അഖിലാണ്ഡകോടി ബ്രഹ്മാണ്ഡ നായകനെ ഇപ്പോ അക്വേറിയത്തിലെ മീനാക്കിയല്ലോ" അമൃതാനന്ദമയിയെ ട്രോളി സന്ദീപാനന്ദ

അയ്യപ്പ സംഗമത്തില്‍ മാതാ അമൃതാനന്ദമയി നടത്തിയ പ്രസംഗത്തിനെതിരെ വലിയ പരിഹാസമാണ് സോഷ്യല്‍ മീഡിയയില്‍ ഉയരുന്നത്. ഇപ്പോള്‍ അമൃതാനന്ദമയിയെ പരിഹസിച്ച് രംഗത്തെത്തിയിരിക്കുകയാണ് സ്വാമി സന്ദീപാനന്ദഗിരി. അഖിലാണ്ഡകോടി ബ്രഹ്മാണ്ഡ നായകനെ അക്വേറിയത്തിലെ മീനാക്കിയല്ലോ എന്നായിരുന്നു സന്ദീപാനന്ദ ഫേസ്ബുക്കില്‍ കുറിച്ചത്.

സ്വിച്ച് ഇട്ടാല്‍ ലൈറ്റ് കത്തും ലൈറ്റ് ഇട്ടാല്‍ സ്വിച്ച് കത്തൂല മക്കളേ എന്ന് പറഞ്ഞും സന്ദീപാനന്ദ പരിഹസിച്ചു. അയ്യപ്പ ഭക്തസംഗമത്തില്‍ അമൃതാനന്ദമയി നടത്തിയ പ്രസംഗം സോഷ്യല്‍ മീഡിയയില്‍ വൈറല്‍ ആയിരുന്നു. അവരുടെ പ്രസംഗത്തെ പരിഹസിച്ചും വിമര്‍ശിച്ചും നിരവധി പേര്‍ രംഗത്തെത്തി.

ശരണമയ്യപ്പ കീ ജയ്, അയ്യപ്പ ശാസ്താവേ കീ ജയ് എന്നിങ്ങനെ മുദ്രാവാക്യങ്ങള്‍ വിളിച്ചാണ് പ്രസംഗം തുടങ്ങിയത്. ഇത് വേദിയില്‍ ഉള്ളവരില്‍ പോലും ചിരി പടര്‍ത്തിയിരുന്നു. നദിയില്‍ ഇറങ്ങി കുളിക്കുന്നതിന് പ്രത്യേകം നിബന്ധനകള്‍ ഒന്നുമില്ല. അതേസമയം നദിയിലെ വെള്ളം ഒരു സ്വിമ്മിംഗ് പൂളിലേക്ക് മാറ്റുമ്പോള്‍ അതില്‍ ക്ലോറിന്‍ ഇടണം, ഫില്‍ട്ടര്‍ ചെയ്യണം. അതില്‍ കുളിക്കാന്‍ ഇറങ്ങുന്നതിന് മുമ്പ് നമ്മള്‍ വേറെ വെള്ളത്തില്‍ കുളിക്കണം എന്നൊക്കെയായിരുന്നു അവര്‍ പ്രസംഗിച്ചത്.

English summary

sandeepanandhagiri troll amrithanandhamayi