വരുമാനം കൂടി... എന്നിട്ടും കരകയറാനാകാതെ കെഎസ്ആർടിസി, ശമ്പളം കൊടുക്കാൻ പോലും കാശില്ല!
തിരുവനന്തപുരം: വരുമാനം കൂടിയിട്ടും കെഎസ്ആർടിസി കിതച്ച് തന്നെ ഓടുന്നു. തുടര്ച്ചയായി രണ്ട് മാസം വരുമാനം 200 കോടി കവിഞ്ഞെന്നാണഅ റിപ്പോർട്ട്. എന്നിട്ടും ജീവനക്കാർക്ക് ശമ്പളം കൊടുക്കാൻ പോലും കഴിയുന്നില്ലെന്നാണ് റിപ്പോർട്ട്. ഡിസംബറില് 213.28 കോടിയും ജനുവരിയില് 204. 90 കോടിയുമായിരുന്നു കെഎസ്ആര്ടിസിയുടെ വരുമാനം. ശബരിമല സീസണാണ് തുണച്ചത്.
കഴിഞ്ഞ വര്ഷം ജനുവരിയില് സര്ക്കാര് സഹായമില്ലാതെ ശമ്പളം വിതരണം ചെയ്ത കെഎസ്ആര്ടിസിക്ക് ഇക്കുറി അതിന് കഴിഞ്ഞിട്ടില്ല. സര്ക്കാരില് നിന്ന് 25 കോടി സഹായം കൂടി കിട്ടയിതുകൊണ്ടാണ് ജനുവരിയില് പത്താം തീയതിയോടെ ശമ്പള വിതരണം ചെയ്തത്. ഡിസംബറിലെ വരവും ചെലവും തമ്മിലുള്ള അന്തരം 78.21 കോടിയിയിരുന്നു. ഈ മാസവും 25 കോടി രൂപ സര്ക്കാര് സഹായാൽ മാത്രമേ ശമ്പളം വിതരണം പൂര്ത്തിയാക്കാന് കെഎസ്ആര്ടിസിക്ക് സാധിക്കൂ.
സ്ഥാപനത്തിൻറ ബാധ്യത സര്ക്കാര് പൂര്ണമായി ഏറ്റെടുക്കണമെന്ന ആവശ്യം ശക്തമാവുകയാണിപ്പോൾ. പോയവര്ഷം അവസാന നാലുമാസം ഗഡുക്കളായി ശമ്പളം വിതരണം ചെയ്യേണ്ട സാഹചര്യമുണ്ടായി. തൊഴിലാളി സംഘടനകളുടെ സെക്രട്ടേറിയേറ്റിന് മുന്നിലെ സമരത്തിന്റെ പശ്ചാത്തലത്തിൽ ശമ്പളം മുടങ്ങില്ലെന്ന് സര്ക്കാര് ഉറപ്പ് നല്കിയിട്ടുണ്ട്. സാമ്പത്തിക പ്രതിസന്ധിയിൽ നട്ടം തിരിയുന്ന സർക്കാരിനം വാക്ക് പാലിക്കാൻ കഴിയുമോ എന്നാണ് എല്ലാവരും ഉറ്റുനോക്കുന്നത്.