റിമയുടെ സെക്‌സ് സൈറണ്‍; സിനിമാ ലോകത്ത് പുതിയ വാക്ക്, ഒരു നടിയെ ഇങ്ങനെ അധിക്ഷേപിക്കാമോ?

പ്രൊഡക്ഷന്‍ കണ്‍ട്രോളര്‍മാര്‍ നടിമാരെ ഉപദ്രവിക്കുന്നത് സംബന്ധിച്ച് റിമ പറഞ്ഞത്. പ്രൊഡക്ഷന്‍ കണ്‍ട്രോളര്‍മാര്‍ നടിമാരുടെ റൂമിലേക്ക് ഇടിച്ചുകയറി അവരെ ശാരീരികമായി പീഡിപ്പിക്കുന്നുണ്ടത്രെ.

By Desk

Published: Thursday, January 18, 2018, 16:09 [IST]

നടിമാര്‍ വെറും ഉപകരണങ്ങള്‍

നടിമാരെ കാണുന്നത് വെറും ഉപകരണങ്ങള്‍ മാത്രമാണെന്നായിരുന്നു റിമയുടെ പരിഹാസം. പുരുഷന്‍മാര്‍ക്ക് ലഭിക്കുന്ന പ്രതിഫലത്തിന്റെ മൂന്നിലൊന്ന് സ്ത്രീകള്‍ക്ക് ലഭിക്കുന്നില്ലെന്ന് അവര്‍ പരാതിപ്പെടുന്നു. നടിമാര്‍ക്ക് സാറ്റലൈറ്റ് വാല്യു ഇല്ലെന്നും റിമ പറയുന്നു.

പുലിമുരുകനെ കുറിച്ച്

ഏറ്റവും കൂടുതല്‍ പണം വാരിയ മലയാള ചിത്രത്തില്‍ നാല് സ്ത്രീ കഥാപാത്രങ്ങളാണുള്ളതെന്ന് പറഞ്ഞാണ് റിമ പുലിമുരുകനിലെ കാര്യങ്ങള്‍ സൂചിപ്പിച്ചത്. അതില്‍ അവതരിപ്പിച്ച നാല് സ്ത്രീ കഥാപാത്രങ്ങളെയും മോശമാക്കിയാണ് ചിത്രീകരിച്ചതെന്നും റിമ പരാതിപ്പെടുന്നു. ഇതിനിടെയാണ് സെക്‌സ് സൈറണ്‍ കടുന്നവരുന്നത്.

ആരോപണം ഇങ്ങനെ

വഴക്കാളിയായ ഭാര്യ, നായകനെ മോഹിപ്പിക്കാന്‍ വേണ്ടി മാത്രം സ്‌ക്രീനില്‍ വരുന്ന സെക്‌സ് സൈറണ്‍, തെറിവിളിക്കാന്‍ വേണ്ടി മാത്രം വാ തുറക്കുന്ന അമ്മായി അമ്മ, കുട്ടികളെ പെറ്റു കൂട്ടുന്നു മറ്റൊരു ഭാര്യ. ഏറ്റവും കൂടുതല്‍ പണം വാരിയ സിനിമയിലെ നാല് സ്ത്രീ കഥാപാത്രങ്ങള്‍ ഇങ്ങനെയാണെന്ന് പുലിമുരുകനിലെ കാര്യങ്ങള്‍ സൂചിപ്പിച്ച് റിമ പറയുന്നു.

നടി നമിതയുടെ വേഷം

പുലിമുരുകനില്‍ നടി നമിത അവതരിപ്പിച്ച കഥാപാത്രത്തെയാണ് സെക്‌സ് സൈറണായി വിശേഷിപ്പിച്ചിരിക്കുന്നത്. എന്നാല്‍ ഒരു നടിയെ ഇങ്ങനെ വിളിച്ച് പരിഹസിക്കാമോ എന്നാണ് സോഷ്യല്‍ മീഡിയയില്‍ ഉയരുന്ന ചോദ്യം. നമിത ചെയ്തത് അവര്‍ക്ക് ലഭിച്ച കഥാപാത്രത്തെയല്ലേ എന്നും വിമര്‍ശനമുയര്‍ന്നു കഴിഞ്ഞു.

