Click it and Unblock the Notifications
Just In
Don't Miss
-
IPL 2024: തലയെ വീഴ്ത്തി റുതുരാജ്, ധോണിയുടെ വമ്പന് റെക്കോഡ് തകര്ന്നു! ഇനി ഒന്നാമന് -
'ഞാൻ ആ പെൺകുട്ടിയെ ചതിച്ചിട്ടില്ല, വിവാഹം വേണ്ടെന്ന് വെച്ചത് അവരാണ്, രഹ്നയ്ക്ക് അപ്പോഴും സമ്മതമായിരുന്നു' -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
പങ്കാളിയെ ചേര്ത്ത് പിടിച്ച് ഉറങ്ങുന്നവരാണോ? ദമ്പതികള്ക്കിടയിലെ ദാമ്പത്യരഹസ്യങ്ങള് -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സലീംരാജിന്റേത് തമിഴ്നാട് മോഡല്‍ ഭൂമി തട്ടിപ്പ്?
കൊച്ചി: തമിഴ്‌നാട്ടിലൊക്കെ ഉള്ളതുപോലെ ഭീഷണിപ്പെടുത്തി ഭൂമി തട്ടിയെടുക്കുന്ന സംഭവങ്ങള്‍ കേരളത്തിലും കണ്ടുതുടങ്ങുകയാണെന്ന് ഹൈക്കോടതി നിരീക്ഷണം. മുഖ്യമന്ത്രി ഉമ്മന്‍ ചാണ്ടിയുടെ മുന്‍ ഗണ്‍മാന്‍ സലീം രാജിനെതിരെയുള്ള ഭൂമി തട്ടിപ്പ് കേസില്‍ വാദം കേള്‍ക്കുന്നതിനിടെയാണ് കോടതിയുടെ നിരീക്ഷണം.
സലീം രാജ് ഉള്‍പ്പെട്ട കടകംപള്ളിയിലെ ഭൂമി തട്ടിപ്പ് കേസില്‍ 10 ദിവസത്തിനകം പ്രാഥമിക റിപ്പോര്‍ട്ട് സമര്‍പ്പിക്കണമെന്ന് ഹൈക്കോടതി ഉത്തരവിട്ടു. രണ്ട് മാസത്തിനുള്ളില്‍ അന്തിമ റിപ്പോര്‍ട്ട് നല്‍കണമെന്നും കോടതി നിര്‍ദ്ദേശിച്ചു.
ഭൂമി തട്ടിപ്പ് കേസില്‍ അന്വേഷണം വൈകുന്നതില്‍ കോടതി കടുത്ത അതൃപ്തി പ്രകടിപ്പിച്ചു. സലീം രാജ് അധികാര കേന്ദ്രമാണെന്ന് കഴിഞ്ഞ ദിവസം കോടതി വിലയിരുത്തിയിരുന്നു. 2013 ജൂലായ് മാസത്തില്‍ തുടങ്ങിയ അന്വേഷം എന്ത് കൊണ്ടാണ് ഇതുവരേയും തീരാത്തതെന്ന് കോടതി വിജിലന്‍സ് വിഭാഗത്തോട് ആരാഞ്ഞു. അന്വേഷണത്തിന് ആറുമാസം കൂടി സമയം അനുവദിക്കണമെന്ന വിജിലന്‍സിന്റെ ആവശ്യം തള്ളുകയും ചെയ്തു.
കടകംപള്ളിയില്‍ നടന്നത് കേരളത്തിലെ തന്നെ ഏറ്റവും വലിയ ഭൂമി തട്ടിപ്പാണെന്നും കോടതി വിലയിരുത്തി. 12.27 ഏക്കര്‍ ഭൂമിയാണ് ഇവിടെ സലീം രാജും കൂട്ടരും കൂടി തട്ടിയെടുത്തിരിക്കുന്നത്. സെന്റിന് 50,000 രൂപ എന്നാണ് രജിസ്‌ട്രേഷനില്‍ കാണിച്ചിരിക്കുന്നത്. ഈ തുകക്ക് കേരളത്തില്‍ എവിടേയും ഭൂമി കിട്ടില്ലെന്നും 250 കോടിയുടെ തട്ടിപ്പ് എന്നത് വെറും പ്രാഥമിക കണക്ക് മാത്രമാണെന്നും കോടതി വിലയിരുത്തിയിട്ടുണ്ട്.\
