സരിത പറഞ്ഞ് തീര്‍ന്നിട്ടില്ല... ശാലുവിനെ കുറിച്ചും!!!

Updated: Friday, October 30, 2015, 11:45 [IST]

കൊച്ചി: സോളാര്‍ തട്ടിപ്പ് കേസിലെ പ്രതി സരിത എസ് നായര്‍ കുറച്ച് നാളായി വാര്‍ത്തകളില്‍ നിന്ന് മാറി നില്‍ക്കുകയാണ്. വിവാദങ്ങള്‍ ഏറെയുള്ളതിനാല്‍ പ്രതിപക്ഷം പോലും ഇപ്പോള്‍ സോളാര്‍ കേസിനെ കുറിച്ച് പറയുന്നില്ല.

എന്നാല്‍ സരിത അങ്ങനെ നിശബ്ദയായി ഇരിയ്ക്കാന്‍ തയ്യാറല്ല. കഴിഞ്ഞ ദിവസം ശാലു മേനോന്‍ സോളാര്‍ കമ്മീഷന് മുന്നില്‍ മൊഴി നല്‍കിയതോടെ സരിതയും രംഗത്തിറങ്ങിയിരിയ്ക്കുയാണ്.

സോളാര്‍ കമ്പനിയുടെ പണം ബിജു രാധാകൃഷ്ണന്‍ തനിയ്ക്ക് തന്നിട്ടില്ലെന്നായിരുന്നു ശാലു മേനോന്‍ പറഞ്ഞത്. എന്നാല്‍ ഇത് തെറ്റാണെന്ന് തെളിയിയ്ക്കാനുള്ള തെളിവുകള്‍ തന്റെ കൈയ്യില്‍ ഉണ്ടെന്നാണ് സരിത പറയുന്നത്.

സോളാര്‍ കമ്മീഷന്‍

സോളാര്‍ കമ്പനിയുടെ പണമൊന്നും ബിജു രാധാകൃഷ്ണന്‍ തനിയ്ക്ക് തന്നിട്ടില്ലെന്നായിരുന്നു കഴിഞ്ഞ ദിവസം ശാലു മേനോന്‍ സോളാര്‍ കമ്മീഷന് മുന്നില്‍ മൊഴി നല്‍കിയത്.

പണം നല്‍കിയത് ശാലുവിന് തന്നെ?

എന്നാല്‍ സരിത എസ് നായര്‍ ഈ വാദം അംഗീകരിയ്ക്കാന്‍ തയ്യാറല്ല. ബിജു രാധാകൃഷ്ണന്‍ കമ്പനിയുടെ പണം ശാലുവിന് നല്‍കിയിട്ടുണ്ടെന്നാണ് സരിത പറയുന്നത്.

തെളിവുണ്ട്, നല്‍കും

സോളാര്‍ കമ്പനിയുടെ പണം ബിജു രാധാകൃഷ്ണന്‍ ശാലുവിന് നല്‍കിയതിന് തന്റെ കൈയ്യില്‍ തെളിവുണ്ടെന്നാണ് സരിത പറയുന്നത്. ഈ തെളിവുകള്‍ സോളാര്‍ കമ്മീഷന് നല്‍കുമെന്നും സരിത വ്യക്തമാക്കുന്നുണ്ട്.

പണ്ടും പറഞ്ഞിട്ടുണ്ട്

തന്റെ കൈയ്യില്‍ തെളിവുകളുണ്ടെന്ന് സരിത മുന്പും പലേക്കുറിച്ചും പറഞ്ഞിട്ടുണ്ട്. എന്നാല്‍ ഇതുവരെ ഒരു തെളിവും സരിത പുറത്ത് വിട്ടിട്ടില്ല.

ശാലുവിനെ കുടുക്കാന്‍

ശാലു മേനോനെതിരെ സരിത തന്നെയാണ് തുടക്കം മുതലേ രംഗത്തുണ്ടായിരുന്നത്. ബിജു രാധാകൃഷ്ണനും ശാലു മേനോനും തമ്മിലുള്ള ബന്ധമായിരുന്നു ഇതിന് കാരണമെന്നാണ് ആരോപണം.