Click it and Unblock the Notifications
Just In
Don't Miss
-
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
IPL 2024: പാണ്ഡ്യ എങ്ങനെ ക്യാപ്റ്റനായെന്ന് നമ്മള് മറക്കില്ല, അവന്റെ കുഞ്ഞിനോടും പറയും; ആരാധകര്ക്കെതിരെ അക്രം -
ഇത് സത്യമോ?, ദിലീപ് ബിഗ് ബോസ് ഹൗസിലേക്ക് എത്തുന്നു, ലാലിന് പുറമെ മറ്റൊരു താരം ഹൗസിലെത്തുന്നത് ആദ്യം! -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ശബരിമല കത്തുന്നു!!പമ്പയിലും നിലയ്ക്കലും എത്തി പ്രതിഷേധിക്കാന്‍ സിനിമാ താരങ്ങളും
ശബരിമലയില്‍ എല്ലാപ്രായത്തിലുള്ള സ്ത്രീകള്‍ക്കും പ്രവേശിക്കാമെന്ന സുപ്രീം കോടതി വിധിക്കെതിരെ പ്രതിഷേധം തുടരുന്നു. തുല്യ സ്വാതന്ത്ര്യവും അവസരവും ഉറപ്പ് വരുത്തുകയാണ് സര്‍ക്കാര്‍ നയമെന്ന് മുഖ്യമന്ത്രി ആവര്‍ത്തിക്കുമ്പോഴും ആചാരങ്ങള്‍ സംരക്ഷിക്കാന്‍ പ്രതിഷേധങ്ങള്‍ ഇനിയും കടുപ്പിക്കുമെന്ന മുന്നറിയിപ്പാണ് പ്രതിഷേധകര്‍ നല്‍കുന്നത്.
സ്ത്രീകളെ പ്രവേശിപ്പിക്കാതിരിക്കാന്‍ ഇപ്പോള്‍ ഹൈന്ദവ സംഘടനകളുടെ നേതൃത്വത്തില്‍ നിലയ്ക്കലില്‍ ശബരിമല ആചാര സംരക്ഷണ സമിതിയുടെ നേതൃത്വത്തില്‍ പര്‍ണശാല കെട്ടി ശരണ മന്ത്ര കൂട്ടായ്മ നടത്തുകയാണ്. ഇവിടേയ്ക്ക് നിരവധി വിശ്വാസികള്‍ വന്നുകൊണ്ടിരിക്കുകയാണ്. സിനിമാ താരങ്ങള്‍ ഉള്‍പ്പെടെ പ്രതിഷേധത്തിനായി ഇവിടെ അണിനിരക്കുമെന്നാണ് വിവരം. കൂടുതല്‍ വിവരങ്ങള്‍ ഇങ്ങനെ
പര്‍ണാശല കെട്ടി പ്രതിഷേധം
പമ്പയിലും നിലയ്ക്കലും കൂടുതല്‍ പര്‍ണശാല കെട്ടി പ്രതിഷേധം ശക്തമാക്കാനാണ് ശരണമന്ത്ര കൂട്ടായ്മയുടെ തിരുമാനം. കോടതി ഉത്തരവ് പുനപരിശോധിക്കും വരെ രാപകല്‍ നാമജപ ആഘോഷം നടത്തി പ്രതിഷേധിക്കുമെന്ന് ഇവര്‍ വ്യക്തമാക്കുന്നു.
തടയും
ആചാരം ലംഘിച്ച് യുവതികള്‍ മലയില്‍ എത്തിയാല്‍ നിലയ്ക്കലില്‍ വെച്ച് തടയുമെന്നും ഇവര്‍ ഭീഷണി മുഴക്കുന്നത്. 50 വയസിന് താഴെയുള്ള സ്ത്രീകളേയും വനിതാ പോലീസുകാരേയും മലയിലേക്ക് പ്രവേശിപ്പിക്കില്ലെന്നാണ് നിലയ്ക്കലില്‍ സമരപന്തലില്‍ ഇരിക്കുന്നവരുടെ ഭീഷണി.
തുലാമാസ പൂജയ്ക്ക്
തുലാമാസ പൂജകള്‍ക്കായി ഈ മാസം 17 നാണ് ശബരിമല നട തുറക്കുക. 14,15 ദിവസങ്ങളില്‍ ഇവിടെ വനിതാ പോലീസിനെ വിന്യസിക്കാനാണ് സര്‍ക്കാര്‍ തിരുമാനം. എന്നാല്‍ അങ്ങനെയൊരു നീക്കമുണ്ടായാല്‍ പ്രതിഷേധം കത്തിപടരുമെന്ന് ശബരിമല ആചാര സംരക്ഷണ സമിതി മുന്നറിയിപ്പ് നല്‍കുന്നുണ്ട്.
പ്രതിസന്ധി
അതേസമയം പ്രതിഷേധം കടുക്കുകയാണെങ്കില്‍ വനിതാ പോലീസുകാരെ നിയോഗിക്കാനുള്ള നീക്കം സര്‍ക്കാര്‍ ഉപേക്ഷിച്ചേക്കും. എങ്കിലും അടിയന്തര സാഹചര്യം നേരിടാന്‍ അറുപത് അംഗ വനിതാ പോലീസുകാരെ വിന്യസിക്കാന്‍ സുസജ്ജമാക്കും.സന്നിദാനത്ത് സ്ത്രീകളായ വനിതാ പോലീസുകാരെ വിന്യസിക്കുന്നത് തന്ത്രി ഉള്‍പ്പെടെയുള്ളവര്‍ എതിര്‍ത്തിരുന്നു.
