കേന്ദ്രത്തേക്കാള് മുന്പ് സംസ്ഥാനങ്ങളില് ശമ്പളം കൂടും..! കേരളവും ലിസ്റ്റില്, ജീവനക്കാര്ക്ക് കോളടിച്ചു
2026 ന്റെ ആരംഭത്തോടെ, ഏറെ പ്രതീക്ഷയോടെ കാത്തിരുന്ന എട്ടാം ശമ്പള കമ്മീഷന് നടപ്പിലാക്കുന്നതുമായി ബന്ധപ്പെട്ട് സര്ക്കാര് ജീവനക്കാരുടെയും പെന്ഷന്കാരുടെയും ഇടയില് അഭ്യൂഹങ്ങള് വര്ധിച്ചു. പുതിയ കമ്മീഷന് നടപ്പിലാക്കിക്കഴിഞ്ഞാല് സര്ക്കാര് ജീവനക്കാരുടെ ശമ്പളത്തിലും പെന്ഷനിലും ഗണ്യമായ വര്ദ്ധനവ് പ്രതീക്ഷിക്കുന്നതായി സമീപകാല കണക്കുകള് സൂചിപ്പിക്കുന്നു.
എന്നിരുന്നാലും, കേന്ദ്ര സര്ക്കാര് ഇതുവരെ നടപ്പാക്കല് സമയപരിധി പ്രഖ്യാപിച്ചിട്ടില്ല. അതേസമയം കേന്ദ്ര സര്ക്കാരിന്റെ ചുവടുപിടിച്ച് പല സംസ്ഥാനങ്ങളും സര്ക്കാര് ജീവനക്കാരുടെയും പെന്ഷന്കാരുടെയും ശമ്പളം വര്ധിപ്പിക്കാനുള്ള ഒരുക്കത്തിലാണ്. സാമ്പത്തികമായി ശക്തമായ സംസ്ഥാനങ്ങളിലാണ് എട്ടാം ശമ്പള കമ്മീഷന് ആദ്യം നടപ്പിലാക്കുന്നതെന്ന് പ്രതീക്ഷിക്കുന്നു. ഉത്തര്പ്രദേശ്, മഹാരാഷ്ട്ര, ഗുജറാത്ത്, തമിഴ്നാട്, അസം തുടങ്ങിയ സംസ്ഥാനങ്ങള് കമ്മീഷന് നേരത്തെ നടപ്പിലാക്കാന് സാധ്യതയുണ്ട്.
റിപ്പോര്ട്ടുകള് പ്രകാരം, സര്ക്കാര് ജീവനക്കാരുടെ എണ്ണവും കേന്ദ്രത്തിന്റെ ശമ്പള കമ്മീഷന് നിര്ദ്ദേശങ്ങള് പൂര്ണ്ണമായി അംഗീകരിക്കുന്നതും കാരണം ഉത്തര്പ്രദേശ് ശുപാര്ശകള് ആദ്യം നടപ്പിലാക്കുന്ന സംസ്ഥാനങ്ങളില് ഒന്നായിരിക്കുമെന്ന് പ്രതീക്ഷിക്കുന്നു. മഹാരാഷ്ട്രയുടെ ശക്തമായ സാമ്പത്തിക സ്ഥിതി സംസ്ഥാനത്തെ നടപ്പാക്കല് പ്രക്രിയ വേഗത്തിലാക്കുമെന്ന് പ്രതീക്ഷിക്കുന്നു.
ഏറ്റവും പുതിയ കമ്മീഷന്റെ ശുപാര്ശകള് വരും മാസങ്ങളില് നടപ്പിലാക്കുമെന്ന് അസം ഇതിനകം പ്രഖ്യാപിച്ചിട്ടുണ്ട്. ഗുജറാത്തും തമിഴ്നാടും ഉടന് തന്നെ എട്ടാം ശമ്പള കമ്മീഷന് നടപ്പിലാക്കുമെന്ന് പ്രതീക്ഷിക്കുന്നു. കേന്ദ്ര സര്ക്കാരിന്റെ നിര്ദ്ദേശം പൂര്ണമായി അംഗീകരിക്കുന്ന സംസ്ഥാനത്തെ ജീവനക്കാര് സര്ക്കാര് ജീവനക്കാരുടെ ശമ്പളത്തിലും വിരമിച്ച ജീവനക്കാരുടെ പെന്ഷനിലും ഗണ്യമായ വര്ദ്ധനവ് കാണും.
അതേസമയം കേരളത്തിലും സര്ക്കാര് ജീവനക്കാരുടെ ശമ്പളത്തില് വൈകാതെ വര്ധനയുണ്ടാകും. ഇക്കഴിഞ്ഞ സംസ്ഥാന ബജറ്റില് ഇത് സംബന്ധിച്ച പരാമര്ശമുണ്ടായിരുന്നു. 12-ാമത് കമ്മീഷന് റിപ്പോര്ട്ട് 3 മാസത്തിനകം സമര്പ്പിക്കുമെന്നും ഡിഎ കുടിശിക പൂര്ണമായി നല്കുമെന്നുമാണ് ബജറ്റ് പ്രസംഗത്തില് ധനമന്ത്രി പറഞ്ഞത്. സര്ക്കാര് ജീവനക്കാരുടെയും പെന്ഷന്ക്കാരുടെയും അവശേഷിക്കുന്ന ഡിഎ, ഡിആര് കുടിശിക പൂര്ണമായി നല്കും എനന്നും മന്ത്രി വ്യക്തമാക്കി.
ഇത് പ്രകാരം ഒരു ഗഡു ഡിഎ കുടിശ്ശിക ഫെബ്രുവരി മാസത്തെ ശമ്പളത്തോടൊപ്പം നല്കും. ശേഷിക്കുന്ന കുടിശികകള് പൂര്ണമായും മാര്ച്ച് മാസത്തെ ശമ്പളത്തോടൊപ്പം അനുവദിക്കും. ഡിഎയുടേയും ഡിആറിന്റെയും കുടിശിക ഘട്ടം ഘട്ടമായി കൊടുത്തു തീര്ക്കും എന്നും ആദ്യ ഗഡു ബജറ്റ് വര്ഷത്തില് തന്നെ നല്കുന്നതിന് തുക വകയിരുത്തിയിട്ടുണ്ട് എന്നും ധനമന്ത്രി പറഞ്ഞിരുന്നു.
Click it and Unblock the Notifications
Sign in with Google