Click it and Unblock the Notifications
Just In
Don't Miss
-
ക്ഷിപ്രവേഗത്തില് കോപം: ഹനുമാനെ ആരാധിക്കുമ്പോള് ഈ തെറ്റുകള് അരുത് -
സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ -
IPL 2024: ഇന്ത്യക്ക് വേണ്ട, പക്ഷെ സഞ്ജുവിന്റെ തുറുപ്പു ചീട്ട്! തന്റെ തന്ത്രം വെളിപ്പെടുത്തി സന്ദീപ് -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സോളാര്‍ കമ്മീഷന് മുന്നില്‍ തെളിവായി സരിതയുടെ സിഡികള്‍ ഹാജര്‍ ... ഇനിയെന്ത്?
കൊച്ചി: സോളാര്‍ കേസില്‍ സരിത എസ് നായര്‍ നിലപാടില്‍ ഉറച്ച് പോരാട്ടം തുടരുന്നു. ഇതിനിടെ സരിത എസ് നായര്‍ സോളാര്‍ കമ്മീഷന് മുന്നില്‍ മൂന്ന് സിഡികള്‍ ഹാജരാക്കി.
മുഖ്യമന്ത്രി ഉമ്മന്‍ ചാണ്ടിയെ കുടുക്കാന്‍ ഉതകുന്നതാണ് സരിത എസ് നായര്‍ ഇപ്പോള്‍ കൈമാറിയിരിയ്ക്കുന്ന സിഡികള്‍ എന്നാണ് റിപ്പോര്‍ട്ടുകള്‍. മുഖ്യമന്ത്രിയുടെ മുന്‍ ഗണ്‍മാന്‍ സലീം രാജുമായും മുതിര്‍ന്ന കോണ്‍ഗ്രസ് നേതാക്കളായ തമ്പാനൂര്‍ രവിയുമായും ബെന്നി ബെഹ്നാനുമായും നടത്തിയ ടെലിഫോണ്‍ സംഭാഷണങ്ങളാണ് ഈ സിഡികളില്‍ ഉള്ളത് എന്നാണ് റിപ്പോര്‍ട്ടുകള്‍.
സരിതയെ മൂന്ന് തവണ കണ്ടിട്ടുണ്ടാകാം എന്നാണ് മുഖ്യമന്ത്രി ഉമ്മന്‍ ചാണ്ടി സോളാര്‍ കമ്മീഷന് മുന്നില്‍ പറഞ്ഞിരുന്നത്. എന്നാല്‍ ഇത് തെറ്റാണെന്ന് തെളിയിയ്ക്കാനുതകുന്ന ഒരു ടെലിഫോണ്‍ സംഭാഷണം കഴിഞ്ഞ ദിവസം പുറത്ത് വന്നിരുന്നു.
സരിതയുടെ സിഡികള്‍
മൂന്ന് സിഡികള്‍ ആണ് സരിത എസ് നായര്‍ ഇപ്പോള്‍ സോളാര്‍ കമ്മീഷന് മുന്നില്‍ സമര്‍പ്പിച്ചിട്ടുള്ളത്. മറ്റ് ചില രേഖകളും കമ്മീഷന് മുന്നില്‍ ഹാജരാക്കിയിട്ടുണ്ട്.
തമ്പാനൂര്‍ രവി
കോണ്‍ഗ്രസ്സിലെ എ വിഭാഗം നേതാവും ഉമ്മന്‍ ചാണ്ടിയുടെ വിശ്വസ്തനും ആയ തമ്പാനൂര്‍ രവിയുമായി കഴിഞ്ഞ രണ്ട് വര്‍ഷം നടത്തിയ ഫോണ്‍ സംഭാഷണങ്ങളാണ് ഒരു സിഡിയില്‍ ഉള്ളത് എന്നാണ് വിവരം.
ബെന്നി ബെഹ്നാന്‍
മുതിര്‍ന്ന കോണ്‍ഗ്രസ് നേതാവും ഉമ്മന്‍ ചാണ്ടിയുടെ വിശ്വസ്തനും ആയ ബെന്നി ബെഹ്നാനുമായും 2014 മുതല്‍ നടത്തിയ സംഭാഷണങ്ങളുടെ വിശദാംശങ്ങളും ഒരു സിഡിയില്‍ ഉണ്ടെന്നാണ് റിപ്പോര്‍ട്ട്.
സലീം രാജ്
മുഖ്യമന്ത്രിയുടെ മുന്‍ ഗണ്‍മാന്‍ സലീം രാജുമായി നടത്തിയ ഫോണ്‍ സംഭാഷണങ്ങളും ഒരു സിഡിയില്‍ ഉണ്ട്.
എബ്രഹാം കലമണ്ണില്‍
വ്യവസായിയും ആറന്മുള വിമാനത്താവളത്തിനോട് ബന്ധപ്പെട്ട വ്യക്തിയുമായ എബ്രഹാം കലമണ്ണിലുമായുള്ള സംഭാഷണവും വീഡിയോയും ആണ് മൂന്നാമത്തെ സിഡിയില്‍ ഉള്ളത്.
ഭീഷണിയുടെ വീഡിയോ
വ്യവസായി എബ്രഹാം കലമണ്ണില്‍ തന്നെ ഭീഷണിപ്പെടുത്തിയതായും സരിത ആരോപിയ്ക്കുന്നുണ്ട്. മുഖ്യമന്ത്രിയ്‌ക്കെതിരെയുള്ള വെളിപ്പെടുത്തലുകള്‍ അവസാനിപ്പിയ്ക്കണം എന്നാണ് ഭീഷണി. ഇതിന്റെ ദൃശ്യങ്ങളും സരിത ഹാജരാക്കിയ സിഡിയില്‍ ഉണ്ടെന്നാണ് റിപ്പോര്‍ട്ടുകള്‍.
മുഖ്യന്‍ കുടുങ്ങും?
സരിത എസ് നായരുമായി തനിയ്ക്ക് ഒരു ബന്ധവും ഇല്ലെന്ന മുഖ്യമന്ത്രി ഉമ്മന്‍ ചാണ്ടിയുടെ വാദം ഇതോടെ പൊളിയുമോ എന്നാണ് കേരളം ഉറ്റുനോക്കുന്നത്.
തെളിവ് സ്വീകരിച്ചു
എന്തായാലും സരിത ഹാജരാക്കിയ തെളിവുകള്‍ സോളാര്‍ ജുഡീഷ്യല്‍ കമ്മീഷന് സ്വീകരിച്ചിട്ടുണ്ട്. ഈ തെളിവുകള്‍ കമ്മീഷന് പരിധോശിച്ചതിന് ശേഷം ആകും തുടര്‍ നടപടികള്‍.
