സരിതയും തമ്പാനൂര്‍ രവിയും ഫോണില്‍ സംസാരിച്ചത് 507തവണ, ഞെട്ടിപ്പിക്കുന്ന വെളിപ്പെടുത്തല്‍

By Sruthi K M

Published: Tuesday, March 15, 2016, 14:40 [IST]

കൊച്ചി: സരിത എസ് നായരെ നേരിട്ട് ഒരു തവണ പോലും കണ്ടിട്ടില്ലെന്ന് പറഞ്ഞ കെപിസിസി ജനറല്‍ സെക്രട്ടറി തമ്പാനൂര്‍ രവിയുടെ മുഖം മൂടി വലിച്ചു കീറുന്ന വെളിപ്പെടുത്തലാണ് വന്നിരിക്കുന്നത്. ഒരു വര്‍ഷത്തിനിടെ തമ്പാനൂര്‍ രവി സരിതയെ ഫോണില്‍ സംസാരിച്ചത് 507 തവണയാണെന്നാണ് പറയുന്നത്.

എന്നാല്‍, ഇതിനെപ്പറ്റി സോളാര്‍ കമ്മീഷന്‍ ഉദ്യോഗസ്ഥര്‍ ചോദിച്ചപ്പോള്‍ തമ്പാനൂര്‍ രവി പറഞ്ഞതിങ്ങനെ. എത്ര അര്‍ധരാത്രിയായാലും ആരു ഫോണ്‍ വിളിച്ചാല്‍ താന്‍ എടുക്കാറുണ്ടെന്നാണ് അദ്ദേഹം പറഞ്ഞത്. ഒരു പൊതു പ്രവര്‍ത്തകന്‍ എന്ന നിലയില്‍ തനിക്കത് ആവശ്യമാണ്. അതേസമയം, 51തവണ തമ്പാനൂര്‍ രവി സരിതയെ അങ്ങോട്ട് വിളിച്ചിട്ടുണ്ടെന്നും കമ്മീഷന്‍ പറയുന്നുണ്ട്.

സരിതയെ കണ്ടിട്ടില്ല

സരിത എസ് നായരെ നേരിട്ട് ഒരു തവണ പോലും കണ്ടിട്ടില്ലെന്ന് പറഞ്ഞ തമ്പാനൂര്‍ രവി 507 തവണയാണ് ഫോണില്‍ വിളിച്ചത്. ഞെട്ടിപ്പിക്കുന്ന വെളിപ്പെടുത്തല്‍ നടത്തിയിരിക്കുന്നത് സോളാര്‍ കമ്മീഷനാണ്.

ആരു വിളിച്ചാലും എടുക്കും

ഒരു പൊതു പ്രവര്‍ത്തകനെന്ന നിലയില്‍ എത്ര അര്‍ധരാത്രിയായാലും ആരു ഫോണ്‍ വിളിച്ചാല്‍ താന്‍ എടുക്കാറുണ്ടെന്നാണ് അദ്ദേഹം പറഞ്ഞത്. എന്നാല്‍, 51തവണ തമ്പാനൂര്‍ രവി സരിതയെ അങ്ങോട്ട് വിളിച്ചിട്ടുണ്ടെന്ന തെളിവ് കമ്മീഷന്‍ വെളിപ്പെടുത്തുകയായിരുന്നു.

കഥ മാറ്റി പറഞ്ഞു

സരിതയെ പോലെ തന്നെ തോന്നുമ്പോ കഥ മാറ്റി പറയുന്ന അവസ്ഥയാണ് കണ്ടത്. സരിതയ്ക്ക് ഒരുറപ്പും താന്‍ കൊടുത്തിട്ടില്ലെന്നാണ് തമ്പാനൂര്‍ രവി പിന്നീട് പറഞ്ഞത്. മാധ്യമങ്ങളിലൂടെ മാത്രമേ സരിതയെ താന്‍ കണ്ടിട്ടുള്ളൂവെന്നാണ് തമ്പാനൂര്‍ രവി നേരത്തെ പറഞ്ഞത്.

സംശയം മാത്രം

തമ്പാനൂര്‍ രവിയുടെ മൊഴിയില്‍ സംശയം തോന്നിയ കമ്മീഷന്‍ ഫോണ്‍ വിശദാംശങ്ങള്‍ പരിശോധിക്കുകയായിരുന്നു.

ആരോപണങ്ങളിങ്ങനെ

സരിതയുടെ മൂന്നു ടെലിഫോണ്‍ നമ്പറിലേക്കാണ് കോള്‍ പോയത്. മുഖ്യമന്ത്രിക്കു വേണ്ടിയാണ് തമ്പാനൂര്‍ രവി തന്നെ വിളിച്ചതെന്ന് സരിത നേരത്തെ ആരോപിച്ചിരുന്നു. ഇതിനു പിന്നാലെയാണ് തമ്പാനൂര്‍ രവിയുടെ മൊഴി രേഖപ്പെടുത്തിയത്.