കെഎന്എ ഖാദറിന്റെ ഗുരുവായൂര് ക്ഷേത്ര ദര്ശനം; രൂക്ഷ വിമര്ശനവുമായി സമസ്ത നേതാക്കള്
കോഴിക്കോട്: നിയമസഭാ തിരഞ്ഞെടുപ്പില് ഗുരുവായൂര് മണ്ഡലത്തില് മല്സരിക്കുന്ന മുസ്ലിം ലീഗ് സ്ഥാനാര്ഥി കെഎന്എ ഖാദറിനെതിരെ സമസ്ത നേതാക്കള്. ഗുരുവായൂരില് പ്രചാരണം തുടങ്ങിയ ഖാദര് ക്ഷേത്ര ദര്ശനം നടത്തുകയും കാണിക്കയിട്ട് കൈകൂപ്പി തൊഴുകയും ചെയ്തതിനെതിരെയാണ് നേതാക്കള് പരസ്യമായി വിമര്ശനം ഉന്നയിച്ചിരിക്കുന്നത്. പാണക്കാട് മുഹമ്മദലി ശിഹാബ് തങ്ങള് കാണിച്ചുതന്ന മത-മതേതര നിലപാടുകളാണ് ഉദാത്തമായതെന്നും നേതാക്കള് പറയുന്നു.
ഇന്ത്യയിലെ ആദ്യത്തെ സെന്ട്രലൈസ്ഡ് എസി റെയില്വേ ടെര്മിനല് ബെംഗളൂരുവില്, ചിത്രങ്ങള് കാണാം
അബ്ദുല് ഹമീദ് ഫൈസി അമ്പലക്കടവ്, നാസര് ഫൈസി കൂടത്തായി എന്നിവരാണ് കെഎന്എ ഖാദറിനെ പരോക്ഷമായി വിമര്ശിച്ചിരിക്കുന്നത്. ഇരുവരുടെയും ഫേസ്ബുക്ക് കുറിപ്പുകള് വായിക്കാം.....
തെരഞ്ഞെടുപ്പും ഗുരുവായൂരപ്പനും: ചിലത് പറയേണ്ടതുണ്ട്
അബ്ദുല് ഹമീദ് ഫൈസി അമ്പലക്കടവ്
''തീര്ച്ചയായും ഭഗവാന് ഗുരുവായൂരപ്പന് എന്റെ മനസ്സു കാണും തീര്ച്ചയായും അദ്ദേഹം അനുഗ്രഹിച്ചിട്ടുണ്ട് എന്നാണ് ഞാന് കരുതുന്നത് ഈ കുചേലന്റെ അവില്പ്പൊതി സ്വീകരിക്കാതിരിക്കില്ല എന്ന് എനിക്കുറപ്പുണ്ട്.'' ഒരു മുസ്ലിം ഇപ്രകാരം പറഞ്ഞാല് തുടര്ന്ന് അദ്ദേഹത്തിന് മതത്തിലുള്ള സ്ഥാനം എന്തായിരിക്കും ?
''ഭഗവാന് ഗുരുവായൂരപ്പന്റെ മുമ്പില് ചെറിയ അവില് പൊതിയുമായി വരുന്ന രാഷ്ട്രീയ കുചേലനാണ് ഞാന്. എന്റെ ഇനീഷ്യല് കണ്ണനാവില് എന്നാണ്.
ഇവിടെ വലിയ മാറ്റം വരും അത് കണ്ണനാല് ഉണ്ടാകുന്ന മാറ്റമാണ്.''
ഇങ്ങനെ ഒരു മുസ്ലിം പ്രസംഗിച്ചാലോ?
മതത്തില് നിന്ന് പുറത്തു പോകാന്...
''ഗുരുവായൂര് ക്ഷേത്രത്തിന്റെ കിഴക്കേ ഗോപുരനടയിലെത്തി ചെരുപ്പ് അഴിച്ചുവച്ച് കാണിക്ക അര്പ്പിച്ചു'' ഒരു മുസ്ലിം ഇപ്രകാരം ചെയ്താല് മതത്തില് അദ്ദേഹത്തിന്റെ സ്ഥാനം എന്തായിരിക്കും?