എന്താണ് സെക്‌സ് സൈറണ്‍

ധ്യാന്‍ ശ്രീനിവാസന്‍ നായകനായ ഒരേ മുഖമെന്ന ചിത്രത്തിന്റെ സംവിധായകന്‍ സജിത്ത് ജഗദ്‌നന്ദനാണ് റിമയുടെ വിമര്‍ശനത്തിനെതിരേ രംഗത്തെത്തിയവരില്‍ പ്രമുഖന്‍. എന്താണ് സെക്‌സ് സൈറണ്‍ എന്ന് അദ്ദേഹം ഫേസ്ബുക്കില്‍ ചോദിക്കുന്നു. നടി ചെയ്ത വേഷത്തെ ഇങ്ങനെ വിമര്‍ശിക്കാമോ എന്ന സംശയവും അദ്ദേഹം ഉന്നയിക്കുന്നു.

സജിത്തിന്റെ പോസ്റ്റ് ഇങ്ങനെ

പുലിമുരുകനില്‍ സംവിധായകന്റെ നിര്‍ദ്ദേശ പ്രകാരം അഭിനയിക്കുക എന്നത് മാത്രമാണ് നമിത ചെയ്തത് . ഒരു അഭിനേത്രി എന്ന നിലയ്ക്ക് അതവരുടെ പ്രൊഫഷണലിസത്തിന്റെ ഭാഗമാണ്. റിമ 'സെക്‌സ് സൈറണ്‍'' എന്നു വിശേഷിപ്പിച്ചതിനോട് വിയോജിക്കുന്നു. സെക്‌സ് സൈറണ്‍ അതെന്താ പുതിയ സംഭവം?

പാര്‍വതിയുടെ കാര്യം

നടി പാര്‍വതി മമ്മൂട്ടിയുടെ കസബയിലെ പോലീസ് വേഷത്തെ വിമര്‍ശിച്ചതിന്റെ പൊല്ലാപ്പ് തീരുംമുമ്പാണ് റിമയുടെ വരവ്. അന്നു പാര്‍വതിക്ക് മറുപടിയുമായി പലരും രംഗത്തുവന്നിരുന്നു. അവരെല്ലാം ചോദിച്ചത് ഇപ്പോള്‍ സജിത്ത് ജഗദ്‌നന്ദന്‍ ചോദിച്ച അതേ കാര്യമായിരുന്നു.

ഒളിഞ്ഞിരിക്കുന്നു

കൂടാതെ ഫെമിനസത്തെ കുറിച്ചും സിനിമാ മേഖലയിലെ ലിംഗ വിവേചനത്തെ കുറിച്ചുമൊക്കെ റിമ കല്ലിങ്കല്‍ ഒട്ടേറെ കാര്യങ്ങള്‍ പറയുന്നു. 14 മിനുറ്റ് നീളുന്ന പ്രസംഗമാണ് റിമ അന്ന് നടത്തിയത്. പുലിമുരുകനില്‍ സ്ത്രീ വിരുദ്ധ ഒളിഞ്ഞിരിക്കുന്നുണ്ട് എന്ന് സൂചിപ്പിക്കാനാണ് റിമ നാല് കഥാപാത്രങ്ങളെ കുറിച്ച് പറഞ്ഞത്.

നടിമാരെ പീഡിപ്പിച്ചു

അതിനിടെയാണ് പ്രൊഡക്ഷന്‍ കണ്‍ട്രോളര്‍മാര്‍ നടിമാരെ ഉപദ്രവിക്കുന്നത് സംബന്ധിച്ച് റിമ പറഞ്ഞത്. പ്രൊഡക്ഷന്‍ കണ്‍ട്രോളര്‍മാര്‍ നടിമാരുടെ റൂമിലേക്ക് ഇടിച്ചുകയറി അവരെ ശാരീരികമായി പീഡിപ്പിക്കുന്നുണ്ടത്രെ. ഇത്തരം സംഭവങ്ങളുണ്ടായിട്ടുണ്ടെന്നും റിമ ചൂണ്ടിക്കാട്ടുന്നു.

സസ്‌പെന്‍ഷന്‍ മാത്രം

ഇത്തരത്തില്‍ നടിമാരെ പീഡിപ്പിച്ച പ്രൊഡക്ഷന്‍ കണ്‍ട്രോളര്‍ക്ക് സെറ്റില്‍ നിന്നു രണ്ടു മാസത്തെ സസ്‌പെന്‍ഷന്‍ മാത്രമാണ് ലഭിച്ചത്. അല്ലാതെ ഒരു ശിക്ഷയും കിട്ടിയില്ല. അവരിപ്പോഴും സ്വതന്ത്രമായി നക്കുന്നുവെന്നും റിമ പറയുന്നു. സിനിമയില്‍ ആദ്യമയാണ് പ്രൊഡക്ഷന്‍ കണ്‍ട്രോളര്‍മാര്‍ക്കെതിരേ ലൈംഗിക ആരോപണം ഉയരുന്നത്.

Published On January 18, 2018