെ ചുമതല നിര്‍വഹിയ്ക്കുന്നത്. കൂടുതല്‍ വിവരങ്ങള്‍ ലഭ്യമല്ല.

English summary

Sabarimala Thanthri beaten up by his Grandchild