സരിതയുടെ വീഡിയോ: പിസി ജോര്‍ജ്ജ് വാക്ക് പാലിക്കുമോ

തിരുവനന്തപുരം: സരിത എസ് നായരുടെ സ്വകാര്യ വീഡിയോ ദൃശ്യങ്ങള്‍ പുറത്ത് വിട്ടത് ആരെന്നറിയാനുള്ള മലാളികളുടെ കാത്തിരിപ്പ് അവസാനിക്കുന്നു. ഇന്നാണ്(ഒക്ടോബര്‍ 23) ആ പേരുകള്‍ വെളിപ്പെടുത്തുമെന്ന് സര്‍ക്കാര്‍ ചീഫ് വിപ്പ് പിസി ജോര്‍ജ്ജ് പ്രഖ്യാപിച്ചിരുന്നു.

ഒക്ടോബര്‍ 23 പാതി ദിനം പിന്നിട്ടപ്പോഴും പിസി ജോര്‍ജ്ജിന്റെ വെളിപ്പെടുത്തല്‍ എവിടേയും പ്രത്യക്ഷപ്പെട്ടിട്ടില്ല. ജോര്‍ജ്ജ് ആ പേരുകള്‍ വെളിപ്പെടുത്താന്‍ കാത്തിരിക്കുകയാണെന്ന് കഴിഞ്ഞ ദിവസം സരിത എസ് നായും പറഞ്ഞു.

സരിത എസ് നായരുടേതെന്ന പേരില്‍ ആറ് വീഡിയോ ക്ലിപ്പുകളാണ് വാട്‌സ് ആപ്പില്‍ പ്രചരിച്ചിരുന്നത്. ഇതില്‍ ഒരു ദൃശ്യം തന്റേതാണെന്ന് സരിത തന്നെ സ്ഥിരീകരിച്ചിരുന്നു. വിഷയത്തില്‍ അന്വേഷണം ആവശ്യപ്പെട്ട് സരിത കോടതിയെ സമീപിക്കുകയും ചെയ്തിരുന്നു.

സരിത എസ് നായരുടെ ദൃശ്യങ്ങള്‍ ചിത്രീകരിച്ച വ്യക്തിയെ തനിക്കറിയാം എന്നാണ് സര്‍ക്കാര്‍ ചീഫ വിപ്പ് പിസി ജോര്‍ജ്ജ് പറഞ്ഞിരുന്നത്. ദൃശ്യങ്ങള്‍ പുറത്തുവിട്ടതിന് പിന്നില്‍ രാഷ്ട്രീയ ലക്ഷ്യങ്ങളുണ്ടെന്നും ജോര്‍ജ്ജ് ആരോപിച്ചിരുന്നു.

മര്യാദയുടെ പേരില്‍ മാത്രമാണ് ഇപ്പോള്‍ പേര് വെളിപ്പെടുത്താത്തതെന്നാണ് ജോര്‍ജ്ജ് അന്ന് പറഞ്ഞത്. ഒകടോബര്‍ 23 ന് പേര് പുറത്ത് പറയുമെന്ന ഭീഷണിയും അന്ന് മുഴക്കിയിരുന്നു.

പിസി ജോര്‍ജ്ജ് ഇതിന് മുമ്പ് പലപ്പോഴും ഞെട്ടിക്കുന്ന രഹസ്യങ്ങള്‍ വെളിപ്പെടുത്തുമെന്ന് പ്രഖ്യാപിച്ചിരുന്നു. എന്നാല്‍ പിന്നീട് അതെല്ലാം വെറും വാക്കുകളാകുന്ന കാഴ്ചയാണ് കണ്ടത്.

English summary

Saritha's Videos: Will PC George reveal the name today