തൃപ്തി ദേശായ് മടങ്ങുന്നു...... ഇന്ന് തന്നെ മടങ്ങുമെന്ന് പോലീസിനെ അറിയിച്ചു

നെടുമ്പാശ്ശേരി: ശബരിമല ദർശനത്തിനായി കൊച്ചി വിമാനത്താവളത്തിലെത്തിയ ഭൂമാത ബ്രിഗേഡ് നേതാവ് തൃപ്തി ദേശായിക്കും ആറംഘ സംഘത്തിനും നേരെ വൻ പ്രതിഷേധം. പ്രതിഷേധങ്ങളെ തുടർന്ന് ഇവർക്ക് വിമാന്തതാവളത്തിന് പുറത്തിറങ്ങാൻ സാധിച്ചിട്ടില്ല. നൂറുകണക്കിനാളുകളാണ് നാമജപപ്രതിഷേധവുമായി തടിച്ചു കൂടിയിരിക്കുന്നത്. പുലർച്ചെ 4.45 ഓടെയാണ് തൃപ്തി ദേശായിയും സംഘവും വിമാനത്താവളത്തിൽ എത്തിച്ചേർന്നത്.

പുലർച്ചെ തന്നെ പ്രതിഷേധക്കാരും വിമാനത്താവളത്തിന് മുമ്പിൽ തമ്പടിച്ചിരുന്നു. തൃപ്തി ദേശായിക്കും സംഘത്തിനും വാഹനസൗകര്യം നൽകാനാവില്ലെന്ന് എയർ പോർട്ട് പ്രീപെയ്ഡ് ടാക്സിക്കാരും നിലപാടെടുത്തു. ഓൺലൈൻ ടാക്സിക്കാരും പ്രതിഷേധം ഭയന്ന് വിസമ്മതിക്കുകയായിരുന്നു. പോലീസ് വാഹത്തിൽ തൃപ്തി ദേശായി കൊണ്ടുപോകാൻ ശ്രമം നടത്തിയാൽ ഇവരെ തടയുമെന്ന് പ്രതിഷേധക്കാർ മുന്നറിയിപ്പ് നൽകുന്നു.

English summary

protest against trupthi desai at sabarimaala temple