നിരോധനാജ്ഞ?
സമരപന്തലിലേക്ക് അയ്യപ്പ ഭക്തരായ പ്രതിഷേധക്കാര്‍ കൂടുതലായി എത്തി തുടങ്ങിയതോടെ ഇവരെ എങ്ങനെ നേരിടുമെന്ന ആശങ്കയിലാണ് പോലീസ്. ഇവരെ നേരിടാന്‍ പമ്പയിലും നിലയ്ക്കലും നിരോധനാജ്ഞ പ്രഖ്യാപിച്ചേക്കാന്‍ സാധ്യത ഉണ്ടെന്ന് കേരള കൗമുദി റിപ്പോര്‍ട്ട് ചെയ്തു. ഇരുമുടിക്കെട്ടുമായി വരുന്ന സമരക്കാരായ ഭക്തരെ എങ്ങനെ നേരിടുമെന്ന ആശങ്കയും പോലീസിനുണ്ട്.
സിനിമാ താരങ്ങള്‍
ചെങ്ങന്നൂരില്‍ നിന്ന് അടുത്ത ദിവസം ആരംഭിക്കുന്ന ശബരിമല സംരക്ഷണ യാത്രയില്‍ സിനിമാ താരങ്ങളും പങ്കെടുക്കുമെന്നാണ് വിവരം. തന്ത്രി കുടുംബവും പന്തളം രാജകുടുംബവും ചെങ്ങന്നൂരില്‍ നിന്ന് നിലയ്ക്കലിലേക്ക് നടക്കുന്ന യാത്രയിലാണ് സിനിമാ താരങ്ങള്‍ പങ്കെടുക്കുക.
വിധിക്കെതിരെ
നടന്‍ ദേവന്‍, കൊല്ലം തുളസി, ശ്രീ അയ്യപ്പന്‍ സീരിയലിനായി വേഷമിട്ട കൗശിക് ബാബു , സിനിമാ സീരിയല്‍ രംഗത്തെ പ്രമുഖര്‍ എന്നിവരും പ്രതിഷേധ യാത്രയില്‍ പങ്കെടുക്കും. നേരത്തേ നടിമാരായ ഭാമ, നവ്യാ നായര്‍ എന്നിവര്‍ സുപ്രീം കോടതി വിധിക്കെതിരെ രംഗത്ത് വന്നിരുന്നു.
പ്രതിഷേധിക്കും
എന്നാല്‍ ഏതൊക്കെ താരങ്ങള്‍ പ്രതിഷേധത്തില്‍ പങ്കെടുക്കുമെന്ന കാര്യത്തില്‍ പൂര്‍ണ വിവരങ്ങള്‍ ലഭിച്ചിട്ടില്ല. അതേസമയം മുതിര്‍ന്ന കോണ്‍ഗ്രസ് നേതാക്കളും പ്രതിഷേധത്തിന്‍റെ ഭാഗമാകുമെന്നാണ് വിവരം.
Recommended Video
സിപിഎം നേതാക്കള്‍
ഇതിനിടെ സിപിഎം നേതാക്കള്‍ വിധിക്കെതിരെ രംഗത്ത് എത്തിയിട്ടുണ്ട്. സര്‍ക്കാര്‍ നിലപാടിനെതിരെ നേതാക്കള്‍ പരസ്യമായി തന്നെ എതിര്‍പ്പ് പ്രകടിപ്പിച്ച് കഴിഞ്ഞു. ഇതിൽ പാർട്ടി അംഗമായ തിരക്കഥാകൃത്തും ഇടതുപക്ഷ സ്വതന്ത്രരായി ജയിച്ച പത്തനംതിട്ട, ആലപ്പുഴ ജില്ലകളിലെ ത്രിതല പഞ്ചായത്ത് അംഗങ്ങളും ഉൾപ്പെടുന്നുണ്ടെന്ന് കേരള കൗമുദി റിപ്പോര്‍ട്ട് ചെയ്തു.
എന്‍എസ്എസും
അതിനിടെ വിധിയില്‍ എന്‍എസ്എസ് സുപ്രീം കോടതിയില്‍ റിവ്യൂ ഹര്‍ജി നല്‍കി. ഭരണഘടനാ ബെഞ്ചിന്റെ വിധിയില്‍ ഗുരുതരമായ പിഴവുണ്ടെന്നും അയ്യപ്പന്‍ നൈഷ്ടിക ബ്രഹ്മചാരിയാണ് എന്നതിന് തെളിവുണ്ടെന്നും ചൂണ്ടിക്കാട്ടിയാണ് ഹര്‍ജി നല്‍കിയിരിക്കുന്നത്.
തന്ത്രി കുടുംബവും
വിധിക്കെതിരെ റിവ്യൂ ഹര്‍ജി നല്‍കുമെന്ന് തന്ത്രി കുടുംബം വ്യക്തമാക്കിയിട്ടുണ്ട്. വിധിയിലെ ആചാരങ്ങളെ ബാധിക്കുന്ന ഭാഗങ്ങള്‍ റദ്ദ് ചെയ്യണമെന്ന് ഹര്‍ജിയില്‍ ആവശ്യപ്പെടും. ഒന്നാം തീയതിക്ക് മുന്‍പായി കോടതിയെ സമീപിക്കുമെന്നും തന്ത്രി കുടുംബം വ്യക്തമാക്കിയിട്ടുണ്ട്.
