ദുല്ഖര്, പ്രണവ്, കാളിദാസ്.. ചലഞ്ച് ഫ്രം സനുഷ
കൊച്ചി: ഐസ് ബക്കറ്റ് ചലഞ്ചിനും റൈസ് ബക്കറ്റ് ചലഞ്ചിനും ശേഷം മെഗാസ്റ്റാര് മമ്മൂട്ടി ഫേസ്ബുക്കില് തുറന്ന് വിട്ടതാണ് മൈ ട്രീ ചലഞ്ച്. ഷാറൂഖ് ഖാനേയും വിജയിനേയും ചലഞ്ച് ചെയ്തപ്പോള് വിജയ് മാത്രം ആ ചലഞ്ച് ഏറ്റെടുത്തു. എന്നാലും ഫേസ്ബുക്കില് സംഗതി വൈറലായി.
ബാലതാരമായി വന്ന് നായികയായി മാറിയ സനുഷ് സന്തോഷ് ഇപ്പോള് മമ്മൂട്ടിയുടെ മകനിട്ട് തന്നെ ആ ചലഞ്ച് കൈമാറിയിരിക്കുകയാണ്. മമ്മൂട്ടിയുടെ മകന് മാത്രമല്ല, മറ്റ് രണ്ട് സൂപ്പര് താരങ്ങളുടെ മക്കളേയും സനുഷ ചലഞ്ച് ചെയ്തിരിക്കുകയാണ്.
ദുല്ഖര് സല്മാന്, പ്രണവ് മോഹന്ലാല്, കാളിദാസ് ജയറാം... മൂന്ന് പേരെയാണ് സനുഷ ചലഞ്ച് ചെയ്തിരിക്കുന്നത്. എന്നാല് ആരെങ്കിലും ഈ വെല്ലുവിളി ഏറ്റെടുത്തതായി വിവരമൊന്നും ഇല്ല.
വാപ്പയായി തൊടുത്തുവിട്ട ചലഞ്ചാണ് മൈ ട്രീ ചലഞ്ച്. ദുല്ഖര് സല്മാന് അപ്പോള് ആ വെല്ലുവിളി ഏറ്റെടുക്കാതെ നിര്വ്വാഹമില്ല. എന്നാല് ഷൂട്ടിങ് തിരക്കിനിടെ അത് വല്ലതും നടക്കുമോ എന്നാണ് സംശയം.
മോഹന്ലാലിന്റെ മകന് പ്രണവ് ഇപ്പോള് സിനിമയുടെ തിരക്ിലാണ്. ദൃശ്യത്തിന്റെ തമിഴ് പതിപ്പില് സംവിധാന സഹായിയാണ് പ്രണവ്. ആ തിരക്കില് മരം നടാനൊക്കെ സമയം കിട്ടുമോ ആവോ?
ജയറാമിന്റെ മകന് കാളിദാസ് ഇപ്പോള് സിനിമയിലേക്ക് നായകനായി പ്രവേശിക്കാനുള്ള തിരക്കിലാണ്. കാളിദാസിനും മരം നടാനുള്ള സമയം കിട്ടുമോ എന്നത് സംശയമാണ്.