സരിതയ്ക്ക് ഉന്നതരുടെ നമ്പറുകള് നല്കിയത് താന്... സലീം രാജിന്റെ മൊഴി
കൊച്ചി: സോളാര് തട്ടിപ്പ് കേസില് മുഖ്യമന്ത്രി ഉമ്മന് ചാണ്ടിയുടെ മുന് ഗണ്മാന് സലീം രാജില് നിന്ന് ജുഡീഷ്യല് കമ്മീഷന് മൊഴിയെടുത്തു. പോലീസ് അന്വേഷണം എത്രമാത്രം പ്രഹസനമായിരുന്നു എന്ന് തെളിയിക്കുന്നതാണ് സലീം രാജിന്റെ മൊഴികള്.
സരിതയെ സ്ഥിരമായി ഫോണില് ബന്ധപ്പെട്ടിരുന്നു എന്നാണ് സലീം രാജ് മൊഴി നല്കിയിട്ടുള്ളത്. മുഖ്യമന്ത്രിയുടെ ഔദ്യോഗിക വസതിയിലെ ഫോണില് നിന്ന് പോലും സരിതയെ വിളിച്ചിട്ടുണ്ട്. അന്വേഷണ സംഘം ഇത് സംബന്ധിച്ച ചോദ്യങ്ങളൊന്നും തന്നോട് ചോദിച്ചിട്ടില്ലെന്നാണ് സലീം രാജ് മൊഴി നല്കിയത് എന്നാണ് റിപ്പോര്ട്ടുകള്.
സരിതയെ കണ്ടത്
മുഖ്യമന്ത്രി ഉമ്മന് ചാണ്ടി പങ്കെടുത്ത പരിപാടിയില് വച്ചാണ് സരിതയെ ആദ്യമായി കാണുന്നത് എന്നാണ് സലീം രാജ് മൊഴി നല്കിയിട്ടുള്ളത്. പാലാ കടപ്ലാമറ്റത്ത് വച്ചായിരുന്നു ആ പരിപാടി.
നിരന്തരം വിളിച്ചു
സരിത എസ് നായരെ നിരന്തരം ഫോണില് ബന്ധപ്പെട്ടിരുന്നതായി സലീം രാജ് ജുഡീഷ്യല് കമ്മീഷന് മുന്നില് മൊഴി നല്കി.
ഔദ്യോഗിക വസതിയില് നിന്ന്
മുഖ്യമന്ത്രി ഉമ്മന് ചാണ്ടിയുടെ ഔദ്യോഗിക വസതിയിലെ ഫോണ് ഉപയോഗിച്ച് സരിതയെ വിളിച്ചിട്ടുണ്ടെന്നും സലീം രാജ് പറയുന്നു.
ഉന്നതരുടെ ഫോണ് നമ്പര്
പല ഉന്നതരുടേയും ഫോണ് നമ്പറുകള് സരിത ആവശ്യപ്പെട്ടിരുന്നു. ഈ നമ്പറുകളെല്ലാം താന് നല്കിയിട്ടുണ്ടെന്നാണ് സലീം പറയുന്നത്.
രാഷ്ട്രീയ ബന്ധം
സരിതയുടെ രാഷ്ട്രീയ ബന്ധങ്ങളെ കുറിച്ച് തനിയ്ക്ക് ഒന്നും അറിയില്ലെന്നും സലീം രാജ് വ്യക്തമാക്കിയിട്ടുണ്ട്.