കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

രഹസ്യ വിസ്താരം പുറത്ത് വിടില്ലെന്ന് സരിത... 'അതിന്' പിന്നില്‍ ജയരാജനാണോ എന്നറിയില്ല

Google Oneindia Malayalam News

കൊച്ചി: സോളാര്‍ ജുഡീഷ്യല്‍ കമ്മീഷന് മുന്നില്‍ ബിജു രാധാകൃഷ്ണന്‍ നടത്തിയ രഹസ്യ ക്രോസ്സ് വിസ്താരത്തെ കുറിച്ച് പുറത്ത് പറയില്ലെന്ന് സരിത എസ് നായര്‍. വിവരങ്ങള്‍ ലഭിച്ചാല്‍ പോലും അത് പ്രസിദ്ധീകരിയ്ക്കരുതെന്ന് മാധ്യമങ്ങളോട് സോളാര്‍ കമ്മീഷനും ആവശ്യപ്പെട്ടിട്ടുണ്ട്.

സോളാര്‍ വെളിപ്പെടുത്തലുകള്‍ക്കായി പത്ത് കോടി രൂപ വാഗ്ദാനം ചെയ്തു എന്ന കാര്യത്തില്‍ സരിത ഇപ്പോഴും ഉറച്ച് തന്നെ നില്‍ക്കുകയാണ്. എന്നാല്‍ അതിന് പിന്നില്‍ സിപിഎമ്മുകാര്‍ ആണെന്ന് ഉറപ്പൊന്നും ഇല്ലെന്നാണ് സരിത പറയുന്നത്.

Saritha S Nair

ഇപി ജയരാജന്‍ പറഞ്ഞിട്ട് വന്നതാണെന്ന് പറഞ്ഞാണ് ഒരാള്‍ തന്നെ സമീപിച്ചതെന്ന് സരിത പറയുന്നു. ഇയാള്‍ സിപിഎമ്മുകാരനാണോ എന്ന് പോലും തനിയ്ക്കറിയില്ലെന്നാണ് സരിത പറയുന്നത്.

അന്ന് യുഡിഎഫ് നേതാക്കളായിരുന്നു തന്നെ നിയന്ത്രിച്ചിരുന്നത്. അതിനാല്‍ അത്തരം ഒരു വാഗ്ദാനത്തിന് പിറകെ പോയില്ലെന്നും സരിത വ്യക്തമാക്കി. കെപിസിസി വൈസ് പ്രസിഡന്റ് എംഎം ഹസ്സന്‍ ആണ് ഈ വിഷയത്തില്‍ ഇപി ജയരാജനെതിരെ ആരോപണം ഉന്നയിച്ചത്. നട്ടാല്‍ കുരുക്കാത്ത നുണയാണിതെന്നാണ് ജയരാജന്‍ പ്രതികരിച്ചത്.

ബിജു രാധാകൃഷ്ണന്റെ ക്രോസ്സ് വിസ്താരം സോളാര്‍ കമ്മീഷന് മുന്നില്‍ സമാപിച്ചു. ക്രോസ്സ് വിസ്താരത്തിന് ശേഷം തന്റെ കൈവശമുള്ള ഡിജിറ്റല്‍ തെളിവുകള്‍ കമ്മീഷന് കൈമാറും എന്നാണ് സരിത അറിയിച്ചിരുന്നത്.

English summary
Will not reveal about the cross examination done by Biju Radhakrishnan: Saritha S Nair.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X