''ഗുരുവായൂര് ക്ഷേത്രത്തിലെത്തി കൈകൂപ്പി തൊഴുതു''
ഇങ്ങനെ ഒരു മുസ്ലിം ചെയ്താലോ.?
ഇസ്ലാമിക കര്മ്മശാസ്ത്ര ഗ്രന്ഥങ്ങളില് ഒരു അധ്യായമുണ്ട് 'കിതാബുരിദ്ധത്ത്'
എന്നാണ് അതിന്റെ തലവാചകം. മതത്തില് നിന്ന് പുറത്തു പോകാന് ഇടയാക്കുന്ന കാര്യങ്ങളാണ് അതില് ചര്ച്ച ചെയ്യുന്നത്. ആ അധ്യായം മാത്രം ഒന്ന് വായിച്ചാല് ഉദ്ധൃത വിഷയങ്ങളുടെ ഗൗരവം ബോധ്യപ്പെടും.
തെറ്റായ സന്ദേശം
മുസ്ലിം സംഘടനകളുടെ നേതൃസ്ഥാനത്ത് ഇരിക്കുന്നവര് ഇപ്രകാരം ചെയ്താല് അത് അവരെ മാത്രമല്ല ബാധിക്കുക പാവപ്പെട്ട അനുയായികള്ക്ക് ഇങ്ങനെയൊക്കെ ആകാം എന്ന അതീവ ഗുരുതരമായ തെറ്റായ സന്ദേശം നല്കുക കൂടി ചെയ്യും.
മതേതരത്വമെന്നാല് എല്ലാ മതങ്ങളില് നിന്നും അല്പാല്പം എടുക്കലല്ല. അതിന് പേര് അക്ബര് ചക്രവര്ത്തിയുടെ 'ദീനെ ഇലാഹി' എന്നാണ്.
ഇതര മതങ്ങളുടെ ആചാരങ്ങളും വിശ്വാസങ്ങളും ആവശ്യാനുസരണം സ്വീകരിക്കലാണ് മതേതരത്വമെങ്കില് ആ മതേതരത്വം നമുക്ക് വേണ്ട.
അബ്ദുറബ്ബിനെ അഭിമാനപൂര്വ്വം ഓര്ക്കുന്നു
നിലവിളക്ക് കൊളുത്തല് എന്റെ മത വിശ്വാസത്തിന് എതിരാണെന്ന് പറഞ്ഞ് വിട്ടുനിന്ന മുന് വിദ്യാഭ്യാസ മന്ത്രി അബ്ദുറബ്ബിനെ അഭിമാനപൂര്വ്വം ഓര്ക്കുന്നു.
നെറ്റിയില് പൊട്ടു തൊട്ട് ഇതര മതാചാരങ്ങള് സ്വീകരിച്ച ഒരു മുസ്ലിം മന്ത്രിക്കെതിരെ വിട്ടുവീഴ്ചയില്ലാത്ത നിലപാട് സ്വീകരിച്ച ആദര്ശ നായകന് പാണക്കാട് സയ്യിദ് ഉമറലി ശിഹാബ് തങ്ങളെ ആദരപൂര്വം അനുസ്മരിക്കുകയും ചെയ്യുന്നു.
1000 വോട്ടിനു വേണ്ടി തെറ്റ് ചെയ്യുന്നവര് 10,000 വോട്ടും പരലോകവും നഷ്ടപ്പെട്ടു പോകുന്നത് ശ്രദ്ധിക്കുക.- ഇങ്ങനെയാണ് ഹമീദ് ഫൈസിയുടെ കുറിപ്പ് അവസാനിക്കുന്നത്.
നാസര് ഫൈസി പറയുന്നത്...
