ഡിഎ കുടിശ്ശിക തടയില്ലെന്ന് ധനമന്ത്രി; 'പങ്കാളിത്ത പെന്ഷന് പകരം അഷ്വേഡ് പെന്ഷന് പദ്ധതി'
തിരുവനന്തപുരം: സംസ്ഥാന സര്ക്കാര് ജീവനക്കാര്ക്ക് പങ്കാളിത്ത പെന്ഷന് പകരം അഷ്വേഡ് പെന്ഷന് പദ്ധതി നടപ്പാക്കുമെന്ന് ധനകാര്യ വകുപ്പ് മന്ത്രി കെ എന് ബാലഗോപാല്. ഡിഎ കുടിശിക അടക്കം ജീവനക്കാരുടേയും പെന്ഷന്കാരുടേയും ഒരു ആനുകൂല്യങ്ങളും സര്ക്കാര് തടഞ്ഞുവെക്കില്ല എന്നും ശമ്പള പരിഷ്കരണ ചര്ച്ചകള് തുടരുകയാണെന്നും അദ്ദേഹം കൂട്ടിച്ചേര്ത്തു.
ജീവനക്കാരുടെയും പെന്ഷന്കാരുടെയും ക്ഷാമബത്തയും ആനുകൂല്യങ്ങളും നല്കുന്നതില് സര്ക്കാര് പൂര്ണമായും പ്രതിജ്ഞാബദ്ധമാണെന്നും ക്ഷാമബത്ത നല്കുന്നതില് സര്ക്കാര് നിഷേധാത്മകമായ നിലപാട് സ്വീകരിക്കുന്നു എന്ന വാര്ത്തകള് തെറ്റിദ്ധാരണയുണ്ടാക്കുന്നതാണ് എന്നും അദ്ദേഹം പറഞ്ഞു. സാമ്പത്തിക പ്രതിസന്ധികള്ക്കിടയിലും ജീവനക്കാരുടെ ആനുകൂല്യങ്ങള് ഉറപ്പാക്കാന് സര്ക്കാര് ശ്രമിക്കുകയാണ്.
'ജീവനക്കാര്ക്ക് ക്ഷാമബത്ത കുടിശിക ഉള്പ്പെടെയുള്ള തുക നല്കുന്ന കാര്യത്തില് ആര്ക്കും സംശയം വേണ്ട. ഇതില് സര്ക്കാരിന് വേറൊരു നിലപാടുമില്ല. ജീവനക്കാരും പെന്ഷന്കാരും ഇക്കാര്യത്തില് ആശങ്കപ്പെടേണ്ടതില്ല. ജീവനക്കാരുടെ അവകാശങ്ങള് സര്ക്കാര് സംരക്ഷിക്കും. ക്ഷാമബത്ത നല്കുന്നത് സര്ക്കാരിന്റെ അഡ്മിനിസ്ട്രേറ്റീവ് തീരുമാനത്തിന്റെ ഭാഗമാണ്,' അദ്ദേഹം പറഞ്ഞു.
ശമ്പള പരിഷ്കരണം നടപ്പിലാക്കിയതിന്റെ കുടിശിക സര്ക്കാര് ഘട്ടങ്ങളായി നല്കി വരികയാണ് എന്നും കൊവിഡ് കാലത്ത് കേന്ദ്ര സര്ക്കാര് ഡിഎ മുടക്കിയിട്ടും കേരളം ശമ്പളം കൃത്യമായി നല്കിയിരുന്നു എന്നും അദ്ദേഹം ചൂണ്ടിക്കാട്ടി. സാമ്പത്തിക ഞെരുക്കത്തിനിടയിലും ക്ഷേമ പെന്ഷനുകള് വര്ദ്ധിപ്പിക്കാനും സ്ത്രീ സുരക്ഷാ പദ്ധതി, യുവാക്കള്ക്കുള്ള കണക്ട് ടു വര്ക്ക് തുടങ്ങിയ പുതിയ പദ്ധതികള് ആരംഭിക്കാനും സര്ക്കാരിന് കഴിഞ്ഞിട്ടുണ്ടെന്നും മന്ത്രി വ്യക്തമാക്കി.
അതേസമയം കഴിഞ്ഞ അഞ്ച് വര്ഷത്തിനിടയില് ഏകദേശം രണ്ട് ലക്ഷം കോടി രൂപയുടെ വരുമാന സ്രോതസ്സുകള് കേരളത്തിന് നഷ്ട്ടമായി എന്നും അദ്ദേഹം ചൂണ്ടിക്കാട്ടി. കേന്ദ്ര സര്ക്കാരില് നിന്ന് ലഭിക്കേണ്ട ഗ്രാന്റുകളിലും വായ്പാ പരിധിയിലും വലിയ വെട്ടിക്കുറവുകള് ഉണ്ടായി. കേരളത്തിന്റെ റവന്യൂ വരുമാനത്തിന്റെ 25 ശതമാനത്തില് താഴെ മാത്രമാണ് കേന്ദ്ര വിഹിതമായി ലഭിക്കുന്നത്.
മറ്റ് പല സംസ്ഥാനങ്ങള്ക്കും ഇത് 50 മുതല് 72 ശതമാനം വരെയാണ് എന്നും സംസ്ഥാനത്തിന്റെ ഭരണഘടനാപരമായ അവകാശങ്ങള്ക്കായി സുപ്രീം കോടതിയെ സമീപിച്ചിട്ടുണ്ടെന്നും അദ്ദേഹം പറഞ്ഞു. അതേസമയം 2013 ല് നടപ്പാക്കിയ പങ്കാളിത്ത പെന്ഷന് പദ്ധതി അധികാരത്തില് എത്തിയാല് ഉടന് പിന്വലിക്കുമെന്ന് എല്ഡിഎഫ് വാഗ്ദാനം ചെയ്തിരുന്നതാണ്.
എന്നാല് പത്തു വര്ഷം ഭരിച്ചിട്ടും ഈ വാഗ്ദാനം നടപ്പായില്ല. പങ്കാളിത്ത പെന്ഷന് പദ്ധതിയില് നിന്ന് പിന്വാങ്ങുമ്പോഴും സ്റ്റാറ്റിയൂട്ടറി പെന്ഷന് സമ്പ്രദായത്തിലേയ്ക്ക് മടങ്ങിപ്പോകാതെ ജീവനക്കാര് ശമ്പളത്തില് നിന്ന് വിഹിതം അടയ്ക്കേണ്ട അഷ്വേഡ് പെന്ഷന് പദ്ധതി നടപ്പാക്കും എന്നാണ് പ്രഖ്യാപനം. അതേസമയം ക്ഷാമബത്ത കുടിശ്ശികയും ശമ്പള പരിഷ്കരണവും ആവശ്യപ്പെട്ട് സിപിഎം അനുകൂല സര്വീസ് സംഘടനകള് സെക്രട്ടേറിയറ്റിന് മുന്നില് രാപ്പകല് സമരത്തിലാണ്.
-
ശമ്പളം 10 ശതമാനം കുറയും; സര്ക്കാര് ജീവനക്കാര്ക്ക് തിരിച്ചടി, എല്ലാവര്ക്കുമില്ല, നടപടിയുമായി തെലങ്കാന -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം
Click it and Unblock the Notifications
Sign in with Google