പിണറായിയെ താങ്ങി.. ബാഹുബലിയുടെ രഹസ്യം വെളുപ്പെടുത്തി സലിം കുമാര്, സദസില് കൂട്ടചിരി!!
പ്രേക്ഷകര് പ്രതീക്ഷയോടെ കാത്തിരുന്ന ബാഹുബലി തിയേറ്ററുകളില് എത്തി മികച്ച പ്രതികരണം നേടുകയാണ്.
പ്രേക്ഷകര് പ്രതീക്ഷയോടെ കാത്തിരുന്ന ബാഹുബലി തിയേറ്ററുകളില് എത്തി മികച്ച പ്രതികരണം നേടുകയാണ്. ഏപ്രില് 28നാണ് ചിത്രം തിയേറ്ററുകളില് എത്തിയ ചിത്രത്തിന് വേണ്ടി പ്രേക്ഷകര് കാത്തിരിക്കുന്നതിനും ഒരു കാരണമുണ്ടായിരുന്നു. കട്ടപ്പ് എന്തിന് ബാഹുബലിയെ കൊന്നു? നേരത്തെ ഒട്ടേറെ കെട്ടുകഥകള് പ്രചരിച്ചുവെങ്കിലും സത്യാവസ്ഥയ്ക്കായി പ്രേക്ഷകര് കാത്തിരിക്കുകയായിരുന്നു.
ചിത്രം തിയേറ്ററുകളില് പ്രദര്ശനത്തിനെത്തി ആദ്യം കണ്ടവരില് പലരും ചിത്രത്തിന്റെ സസ്പെന്സ് പൊളിക്കാനൊരുങ്ങി. സസ്പെന്സ് സോഷ്യല്മീഡിയയില് പ്രചരിച്ച് തുടങ്ങിയെങ്കിലും നടന് സലിം കുമാറിന്റെ വെളിപ്പെടുത്തലാണ് വൈറലായിത്. പൊതുചടങ്ങില് വെച്ചാണ് സലിം കുമാര് ബാഹുബലിയിലെ ആ സത്യം തുറന്ന് പറഞ്ഞത്.
യുദ്ധത്തില് രാജ്യവും സൈന്യവും നഷ്ടപ്പെട്ട് പരാജയം നേരിട്ട കട്ടപ്പ ബാഹുബലിയോട് ചോദിച്ചു. മോനേ ബാഹു ഇനി നമ്മളെന്തു ചെയ്യും. അപ്പോള് ബാഹുബലി പറയുന്നു. എല്ഡിഎഫ് വരും എല്ലാം ശരിയാകും. ഇതുകേട്ട് ഭ്രാന്ത് മൂത്ത കട്ടപ്പ അവിടെ കിടന്ന തുരുമ്പിച്ച വാളെടുത്ത് ബാഹുബലിയെ കൊന്നു.
ഇതാണ് സത്യത്തില് സംഭവിച്ചതെന്നായിരുന്നു സലിം കുമാര് സദസിന് മുമ്പില് തുറന്ന് പറഞ്ഞത്. സലിം കുമാറിന്റെ മറുപടി കേട്ട് സദസ് മുഴുവന് പൊട്ടിചിരിച്ചു. സലിം കുമാര് ബാഹുബലിയുടെ സസ്പെന്സ് പൊളിക്കുന്നുവെന്ന വീഡിയോയും ഇപ്പോള് സോഷ്യല് മീഡിയയില് വൈറലാണ്.