കരിപ്പൂര് വിമാനത്താവളത്തില് കുങ്കുമപ്പൂ വേട്ട
കോഴിക്കോട്: കരിപ്പൂര് വിമാനത്താവളത്തില് വന് കുങ്കുമപ്പൂ വേട്ട. വിമാനത്താവളം വഴി കടത്താന് ശ്രമിച്ച പതിനാറു കിലോ കുങ്കുമപ്പൂവും അരക്കിലോ സ്വര്ണവും കസ്റ്റംസ് ഇന്റലിജന്സ് പിടികൂടി. ദുബായില് നിന്ന് വരികയായിരുന്ന രണ്ട് യുവാക്കളില് നിന്നാണ് കുങ്കുമപ്പൂ പിടികൂടിയത്. അറസ്റ്റിലായ രണ്ടുപേര് കാസര്കോട് സ്വദേശികളാണ്.
രാവിലെ ആറ് മണിക്ക് ഷാര്ജ വിമാനത്തിലാണ് കാസര്കോട് സ്വദേശികള് എത്തിയത്. പിടിച്ചെടുത്ത കുങ്കുമപ്പൂവിന് 27 ലക്ഷം രൂപ വിലവരുമെന്ന് അധികൃതര് പറയുന്നു. തുണിയില് പൊതിഞ്ഞാണ് യുവാക്കള് കുങ്കുമപ്പൂവും സ്വര്ണവും കടത്താന് ശ്രമിച്ചത്.
സ്കാനിങ് മെഷീനില് പിടിക്കപ്പെടാതിരിക്കാനായിരുന്നു ഇവര് തുണിയില് പൊതിഞ്ഞത്. കസ്റ്റംസ് ഇന്റലിജന്സിന്റെ പരിശോധനയ്ക്കിടെ സംശയം തോന്നിയ യുവാക്കളെ അധികൃതര് ചോദ്യം ചെയ്യുകയായിരുന്നു. ഒരു പാത്രത്തിന്റെ പിടിയുടെ രൂപത്തിലായിരുന്നു സ്വര്ണം ഒളിപ്പിച്ചത്.
ഇരുപത്തിയഞ്ചു ഗ്രാം വീതമുള്ള അഞ്ഞൂറിലധികം പായ്ക്കറ്റുകളിലാണ് കുങ്കുമപ്പൂ ഒളിപ്പിച്ചത്. വെള്ളിയാഴ്ച മംഗലാപുരം വിമാനത്താവളത്തില് നിന്നും കുങ്കുമപ്പൂ പിടികൂടിയിരുന്നു. അറസ്റ്റിലായവരെ പോലീസ് ചോദ്യം ചെയ്തുവരികായണ്.