കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അബ്ദുള്ളക്കുട്ടി ഹോട്ടലിലേക്ക് ക്ഷണിച്ചെന്ന് സരിത

  • By Soorya Chandran
Google Oneindia Malayalam News

തിരുവനന്തപുരം: എപി അബ്ദുള്ളക്കുട്ടി എംഎല്‍എ പലതവണ തന്നെ വിളിച്ച് ശല്യം ചെയ്തിരുന്നതായി സരിത എസ് നായരുടെ വെളിപ്പെടുത്തല്‍. അബ്ദുള്ളക്കുട്ടി തന്നെ തിരുവനന്തപുരത്തെ മസ്‌കറ്റ് ഹോട്ടലിലേക്ക് വിളിപ്പിച്ചുവെന്നും സരിത.

നിരന്തരം തന്നെ വിളിച്ച് അബ്ദുള്ളക്കുട്ടി ശല്യം ചെയ്തിരുന്നു. ഏത് സമയത്ത് എന്നൊന്നുമില്ലാതെയാണ് അബ്ദുള്ളക്കുട്ടി തന്നെ വിളിച്ചുകൊണ്ടിരുന്നത്. ഒരു സ്ത്രീ എന്ന നിലക്ക് അബ്ദുള്ളക്കുട്ടി പറഞ്ഞ കാര്യങ്ങള്‍ പുറത്ത് പറയാന്‍ പോലും പറ്റില്ലെന്നും സരിത എസ് നായര്‍ വ്യക്തമാക്കുന്നു.

Saritha S Nair

അറസ്റ്റിലാകുന്നതിന് രണ്ട് മാസം മുമ്പ് വരെ അബ്ദുള്ളക്കുട്ടി തന്നെ നിരന്തരം ശല്യം ചെയ്തിരുന്നു. പോലീസ് കസ്റ്റഡിയില്‍ ആയ സമയത്ത് തന്റെ പേര് പറയരുതെന്നാവശ്യപ്പെട്ട് അബ്ദുള്ളക്കുട്ടി എസ്എംഎസ് അയക്കുകയും ചെയ്തു. പോലീസ് കസ്റ്റഡിയില്‍ ഉള്ളസമയത്തും അബ്ദുള്ളക്കുട്ടി വിളിച്ചിരുന്നുവെന്ന് സരിത വെളിപ്പെടുത്തു.

മന്ത്രിമാരുമായുള്ള തന്റെ ബന്ധങ്ങളെക്കുറിച്ച് ഇപ്പോഴൊന്നും പറയുന്നില്ല. യുഡിഎസ് സര്‍ക്കാര്‍ തനിക്ക് ഒരു സഹായവും ചെയ്തിട്ടില്ല. ഉപദ്രവിക്കുക മാത്രമാണ് ചെയ്തത്. കാര്യങ്ങള്‍ രണ്ട് ദിവസത്തിനുള്ളില്‍ വെളിപ്പെടുത്തും-സരിത പറഞ്ഞു.

കേരളത്തിലെ പല പ്രമുഖരായ രാഷ്ട്രീയക്കാരുടേയും ഉറക്കം നഷ്ടപ്പെടുന്ന രാത്രികളായിരിക്കും ഇനി വരാന്‍ പോകുന്നത് എന്നും സരിത പറഞ്ഞു. താന്‍ ഇത്രനാളും ഉറങ്ങിയില്ല, ഇനി ചിലര്‍ ഉറങ്ങാതിരിക്കട്ടെ എന്നും സരിത പറഞ്ഞു.

പലരും മോശമായി പെരുമാറിയിട്ടുണ്ട്. ഇപ്പോള്‍ എംഎല്‍എമാരായിട്ടുള്ളവരും എക്‌സ് എംഎല്‍എമാരും ഇത്തരത്തില്‍ പെരുമാറിയിട്ടുണ്ട്. ഇതില്‍ പല രാഷ്ട്രീയപാര്‍ട്ടിക്കാരും ഉണ്ടെന്നും സരിത പറയുന്നു.

English summary
AP Abdullakkutty MLA asked me to come to Muscot Hotel, alleges Saritha S Nair.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X