സരിതയുടെ കുട്ടിയുടെ അച്ഛന്‍ രാഷ്ട്രീയനേതാവ്

കോട്ടയം: സോളാര്‍ വിവാദ നായിക സരിത എസ് നായരുടെ ഞെട്ടിപ്പിക്കുന്ന വെളിപ്പെടുത്തല്‍. തന്റെ രണ്ടാമത്തെ കുട്ടിയുടെ പിതാവ് ഒരു യുവ രാഷ്ട്രീയ നേതാവാണെന്നാണ് സരിത വെളിപ്പെടുത്തിയത്.

മംഗളം വാരികയില്‍ സരിത എഴുതുന്ന 'പറയാന്‍ പലതും ബാക്കി' എന്ന പംക്തിയിലാണ് വെളിപ്പെടുത്തല്‍. സരിതയുടെ കുട്ടിയുടെ അച്ഛനായ ആ രാഷ്ട്രീയ നേതാവ് ആരാണെന്നാണ് ഇപ്പോള്‍ കേരളം ചര്‍ച്ച ചെയ്യുന്നത്.

താന്‍ എങ്ങനെയാണ് ഇങ്ങനെയായത് എന്നതിന്റെ ഉത്തരമാണ് സരിത തന്റെ ജീവിതാനുഭവങ്ങളിലൂടെ പങ്കുവക്കുന്നത്. മറ്റ് ചിലരുടെ തിരക്കഥയിലെ കഥാപാത്രം മാത്രമാണ് താനെന്നും സരിത വ്യക്തമാക്കുന്നു.

ആദ്യത്തെ വിവാഹ ബന്ധം തകര്‍ന്ന സമയത്താണ് യുവ രാഷ്ട്രീയ നേതാവുമായി അടുപ്പം തുടങ്ങുന്നതത്രെ. തന്റെ ജീവതത്തില്‍ സ്‌നേഹവും സന്തോഷവും ആശ്വാസവും തന്ന ആളായിട്ടാണ് സരിത ആ രാഷ്ട്രീയ നേതാവിനെ വിശേഷിപ്പിക്കുന്നത്.

തിരുവനന്തപുരത്ത് എത്തിയതിന് ശേഷമാണ് അടുപ്പം കൂടുതല്‍ തലങ്ങളിലേക്ക് വളര്‍ന്നതത്രെ. പിന്നീട് അദ്ദേഹത്തിന്റെ കുഞ്ഞിനെ ഗര്‍ഭം ധരിക്കുന്നതിലേക്ക് ആ അടുപ്പം വളര്‍ന്നുവെന്നും സരിത വ്യക്തമാക്കുന്നു. കുട്ടികളുടെ കാര്യത്തില്‍ ഇപ്പോഴും ആ രാഷ്ട്രീയ നേതാവ് എല്ലാ സഹായങ്ങളും ചെയ്യുന്നുണ്ടെന്നും സരിത പറയുന്നുണ്ട്.

English summary

Saritha S Nair's daughter's father a Young Politician?