ശബരിമല വിധി: പുനഃപരിശോധന ഹര്ജികളില് അയ്യപ്പന്റെ യുക്തിപ്രകാരം വിധിവരുമെന്ന് നിയുക്ത മേല്ശാന്തി
പത്തനംതിട്ട: പുനഃപരിശോധനാ ഹര്ജികളില് അയ്യപ്പന്റെ യുക്തപ്രകാരം വിധിവരുമെന്ന് ശബരിമല നിയുക്ത മേല്ശാന്തി സുധീര് നമ്പൂതിരി. പൂജമാത്രമാണ് തന്റെ നിയോഗം. എല്ലാം അയ്യപ്പനില് സമര്പ്പിക്കുന്നു. ഭക്തിനിര്ഭരമായ തീര്ത്ഥാനകാലം പ്രതീക്ഷിക്കുന്നുവെന്നും അദ്ദേഹം പറഞ്ഞു. മനോര ന്യൂസ് ചാനലിന് അനുവദിച്ച അഭിമുഖത്തില് സംസാരിക്കുകയായിരുന്നു സുധീര് നമ്പൂതിരി.
അതേസമയം, ശബരിമലയില് സ്ത്രീപ്രവേശനം അനുവദിച്ചുകൊണ്ടുള്ള ഉത്തരവിന് എതിരായി സമര്പ്പിക്കപ്പെട്ട പുനഃപരിശോധനാ ഹര്ജികളില് സുപ്രീംകോടതിയുടെ ഭരണഘടനാ ബെഞ്ച് ഉടന് വിധി പറയും. രാവിലെ 10.30 നാണ് ചീഫ് ജസ്റ്റിസ് രഞ്ജന് ഗൊഗോയിയുടെ അധ്യക്ഷതയിലുള്ള ബെഞ്ച് വിധി പറയുന്നത്.
56 പുനഃപരിശോധന ഹര്ജികളാണ് കോടതിക്ക് മുമ്പാകെയുള്ളത്. അഞ്ചംഗ ഭരണഘടനാ ബെഞ്ചിന്റെ വിധി അംഗീകരിച്ചുകൊണ്ട് ഹര്ജികള് തള്ളണോ അതോ വിശാല ബെഞ്ചിന് പുനഃപരിശോധനയ്ക്ക് വിടണോ എന്ന കാര്യത്തിലാണ് സുപ്രീംകോടതി തീരുമാനം എടുക്കുക.
Click it and Unblock the Notifications
Sign in with Google