മുസ്ലിമിന് ശിര്ക്കിലല്ല മതേതരത്വം
ഏക ദൈവ വിശ്വാസി ശിര്ക്ക് ചെയ്ത് കൊണ്ട് 'മതേതരത്വം' പ്രകടിപ്പിക്കുന്നത് കപടതയാണ്. കേരള നിയമസഭയില് വേദങ്ങളും ഉപനിഷത്തുകളും ഉദ്ധരിച്ച് ആര്ഷഭാരതീയതയുടെ മാനവികത സമര്ത്ഥിക്കുന്നതു കേട്ടപ്പോള് വേദ പഠനത്തിലുള്ള ജ്ഞാനത്തില് അഭിമാനിച്ചിരുന്നു. ഇസ്ലാമും ഹൈന്ദവതയും മാനവികമാണെന്ന് അറിയുകയും അറിയിക്കുകയും ചെയ്യുന്നത് മതേതരത്വന്റെ കാതലും കരുതലുമാണ്.
അത്രയുമാണ് ഹിന്ദു മുസ്ലിം വിശ്വാസികള് പരസ്പരം ചേര്ന്നും ചേര്ത്തും നിര്ത്തുന്നുമുള്ളൂ.മതേതരത്വത്തിനും മാനവികതക്കും
അതിലപ്പുറം ശിര്ക്കിനെ സ്വീകരിക്കണമെന്ന് ബഹുദൈവവിശ്വാസികള്ക്ക് പോലും ശാഠ്യമില്ല.
പരലോക മോക്ഷമാണ് വിശ്വാസിക്ക് പ്രധാനം
ഗുരുവായൂരപ്പന് കഴിവുണ്ടെന്ന് മുസ്ലിംകളും വിശ്വാസിച്ചാലേ മാനവികമാകൂ എന്ന് ഹൈന്ദവിശ്വാസികള് പോലും പറയില്ല.
പിന്നെ വണങ്ങി വഴങ്ങിയ ശേഷം'ഗുരുവായൂരപ്പന് തന്നെ കാണുന്നുണ്ടെന്നും എല്ലാം അറിയുന്നുണ്ടെന്നും അനുഗ്രഹിക്കുമെന്നും ' പറയുന്നത് ആദര്ശത്തെ ബലികഴിച്ചു കൊണ്ട് തന്നെയാണ്. അറിവിന്റെ ആഴമുള്ളവരില് നിന്ന് തന്നെ പ്രകടമാകുന്ന ഈ രാഷ്ട്രീയ കപടതയെ ബഹുദൈവവിശ്വാസികള് പോലും പുഛത്തോടേ കാണൂ. തെരഞ്ഞെടുപ്പല്ല പരലോക മോക്ഷമാണ് വിശ്വാസിക്ക് പ്രധാനം.
അങ്ങാടിപ്പുറം തളിക്ഷേത്രത്തിന്റെ പടിവാതില് കത്തിയപ്പോള് പാഞ്ഞെത്തിയ വന്ദ്യരായ ശിഹാബ് തങ്ങള് പിന്തുണ നല്കിയത് ക്ഷേത്രനടയിലെ ദൈവങ്ങളെ പ്രാര്ത്ഥിച്ചു കൊണ്ടല്ല. ഏറ്റവും നല്ല മതവാദിയും മതേതരവാദിയുമായിരുന്നു തങ്ങള് എന്ന് നാമറിയുകയായിരുന്നു.
18 മാസം 18 കിലോ... ഭാരം കുറച്ച് തനുശ്രീ ദത്ത; ചിത്രങ്ങൾ കാണാം
-
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
1 ലക്ഷം രൂപയിൽ താഴെ വിലയ്ക്ക് സ്വർണം വേണോ? ഇപ്പോൾ വാങ്ങുന്നത് ബുദ്ധിയല്ല, കുറച്ച് കൂടി ക്ഷമിക്കൂ -
'ദിലീപിനെതിരെ ഏത് നടിയാണ് പരാതി പറഞ്ഞിട്ടുള്ളത്? മുഖ്യമന്ത്രിയെ തെമ്മാടിയെന്ന് വിളിച്ചയാളാണ് ഞാൻ'; അഖിൽ മാരാർ -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ചെറിയ പെരുന്നാളിന് സ്വര്ണം ഉയര്ന്നു! ഇന്ന് കൂടിയത് ഇത്ര; ഏറ്റവും കുറഞ്ഞ വിലയില് നിന്ന് കയറി
Click it and Unblock the Notifications
Sign in with Google