എസ്ഐയെയും സംഘത്തെയും മണല് ലോറിയിടിച്ച് അപായപ്പെടുത്താന് ശ്രമം: പോലീസുകാരന് പരിക്ക്
കോഴിക്കോട് പോലീസിന് നേരെയും മണല് മാഫിയയുടെ ഗുണ്ടായിസം. അനധികൃത മണല് കടത്ത് തടയാനെത്തിയ പോലീസ് സംഘത്തെ മണല് മാഫിയ ലോറി ഇടിപ്പിച്ച് കൊലപ്പെടുത്താന് ശ്രമിച്ചു. അപകടത്തില് ഒരു പോലീസുകാരന് പരിക്കേറ്റു
കോഴിക്കോട്: കോഴിക്കോട് പോലീസിന് നേരെയും മണല് മാഫിയയുടെ ഗുണ്ടായിസം. അനധികൃത മണല് കടത്ത് തടയാനെത്തിയ പോലീസ് സംഘത്തെ മണല് മാഫിയ ലോറി ഇടിപ്പിച്ച് കൊലപ്പെടുത്താന് ശ്രമിച്ചു. അപകടത്തില് ഒരു പോലീസുകാരന് പരിക്കേറ്റു. കോഴിക്കോട് മേപ്പയ്യൂരിലാണ് സംഭവം.
തിങ്കളാഴ്ച അര്ദ്ധരാത്രി മണല് കടത്ത് തടയാനെത്തിയ പോലീസ് സംഘത്തിന് നേരെ മണല് ലോറി ഇടിപ്പിച്ച് അപായപ്പെടുത്താന് ശ്രമിക്കുകയായിരുന്നു. മേപ്പയ്യൂര് പോലീസ് സ്റ്റേഷനിലെ സിപിഒ ശ്രീകുമാറിനാണ് പരിക്കേറ്റത്. ശ്രീകുമാറിനെ കോഴിക്കോട് മെഡിക്കല് കോളേജ് ആശുപത്രിയില് പ്രനേശിപ്പിച്ചിരിക്കുകയാണ്. അക്രമവുമായി ബന്ധപ്പെട്ട് ആറ് പേര്ക്കെതിരെ പോലീസ് കേസെടുത്തിട്ടുണ്ട്.
ചെറുവണ്ണൂര് കടവില് വച്ചാണ് അക്രമം നടന്നത്. പുഴയില് നിന്ന് മണല് കടത്തുന്നുവെന്നറിഞ്ഞ് സ്ഥലത്തെത്തിയ എസ്ഐയെയും പോലീസ് സംഘത്തെയും ലോറിയിടിപ്പിച്ച് കൊലപ്പെടുത്താന് ശ്രമിക്കുകയായിരുന്നു. മണല് കയറ്റിക്കൊണ്ടിരുന്ന മിനി ലോറി പോലീസ് വാഹനത്തിന് നേരെ ഓടിച്ച് കയറ്റാനായിരുന്നു ശ്രമം.
വണ്ഇന്ത്യയിലേക്ക് നിങ്ങള്ക്കും വാര്ത്തകളും ഫോട്ടോകളും അയയ്ക്കാം. ഉചിതമായവ പ്രസിദ്ധീകരിക്കും. അയയ്ക്കേണ്ട വിലാസം [email protected]